កំពត៖ ក្រោយពីមានបាតុភាព បញ្ហាវិវាទដីធ្លីដែលចេះតែកើតមានឡើងជាហូរហែរ និងជាបន្តបន្ទាប់ រវាងប្រជាពលរដ្ឋ និងប្រជាពលរដ្ឋ រវាងប្រជាពលរដ្ឋនិងក្រុមហ៊ុន។ ល ។ នៅចំណុចភូមិព្រៃពាយ ឃុំត្រពាំងភ្លាំង ស្រុកឈូក នៅព្រឹកថ្ងៃទី២០ / ០៥ / ២០១៥ នេះក្រុមការងារ
របស់ខេត្ត ដឹកនាំដោយលោក ជឹង ផល្លា អភិបាលរងខេត្តនិងជាប្រធានក្រុមការងារដោះស្រាយវិវាទដីធ្លីនៅចំណុចមូលដ្ឋានខាងលើបានចូលរួមវេទិការសាធារណៈជួបជាមួយប្រជាពលរដ្ឋដែលមានដីកម្មសិទ្ខនៅចំណុចដែលមានបាតុភាពខាងលើចូលរួមប្រមាណជាជាង២០០គ្រួសារ។
ការបើកវេទិការសាធារណៈនាព្រឹកនេះ មានប្រជាពលរដ្ឋជាច្រើន បានដាក់សំណួរជុំវិញរឿងបាតុភាពដីធ្លីដែលរដ្ឋបានធ្វើសម្បទានសង្គមកិច្ចដោះស្រាយជូនពួកគាត់ហើយ លេចឮពត៌មានថារដ្ឋឲ្យខ្ចីនៅជាបណ្តោះអាសន្នរួចនៅថ្ងៃខាងមុខរដ្ឋនិងដីវិញដើម្បីប្រគល់ឲ្យក្រុមហ៊ុនធ្វើការវិនិយោគលើដីរបស់បងប្អូនដាដើម ។ បាតុភាពនេះត្រូវបានលោក ជឹង ផល្លា ប្រធានក្រុមការងារបានធ្វើការបកស្រាយជូនប្រជាពលរដ្ឋយ៉ាងច្បាស់ឲ្យបងប្អូនអស់ការសង្ស័យលើបញ្ហានេះ។ បាតុភាពមួយទៀតរវាងប្រជាពលរដ្ឋនិងក្រុមសហគមន៍ មានប្រជាពលរដ្ឋមួយចំនួនធំដែលទទួលបានដីកម្មសិទ្ឋដែលរដ្ឋបានធ្វើសម្បទានដោះស្រាយជាលក្ខណៈគ្រួសារស្របច្បាប់ហើយ អ្នកខ្លះមានលទ្ឋភាពត្រួសត្រាយដាំដំណាំបង្កបង្កើនផលនៅលើដីកម្មសិទ្ឋដែលរដ្ឋផ្តល់ឲ្យ រីឯអ្នកខ្លះគ្មានលទ្ឋភាពធ្វើការត្រួសត្រាយក៍បានលក់ទៅឲ្យអ្នកផ្សេង រួចទៅចាប់ដីថ្មី ជាដីសហគមន៍ឬដីគម្របព្រៃឈើដែលច្បាប់ហាមឃាត់។
ចំពោះបាតុភាពនេះក៍កើតមាននៅក្នុងតំបន់នេះដែរ ការទៅចាប់ដីថ្មីនេះ ពួកគាត់បានអះអាងថាគាត់បានដាំដំណាំរួមផ្សំ ដូចជា ចេក ដំឡូងបន្លែបង្កាសព្វសារពើដើម្បីដោះស្រាយជីវភាពប្រចាំថ្ងៃរបស់ពួកគាត់ ។
បញ្ហានេះត្រូវបានលោកស៊ុយ ធាប្រធានមន្ទីរបរិស្ថានខេត្តនិងជាសជិកក្រុមការងារ បកស្រាយបំភ្លឺថាៈ បើបងប្អូនបានជាដាំដំណាំលើដីកម្មសិទ្ឋរបស់រដ្ឋទៅហើយនោះក៍នៅអាស្រយ័ផលទៅចុះ ប៉ុន្តែហាមកាប់ទន្ទ្រានពង្រីកដីនេះបន្តទៅទៀត ពីព្រោះដីនេះជាដីដែលរដ្ឋគ្រប់គ្រងនិងហាមឃាត់។ ចំពោះបាតុភាពថាកន្លងមកដីដែលបងប្អូនមានប្លង់កម្មសិទ្ឋកាន់កាប់ហើយថា មានក្រុមហ៊ុនគំរាមបង្ខំឲ្យបងប្អូនលក់ទៅឲ្យក្រុមហ៊ុននោះត្រូវបានប្រជាពលរដ្ឋបំភ្លឺប្រាប់ក្រុមការងារថាបញ្ហានេះគឺគ្មានទេ ក្រុមហ៊ុនគេចុះមកទំនាក់ទំនងរកទិញមែន ប៉ុន្តែគេទិញតាមការស្មគ្រ័ចិត្តរបស់បងប្អូនគេឥតមានបង្ខិតបង្ខំដូចមានបាតុភាពនោះទេ។
កម្មវិធីវេទិការសាធារណៈអស់រយះពេលជាច្រើនម៉ោងរាល់សំណួរពីប្រជាពលរដ្ឋដែលបានចូលរួមដាក់ជូនក្រុមការងារដើម្បីបកស្រាយរាល់ចម្ងល់និងបាតុភាពផ្សេងៗ ក្រុមការងារបានដោះស្រាយជូនប្រជាពលរដ្ឋយ៉ាង ល្អិតល្អន់និងច្បាស់លាស់ ធ្វើឲ្យប្រជាពលរដ្ឋមានការទទួលអបអរសាទរនិងជឿជាក់ទៅលើក្រុមការងារយ៉ាងកក់ក្តៅនិងជឿជាក់លើការដឹកនាំពីសំណាក់អាជ្ញាធរគ្រប់ជាន់ថ្នាក់ផងដែរ ៕ 
