ខេត្តបន្ទាយមានជ័យលោកអាត់ខែមសមាជិកអចិន្ត្រៃយ៍គណៈកម្មាធិការគណបក្សខេត្តនិងក្រុមការងារជាច្រើននាក់នៃស្នងការដ្ឋាននគរបាលខេត្តបន្ទាយមានជ័យ កាលពីព្រឹកថ្ងៃទី៣ខែឧសភា ឆ្នាំ ២០១៥ នេះបានដឹកនាំក្រុមការងារចុះទៅពិនិត្យស្ថានភាពផ្លូវចំនួន២ខ្សែដែលខូចខាតរយះពេលកន្លងមកដើម្បីត្រៀមធ្វើការជួសជុលនៅពេលខាងមុខនៅឃុំ២របស់ស្រុកស្វាយចេក សម្រាប់បម្រើសេចក្តីត្រូវការដល់ការធ្វើដំណើរជូនប្រជាពលរដ្ឋក៏ដូចជាការដឹកជញ្ជូនកសិផលរបស់ពួកគាត់ នារដូវវស្សាខាងមុខនេះផងដែរ។ផ្លូវទាំង២ខ្សែ ខាងលើនេះ មួយខ្សែ មានប្រវែងប្រមាណ៣គីឡូម៉ែត្រ ពី ភូមិបារាយណ៍ ឃុំតាផូ ទៅភូមិគោកអំពិលឃុំស្លក្រាមនិងមួយខ្សែទៀតប្រវែប្រមាណ៥គីឡូម៉ែត្រ ស្ថិតនៅឃុំទ្រាសដែលបច្ចុប្បន្ន ផ្លូវទាំងនេះ មានការខូចខាតយ៉ាងខ្លាំងដែលមិនអាចធ្វើដំណើរ បានដោយស្រួលពោលមានជង្ហុកខូចខាតដោយអន្លើ ។លោក អាត់ខែមបានថ្លែងឲ្យដឹងថាដោយសារតែមានសំណូមពររបស់ ប្រជាពលរដ្ឋស្នើសុំឲ្យក្រុមការងាររបស់លោកមានជួសជុលផ្លូវទាំង២ខ្សែនេះឡើងវិញលោកនិងក្រុមការងារដោយមានការណែនាំពីសំណាក់លោកកែ គឹមយ៉ានប្រធានក្រុមការងារ
ចុះជួយខេត្តបន្ទាយមានជ័យបានធ្វើចលនាស្វែងរកជំនួយបន្ថែមពី សប្បុរសជន ដែលមានលោក សារ៉ាក់ លោក ហួរ លោក សឿន ព្រមទាំងមានការចូលរួម ពីក្រុមអាជីវករ ជាច្រើន នាក់ផ្សេងទៀត ទើបបានសម្រេចធ្វើការជួសជុលផ្លូវ៣ខ្សែនេះតែម្តង។ លោក អាត់ ខែម បានបន្តថា ក្រោយបញ្ចប់ការ ជួសជុលរួចនោះ ប្រជា ពលរដ្ឋ នៅតំបន់នេះ នឹងអាចធ្វើដំណើរ ជាពិសេស ដឹកកសិផល បានយ៉ាង ងាយស្រួល ទៅវិញទៅមក ។អាជ្ញាធរមូលដ្ឋាន និង ប្រជាពលរដ្ឋ នៅទីនោះ បានថ្លែងអំណរគុណ ដល់លោក អាត់ ខែម និង ក្រុមការងារទាំងអស់បានដែលបានជួយសំរួល ដល់ការ លំបាករបស់ពួកគាត់ចំពោះការគិតគូ របស់ថ្នាក់ដឹកនាំ ៕
