កំពង់ធំ= កាលពីព្រឹកថ្ងៃទី២០ ខែឧសភា ឆ្នាំ២០១៥ នៅវត្តទួលព្រះធាតុ នៅក្នុងស្រុកស្ទោង ខេត្តកំពង់ធំ បានប្រារព្វទិវារំលឹក ការឈឺចាប់កាលពីរបបប្រល័យពូជសាសន៍ប៉ុលពត ដែលពួកវាបានកាប់សំលាប់ពូជសាសន៍ខ្លួនអែង ធ្វើអោយ និរាសព្រាត់ប្រាសក្រុមគ្រួសារ ប្ដីព្រាត់
ប្រពន្ធ ៗព្រាត់កូន ក្នុងពិធីនេះមានការចូលរួមពីលោកព្រឹម រដ្ឋា អភិបាលស្រុកស្ទោង ព្រមទាំងអភិបាលរង មន្ដ្រីនានាជុំវិញស្រុក និងទាំងលោកយាយ លោកតា លោកគ្រូអ្នកសិស្សានុសិស្ស ប្រជាពលរដ្នសរុប ជាង៧០០នាក់។
ក្នុងពិធីនេះ លោកស្រី ហ៊ុង ណាំង ហ៊ៀង អភិបាលរងស្រុកស្ទោង បានអានវិយោគកថាសំរាប់ទិវារំលឹក វិញ្ញាក្ខ័ន្ធ ២០ឧសភា ដែលប្រជាពលរដ្នខ្មែរត្រូវបានពួកវាសំលាប់យ៉ាងអយុត្តិធម៍ អស់រយះកាលជាង៣៦ឆ្នាំមកហើយ ត្រឹមតែ៣ឆ្នាំ៨ខែនិង២០ថ្ងៃតែប៉ុណ្ណោះពួកវាបានសំលាប់ពលរដ្នខ្មែរស្លូតត្រង់ អស់ជាង៣លាននាក់ ទង្វើនេះត្រូវបានពលរដ្នខ្មែរ ចងចាំ់ដកជាប់ក្នុងខួរក្បាលជានិច្ចមិនអាចបំភ្លេចបានឡើយ ក្នុងរបបនេះដែលពួកវាបានជំលៀសប្រជាជនពីទីក្រុងអោយមកទៅកាន់ស្រុកស្រែ បំបាត់ចោលទីផ្សារសេរី បំបាត់ចោលការចាយវាយប្រាក់កាស ចាបព្រះសង្ឃផ្សឹក សំលាប់ចោលរាល់មន្ដ្រីដែលធ្វើការអោយលុនណុល 
សាលារៀន មន្ទីរពេទ្យ វត្តអារាម ត្រូវក្លាយកន្លែងឃុំឃាំងមនុស្ស ឬជាឃ្លាំងដាក់សម្ភារះ ដាក់ជីជាដើម មិនតែប៉ុណ្ណោះពួកវាបានធ្វើទារុណកម្ម បង្ខំអោយធ្វើការ ដោយបង្អត់អាហារ។
លោក ព្រឹម រដ្ឋា អភិបាលស្រុកស្ទោងបានមានប្រសាសន៍ថានៅក្នុងរបបប្រល័យពូជសាសន៍ប៉ុលពត ពួកវាបានយកទីធ្លាវត្តព្រះធាតុនេះជាកន្លែងសំលាប់មនុស្សយ៉ាងព្រៃផ្សៃបំផុតដែលចំនួនច្រើនជាង១៥០នាក់ នៅក្នុងអន្លង់តែមួយ ហើយក៏ពុំបានដឹងថាជាសាច់ញាតិ ឬបងប្អូន ប្រជាពលរដ្ន ណាខ្លះដែលបានពួកវាសំលាប់នៅទីនេះ នោះទេដូច្នេះទើបពួកយើងខ្ញុំទាំងអស់គ្នាបានរៀបចំទិវារំលឹក និងគោរពវិញាណក្ខ័ន្ធ ព្រមទាំង បាំងស្គូល រាប់បាត ដែលមានព្រះសង្ឃចំនួន៣៦អង្គចូលរួមបិណ្ឌបាត ដើម្បីអោយព្រលឹងនាក់ដែលបានស្លាប់ បានទទួលផលបុណ្យនេះនិងអាលទៅចាប់ជាតិថ្មី ក្រែល ព្រលឹងទាំងនោះ អស់បុណ្យ ពុំអាចចាប់ជាតិបាន៕ ប៊ុន រិទ្ធី
