ក្លិប Atletico Madrid អាចនឹងបាត់បង់កីឡាករ Arda Turan សម្រាប់ការប្រកួត Champions League វគ្គ ៨ ក្រុមចុងក្រោយជើងទី ២ ជាមួយក្លិប Barcelona នៅទឹកដី Vicente Calderon នៅយប់ថ្ងៃពុធនេះ ។
កីឡាករសញ្ជាតិទួរគីរូបនេះបានអវត្តមានក្នុងការប្រកួតដែល Atletico Madrid យកឈ្នះ Villarreal ១-០ កាលពីចុងសប្តាហ៍ដោយសាតែបញ្ហាផ្ទាល់ខ្លួន។
Turan ក៏មិនមានវត្តមានក្នុងការវឹកហាត់កាលពីថ្ងៃចន្ទផងដែរជាហេតុធ្វើឲ្យមជ្ឈដ្ឋានមួយចំនួនបានលើកឡើងថា រូបគេអាចនឹងត្រូវអវត្តមានសម្រាប់ការប្រកួតយប់នេះជាមួយនឹងកីឡាករ Diego Costa ផងដែរ ។
ប៉ុន្តែទោះបីជាយ៉ាងណាក៏ដោយ កីឡាករម្នាក់ទៀតគឺ Raul Garcia អាចចូលលេងបានវិញហើយ ហើយពេលខកខានការប្រកួតកាលពីសប្តាហ៍មុនដោយសាតែជាប់បម្រាមពិន័យ ។
គួររម្លឹកឡើងវិញថា ការប្រកួតជើងទី១រវាង Atletico Madrid និង Barcelona កាលពី សប្តាហ៍មុននៅទឹកដី Camp Nou គឺក្រុមទាំងពីរបញ្ចប់ដោយលទ្ធផលស្មើគ្នា ១-១ ៕
