មណ្ឌលគិរី៖ រាជរដ្ឋាភិបាលបានលើកយកគោលនយោបាយ សំខាន់ៗពិសេសគឺកម្មករ ចាប់ពីឆ្នាំ២០១៨ឡើងទៅ ប្រាក់ខែតម្រូវឲ្យចាប់ពី១៥០$ ឡើង រីឯមន្ត្រីរាជការយ៉ាងតិច១លានរៀលឡើងទៅ ហើយនៅតាមបណ្តាស្រុកក្នុងខេត្តនឹងមានភ្លើងអគ្គីសនីប្រើប្រាស់ប្រសាសន៍ បែប![11216201_1590646937864415_1017131736_n[1]](https://i0.wp.com/khemaradaily.com/wp-content/uploads/2015/05/11216201_1590646937864415_1017131736_n1.jpg?resize=448%2C336&ssl=1)
នេះ ត្រូវបានឯកឧត្តម អេង ប៊ុនហ៊ាង អភិបាលខេត្តមណ្ឌលគិរី ថ្លែងក្នុងពិធីមិទ្ទិញអបអរសាទខួបអនុស្សាវរីយ៍លើកទី១២៩ ទិវាពលកម្មអន្តរជាតិ ១ ឧសភា ឆ្នាំ២០១៥ ដែលបានរៀបចំឡើងនៅព្រលានយន្តហោះក្រុងសែនមនោរម្យ កាលពីព្រឹកថ្ងៃទី០៦ ឧសភា ២០១៥ ពិធីនេះដែរ ក៏មានការអញ្ជើញចូលរួមពីមន្ត្រីរាជការ តំណាងក្រុមហ៊ុន កម្មករនិយោគជិក ប្រជាពលរដ្ឋ លោកគ្រូ អ្នកគ្រូ និង សិស្សានុសិស្ស ប្រមាណជា៦០០នាក់ផងដែរ ៕
តាមរបាយការណ៍របស់ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្ត លោកណយ ស្រូន បានឲ្យដឹងថា ដោយគិត តែក្នុងអំឡុងឆ្នាំ២០១៤ មន្ទីរការងារ និងបណ្តុះបណ្តាល បានផ្តល់ការបណ្តុះបណ្តាដល់ប្រជាពលរដ្ឋទាំងពីរភេទ មានសិក្ខាកាម សរុប២.១១២នាក់ ស្រី១.២២៧នាក់ ស្មើ៩៦វគ្គ លើមុខជំនាញ២២ជំនាញ ។ ទទឹមនឹងនោះដែរ មន្ទីរបានផ្តល់សេវាសាធារណៈ របស់រដ្ឋក្នុងវិស័យការងារឆ្លើយតបកាន់តែប្រសើរទៅ និងសេចក្តីត្រូវការរបស់ប្រជាពលរដ្ឋ ដើម្បីផ្តល់សេវាក្នុងការជួយស្វែងរក ការងារផ្តល់ព័ត៌មានពីឱកាសការងារកាន់តែងាយស្រួលជូនប្រជាពលរដ្ឋដល់ទីជនបទ ព្រមទាំងផ្តល់ ការគាំទ្រដល់ និយោជក ក្នុងការជ្រើសរើសកម្លាំងពលកម្មបានឆាប់រហ័សផងដែរ ។![11198635_1590646931197749_773501261_n[1]](https://i0.wp.com/khemaradaily.com/wp-content/uploads/2015/05/11198635_1590646931197749_773501261_n1.jpg?resize=448%2C336&ssl=1)
លោកបន្ថែមទៀតថា ដើម្បីអនុវត្តយុទ្ធសាស្ត្រចតុកោណដំណាក់កាលទី ៣ របស់រាជរដ្ឋាភិបាល មន្ទីរបន្តអនុវត្តផែនការ យុទ្ធសាស្ត្រអភិវឌ្ឍន៍វិស័យការងាររយៈពេល៥ឆ្នាំ ចាប់ពីឆ្នាំ២០១៤ ដល់២០១៨ លើអទិភាព៣រួមមាន៖ ១/ ជម្រុញការបង្កើត ឱកាសការងារ ធានាលក្ខខណ្ឌការងារល្អប្រសើរ និងពង្រឹងការងារបេឡាជាតិរបបសន្តិសុខ ។ ២/ អភិវឌ្ឍន៍មជ្ឈមណ្ឌលបណ្តុះ បណ្តាលវិជ្ជាជីវៈខេត្ត និងផ្តល់សេវាអប់រំបណ្តុះបណ្តាលបច្ចេកទេសវិជ្ជាជួនប្រជាពលរដ្ឋ ។ ៣/ ពង្រឹងអភិបាលកិច្ចល្អ និងពង្រឹង សមធម៌យ៉េនឌ័រ៕
