កែប៖ ខេត្តកែប ជាខេត្តទេសចរណ៏ធម្មជាតិមួយ ដែលមានប្រជាពលរដ្ឋ ភ្ញៀវជាតិ និង អន្ដជាតិ មកកម្សាន្តលេង ពីមួយឆ្នាំទៅមួយឆ្នាំ មានការកើនទ្បើង គួរអោយកត់សម្គាល់ទាំងនេះគឺដោយសារ ការខិតខំប្រឹងប្រែង របស់មន្ទីរសាធារណការ និងដឹកជញ្ជូនខេត្ត ឆ្លងតាមការចង្អុលបង្ហាញពីលោកអភិបាលខេត្តកែន សត្ថា ក្រោមការយកចិត្តទុកដាក់របស់រាជរដ្ឋាភិបាល 
ដែលមានសម្ដេចតេជោហ៊ុន សែនជាប្រមុខ ត្រូវការបែបនេះ ។
កន្លងមក និងបន្ចុប្បន្ន ខេត្តកែបបាននឹងកំពុងកសាងរៀបចំហេដ្ឋារចនាសម្ព័ន្ធ ផ្សេងៗជាច្រើន ជាពិសេសសោភ័ណភាព កន្លែងអាទិភាពទេសចរណ៏ នៅតាមមាត់សមុទ្រ សោភ័ណភាពផ្លូវថ្នល់ សួនច្បារ និងបណ្ដាភោជនីដ្ឋាន អាហារដ្ឋានតូចធំជាដើមដែលពាក់ព័ន្ធទៅលើវិស័យទេសចរណ៏មួយនេះ ។ ដូច្នោះហើយដើម្បីអោយខេត្តកាន់តែក្រេបយកភ្ញៀវកាន់តែច្រើនថែមទៀត ទៅថ្ងៃអនាគតនោះ មន្ទីរសាធារណការខេត្តក្រោមការចង្អុលបង្ហាញពីលោកអភិបាលខេត្តកែន សន្ថាគឺបានបំពេញបន្ថែមតាមគំរោង ដោយបន្តការសាងសង់រនាំងថ្ម ពុះចែកទ្រូវផ្លូវ ចាប់ពីរង្វង់មូលសេះស ចូលទៅទីរួមខេត្ត និងកសាងសួនច្បារនៅក្បែររង្វង់មូលសេះស សម្រាប់លំអរសោភ័ណភាព តាមដងផ្លូវផងដែល ។ ម្យ៉ាងទៀតអោយខេត្តកែបប្រែក្លាយ មានស្តង់ដារទីក្រុងស្អាត ក៏ដូចជាខេត្តកែបធ្លាប់បានអនុវត្ត ប្រលងប្រណាំងកន្លងមកហើយផងដែរ ។
លោកម៉ម ទូចប្រធានមន្ទីរសាធារណៈការ និងដឹកជញ្ជូនខេត្តកែបបានអោយ ដឹងថា៖មន្ទីរសាធារណៈការ និងដឹកជញ្ជូនខេត្ត ក្រោយពីបាននិងកំពុងសាងសង់ស្ថាបនាផ្លូវថ្នល់ជាតិ និងផ្លូវដទៃៗទៀត ក៏ដូចជាបណ្ដាលសួនច្បារ និងរនាំងពុះចែកទ្រូងផ្លូវនានាទូទាំងខេត្តកែប ដោយទ្បែក ជាក់ស្ដែង នាបច្ចុប្បន្ននេះមន្ទីរកំពុងដុតដៃដុតជើង ខិតខំកសាងសយនច្បារ និងរនាំងថ្មពុះចែកទ្រូងផ្លូវបន្តរទៀត នៅចំណុចខាងលើ ដោយអនុវត្តជាជំហ៊ានៗ បំពេញទៅតាមគំរោងផែនការណ៏អោយហើយមុនរដូវវស្សាខាងមុខនេះ ៕
