ក្រុមការងារទិញដូរកីឡាកររបស់ក្លិបបិសាចក្រហម Manchester United គឺកំពុងតែតាមដានមើល ពីទម្រង់លេងរបស់ខ្សែបម្រើ Fiorentina គឺកីឡាករ Juan Cuadrado ។
Cuadrado បានស៊ុតបញ្ចូលទីគ្រាប់ដំបូងក្នុងការប្រកួត Fiorentina យកឈ្នះ Udinese ២-១ កាលពីយប់ ថ្ងៃអាទិត្យហើយរូបគេត្រូវបានគេជឿជាក់ថា កំពុងក្លាយជាមុខព្រួញដ៏សំខាន់របស់ Manchester United ។
ទោះបីជាយ៉ាងណាក៏ដោយ គេហទំព័រ Daily Mail បានផ្សព្វផ្សាយថា ក្រុមបិសាចក្រហមអាចប្រឈមនឹង បញ្ហាមួយចំនួនលើការចង់បាន Cuadrado ព្រោះពួកគេត្រូវប្រជែងជាមួយក្លិបយក្ស Bayern Munich និងកាំភ្លើងធំ Arsenal ខណៈដែលក្លិបទាំងពីរនេះត្រូវបានគេមើលឃើញថា កំពុងមានចំណាប់អារម្មណ៍ចង់បានខ្សែបម្រើ វ័យ ២៥ ឆ្នាំនេះដូចគ្នា ។
គួរបញ្ជាក់ថា ការផ្ទេរ Cuadrado អាចនឹងមានបញ្ហាស្របពេលកិច្ចសន្យារបស់រូបគេកំពុងមានភាព ចម្រូងចម្រាស់ ៕
