ខេត្តបន្ទាយមានជ័យលោកឧត្តមសេនីយ៏៖ត្រីអាត់ខែមស្នងការនគរបាលខេត្តបន្ទាយមានជ័យបានបញ្ជាក់ថានៅក្នុងអង្គប្រជុំថាចំពោះបទល្មើសផ្សេងៗ បានកើតឡើង យ៉ាងតិចបំផុត សម្រាប់ខែឧសភា ឆ្នាំ២០១៥ នេះ នៅក្នុងខេត្តបន្ទាយមានជ័យទាំងមូលដែលធ្វើឲ្យប្រជាពលរដ្ឋមានទំនុកទុកចិត្តកាន់តែខ្លាំងមកលើ កងកម្លាំងនគរបាល។ការថ្លែងបែបនេះបានធ្វើ
ឡើងនៅក្នុងកិច្ចប្រជុំបូកសរុបការងារប្រចាំខែកាលពីរសៀលថ្ងៃទី២០ ខែឧសភា ឆ្នាំ២០១៥ នៅស្នងការដ្ឋាននគរបាលខេត្ត ដោយមានការចូលរួមពីស្នងការរងនាយការិយាល័យ អធិការនគរបាល ក្រុង-ស្រុក និងមន្ត្រី នគរបាល ជាច្រើននាក់ផ្សេងទៀត ។នៅក្នុងកិច្ច ប្រជុំខាងលើនេះ លោកឧត្តមសេនីយ៍ ស្នងការបានបង្ហាញថា សម្រាប់ខែកន្លងទៅនេះចំនួនបទល្មើស ដែលបានកើតឡើងនៅទូទាំងខេត្តនោះមានចំនួនតិចតួចបំផុត តាមរយៈការពង្រឹងបញ្ហាសន្តិ
សុខនៅតាមមូលដ្ឋានទាំងការចុះល្បាតទាំងយប់ទាំងថ្ងៃនិងការចុះឆែកអាវុធជាតិផ្ទុះនៅតាមដងផ្លូវ សាធារណៈជាដើម។យ៉ាងណាក៏ដោយ លោកស្នងការ បានជំរុញបន្ថែមដល់កងកម្លាំងនគរបាលទាំងអស់ត្រូវបង្កើនប្រសិទ្ធភាព ការងារកាន់តែខ្លាំង នៅតាមមូលដ្ឋានរបស់ខ្លួន ជាពិសេស ធ្វើការ ស្រាវជ្រាវ និងទប់ស្កាត់ បញ្ហាគ្រឿងញៀន ជាដើមដែលធ្វើឲ្យ សង្គមទាំង មូល ជួបគ្រោះមហន្តរាយ កាន់តែខ្លាំងនោះ៕
