ខេត្តបន្ទាយមានជ័យនៅល្ងាចថ្ងៃទី២០ ខែឧសភា ឆ្នាំ២០១៥ នេះលោកឧត្តមសេនីយ៏ ត្រីអាត់ខែមស្នងការនគរបាលខេត្តបន្ទាយមានជ័យបាននាំយកថវិការនិងអំណោយទៅឲ្យស្ត្រីជាម្តាយដែលត្រូវកូនតិរច្ឆានវាយនិងដបស្រាបែកក្បាលព្រោះតែរឿងម្តាយទៅទាយកលុយ៤មឺុនរៀមពេលដែលខ្លួនកំពុងផឹកសីុ។លោកអាត់ខែមបាននិយាយបន្តថានគបាលព្រហ្មទណ្ឌបានបញ្ជូនជនសង្ស័យម្នាក់នេះទៅកាន់សាលាដំបូងខេត្ដដើម្បីមានវិធានការតាមផ្លូវច្បាប់។ចំណែកជនសង្ស័យដែលវាយម្តាយឲ្យរងរបួសធ្ងន់នោះមានឈ្មោះអែម ឃ្នី អាយុ៣៦ឆ្នាំ ខឹងម្ដាយរបស់ខ្លួនទៅទារយកលុយ៤ម៉ឺនរៀលមកវិញស្រាប់តែជននេះខឹងសម្បារហើយទាញដបស្រាវាយទៅលើក្បាលម្ដាយចំនួន៣ដប បណ្ដាលឱ្យដួលសន្លប់រងរបួសយ៉ាងធ្ងន់ធ្ងរ កាលពីព្រឹកថ្ងៃទី១៨ ខែឧសភា ឆ្នាំ ២០១៥ ស្ថិតនៅភូមិគោធ្នង់កើត ឃុំអូរប្រា សាទ ស្រុកមង្គលបុរី ខេត្ដបន្ទាយមានជ័យ។លោកបានបញ្ជាក់ទៀតថាក្រោយពីត្រូវបានចាប់ខ្លួនពីសំណាក់កម្លាំងនគរបាលរួចមកក្រោយពីការធ្វើតេស្ដទឹកនោមលទ្ធផលនោះបង្ហាញថាជនសង្ស័យនេះបានប្រើប្រាស់គ្រឿងញៀនទើបហ៊ានវាយម្តាយដល់ថ្នាក់នេះ ។បច្ចុប្បន្នស្ដ្រីជាម្ដាយឈ្មោះចាន់ សន អាយុ ៧០ឆ្នាំ បាននឹងកំពុងសម្រាកព្យាបាលនៅ មន្ទីរពេទ្យមិត្ដភាពកម្ពុជាជប៉ុន ។
ជាមួយគ្នានេះ នៅរសៀលថ្ងៃទី២០ ខែ ឧសភា ឆ្នាំ២០១៥ លោកឧត្ដមសេនីយ៍អាត់ ខែម រួមជាមួយ លោកឧកញ៉ាហង្ស ស៊ីផា និងអធិការនគរបាលស្រុកមង្គលបុរី លោក ស៊ី ឌី បាននាំយកថវិកា និងគ្រឿងឧបភោគ បរិភោគរបស់សម្ដេចតេជោ ហ៊ុន សែន តាម រយៈលោកឧបនាយករដ្ឋមន្ដ្រីកែ គឹមយ៉ាន ទៅប្រគល់ជូនស្ដ្រីចាស់ជរា ដែលមានទឹក ប្រាក់៤០ម៉ឺនរៀល ។ជាមួយគ្នានេះ លោកឧត្ដមសេនីយ៍ក៏បាន នាំយកថវិកាទៅចែកជូនដល់ជនរងគ្រោះ៣ នាក់ ដែលសម្រាកព្យាបាលនៅក្នុងមន្ទីរពេទ្យ ព្រោះតែជួបគ្រោះថ្នាក់ចរាចរណ៍និងធ្លាក់ពី លើផ្ទះជាដើម ។នៅក្នុងឱកាសនេះលោកឧត្ដមសេនីយ៍ ស្នងការ បានជួយជំរុញឱ្យក្រុមគ្រូពេទ្យយក ចិត្ដទុកដាក់លើការព្យាបាលជំងឺជូនស្ដ្រីរង គ្រោះឱ្យបានដិតដល់ ដែលកូនប្រុសវាយធ្វើ បាបផងដែរ៕
