បន្ទាយមានជ័យ ៖ លើកឡើងកិច្ចប្រជុំបូកសរុបការងារប្រចាំខែឧសភា ២០១៥ កាលពីម្សិលមិញ នៅទីបញ្ជាការអាវុធហត្ថខេត្ត ។ លោកឧត្តមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យ បានយករឿងគ្រឿងញៀននិងជួញដូរមនុស្សឆ្លងដែនជារឿង
សំខាន់ដែលកម្លាំងស្រុក-ក្រុងត្រូវទប់ស្កាត់ និងបង្ក្រាប ។
លោក ខុម ពិសី នាយរដ្ឋបាលសរុបនៃទីបញ្ជាការកងរាជអាវុធហត្ថខេត្តបានលើកឡើងថា សម្រាប់ខែឧសភា ២០១៥ សភាពការណ៍សន្តិសុខ មានករណីហឹង្សាមានស្ថានភាពទម្ងន់ទោសចំនួន២លើក បង្ក្រាបបទល្មើសជួញដូរគ្រឿងញៀនចំនួន២ករណី បង្ក្រាបបទល្មើសចោរកម្មចំនួន០៧លើក ទំនាស់បង្ករហឹង្សារបួសស្នាមចំនួន០៣លើក រក្សាទុកគ្រឿងញៀនចំនួន១លើក ។លោកឧត្តមសេនីយ៍ត្រី ឱ បូរិន្ទ ន្ទ មេបញ្ជាការអាវុធហត្ថខេត្តបន្ទាយមានជ័យបានមានប្រសាសន៍កោតសសើរចំពោះកងកម្លាំងអាវុធហត្ថខេត្ត-ស្រុក-ក្រុង ដែលបាន
សហការគ្នាល្អជួយដល់ប្រជាពលរដ្ឋដេលរងគ្រោះដោយធម្មជាតិខ្យល់កន្ត្រាក់ដែលប៉ះពាល់នៅខេតបន្ទាយមានជ័យបណ្តាលខូចខាតផ្ទះសំបែងប្រជាពលរដ្ឋ ។លោកបានបន្តទៀតថា ក្រៅពីការលើកឡើងខាងលើ កម្លាំង អាវុធហត្ថខេត្តនិងមន្ទីអង្គភាពស្រុក-ក្រុង ត្រូវចេះសហការជាមួយអាជ្ញាធរមូលដ្ឋានដើម្បីការពារភូមិឃុំមានសុវត្ថិភាព និងត្រូវចេះយកចិត្តទុកដាក់ដល់កម្លាំងក្រោមឱវ៉ាត លើបញ្ហាសុខភាព ហូបចុក ការស្នាក់នៅ ជាពិសេសត្រូវធ្វើអន្តរាគមន៍អោយបានទាន់ពេលជូនប្រជាពលរដ្ឋដែលរងគ្រោះដោយធ្មជាតិ ៕
