ក្រចេះ៖ សម្ភោធដាក់អោយប្រើរប្រាស់នូវសមិទ្ឋិផលនានា នៅវត្តវិបស្សនារាម(ហៅវត្តស្វាយចេក) ស្ថិតក្នុងឃុំកោះខ្ញែរ ស្រុកសំបូរ ខេត្តក្រចេះកាលពីព្រឹកថ្ងៃទី១០ ខែឧសភា ក្រោមអធិបតីភាព លោក វ៉ា ថន អភិបាលរងខេត្តក្រចេះ ៕
យោងតាមរបាយការណ៍របស់ លោក សោម សារិទ្ឋ អភិបាលស្រុកសំបូបានអោយដឹងថា វត្តវិបស្សនារាម(ហៅវត្តស្វាយចេក)បានកសាងចាប់តាំងពី ឆ្នាំ១៩៥៩ ដែលមានទ្រង់ទ្រាយជា( សាឡុម) លុះដល់សម័យពលពត សាឡុមនោះបានក្លាយជាមន្ទីពេទ្យ ហើយក្រោយសម័យពលពតក៍បានជួសជុលឡើងវីញតែមិនអាចបំពេញនូវសេចក្តីត្រូវការរបស់ពុទ្ឋបរិសទ្ឋ័បានឡើយរហូត ដល់ឆ្នាំ១៩៩០ ក្រោមកាដឹកនាំរបស់ព្រះគ្រូរចៅអធិការវត្តព្រះនាម នាគ ហង្ស បានកសាងសាឡុម ឡើងវីញសម្រាប់ជាទីគោរពបូជារបស់ពុទ្ឋបរិសទ្ឋ័ ។
លោក អភិបាលស្រុកបន្តរថា បច្ចុប្បន្ននេះក្រោមកាដឹកនាំរបស់ព្រះគ្រូរ យឹង សុផាត ចៅអធិកាវត្តបានផ្តួចផ្តើមកសាងនូវសមិទ្ឋិផលនានារួម មាន ព្រះវិហារដែលមានទទឹង១២ម៉ែត្រ បណ្តោយ២២ម៉ែត្រនិងកំពស់១៥ម៉ែត្រ ដែលចំណាយថវិការអស់ចំនួន ៧៨១៩៥ដុល្លារសហរដ្ឋអាមេរិក ដែលថវិការទាំងនេះ បានមកពីចូលរួមឧបត្ថមពីសំណាក់លោក ម៉េង ហ៊ាង និងលោកស្រី ជិន សុខុន រួមថ្នាក់ដឹកនាំខេត្ត សម្បុរសជននានា និងពុទ្ឋបរិស័ទ្ឋចំណុះជើងវត្តទាំងមូលផងដែរ។
ជាមួយនិងការសម្ភោធដាក់អោយប្រើប្រាស់ នូវសមិទ្ឋិផលនានា ក្នុងវត្តវិបស្សនារាម(ហៅវត្តស្វាយចេក) លោក វ៉ា ថន អភិបាលរងខេត្តក្រចេះ បានអំពាវនាវដល់ប្រជាពលរដ្ឋពុទ្ឋបរិសទ្ឋ័ចំណុះជើងវត្ត រួមនិងសប្បុរសជននានា មេត្តាបន្តរជួយគាំទ្ររ ផ្តល់នូវវិភាគទានដើម្បីកសាងនូវសមិទ្ឋិផលថ្មីៗថែមទៀត ពីព្រោះពុទ្ឋសាសនាជា សាសនារបស់រដ្ឋ ដែលបានដើរតួរយ៉ាងសំខាន់ក្នុងអប់រំដាស់តឿន ដល់ប្រជាពលរដ្ឋគ្រប់ស្រទាប់វណ្ណះ ផងដែរ ។
