ខេត្តព្រះសីហនុ ( កាលពីវេលាម៉ោង ១០ ព្រឹកថ្ងៃទី២១ ខែឧសភា ឆ្នាំ២០១៥ )
លោកឧត្តមសេនីយត្រី ហេង ប៊ុនទី មេបញ្ចាការកងរាជអាវុធហត្ថ និងសហការរី បាននាំយកថវិការសហសង្គ្រោះរបស់ឯកឧត្តម សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាអគ្គមេបញ្ជាការរងនៃកងយោធពលខេមរភូមិន្ទ ព្រមទាំងថវិការបស់ នាយ នាយរង និងពលអាវុធហត្ថខេត្តព្រះសីហនុ ដើម្បីជួយដល់គ្រួសារសពអាវុធហត្ថលោកអនុសេនីយទោ សួន សៀប ជំនួយការស្នាក់ការសន្តិសុខអាវុធហត្ថទំនប់រលក ដែលបានទទួលមរណភាពកាលពីថ្ងៃទី២០ ខែឧសភា ឆ្នាំ២០១៥ ដោយរោគគាពាធ ។
ក្នុងឪកាសនោះផងដែរ លោកឧត្តមសេនីយត្រី ហេង ប៊ុនទី ក៌បានទៅពិនិត្យមើលសកម្មភាពសាងសង់ផ្ទះជួនលោកស្រី ពៅ រី ដែលជាប្រជាពលរដ្ឋក្រីក្រខ្វះទីជម្រកស្នាក់នៅ មានទីតាំងក្រុមទី២៥ ភូមិ៣ សង្កាត់លេខ១ ក្រុង ខេត្តព្រះសីហនុ ។ កាលពីថ្ងៃទី ០៦ ខែមេសា ឆ្នាំ២០១៥កន្លងមក លោកឧត្តមសេនីយត្រី ហេង ប៊ុនទី បានផ្តល់ថវិកាចំនួន ២០០ដុល្លា ជូនលោកស្រី ពៅ រី ដើម្បីយកមកសាងសង់ផ្ទះ ហើយនៅព្រឹកថ្ងៃទី ២១នេះ លោកក៌បានជួយឧបត្ថម្ភបន្ថែមទៀតមានដូចជា ស័ង្កសីចំនួន ១០សន្លឹក ឈើក្តាប្រវែង ៥ម៉ែត្រចំនួន ១០សន្លឹក ឈើ ៥x៥ ចំនួន ០៨ដើម និងដែកគោល ០២សុង ដើម្បីធ្វើផ្ទះជូនលោកស្រី ពៅ រី ព្រោះរដូវភ្លៀងឈានចូលមកដល់ហើយផងដែរ ។
លោកឧត្តមសេនីយត្រី ហេង ប៊ុនទី បានមានប្រសាសន៌ថា តាងនាមឪ្យកងរាជអាវុធហត្ថខេត្តព្រះសីហនុទាំងអស់ សូមសំដែងនូវការចូលរួមរំលែកទុក្ខដល់ក្រុមគ្រួសារសពលោកវរសេនីយទោ សួន សៀប ដែលបានទទួលមរណះភាព ថ្វិត្បិតតែថវិការដែល បានយកមកជួយឧបត្ថម្ភនាពេលនេះ មិនគ្រប់គ្រាន់ក៌ពិតមែន ក៌ប៉ុន្តែនេះជាវប្បធម៌នៃការចែករំលែករបស់នាយ នាយរង និងពលអាវុធហត្ថខេត្តព្រះសីហនុ ចូលរួមដល់ក្រុមគ្រួសារសពអាវុធហត្ថរបស់យើង ។
ឯកឧត្តមបានបន្តថា កងរាជអាវុធហត្ថ អនុវត្តន៌តាមអនុសាសន៌ដ៌ខ្ពង់ខ្ពស់របស់ឯក ឧត្តម នាយឧត្តមសេនីយ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ក្រៅពីការងារអនុវត្តការងារជំនាញក្នុងការ ចូលរួមទប់ស្កាត់ បង្ក្រាបនូវរាល់បទល្មើសនានា បញ្ហាគ្រឿងញៀននៅក្នុងខេត្តព្រះសីហនុ ការពារសន្តិសុខ សុវត្ថិភាពជូនប្រជាពលរដ្ឋ កងរាជអាវុធហត្ថមានតួនាទីចូលរួមការងារមនុស្សធម៌ជាមួយប្រជាពលរដ្ឋនៅក្នុងសហគមន៌មូលដ្ឋាន ដែលជួបការលំបាក ប្រជាពលរដ្ឋរងគ្រោះធម្មជាតិ គ្រោះថ្នាក់ចរាចរ និងអគ្គីភ័យជាប់ជាប្រចាំ បានទាន់ពេលវេលា មិនថា ថ្ងៃ ឬក៌យប់នោះឡើយ ទីណាមានបញ្ហាកើតឡើង ទីនោះត្រូវមានកម្លាំងកងរាជអាវុធហត្ថចូលរួម ដើម្បីការពារសន្តិសុខ សណ្តាប់ធ្នាប់សាធារណះជូនបងប្អូនប្រជាពលរដ្ឋគ្រប់ពេលវេលា ៕
