កំពង់ធំៈ ដើម្បីពង្រឹងនូវវិស័យកងទ័ព និងការកសាងគុណភាពរបស់កងកម្លាំង កសាងសមត្ថភាពថ្នាក់ដឹកនាំ ជម្រុញ ឲ្យកងយោធភូមិភាគទី៤ នៃតំបន់ប្រតិបត្តិការសឹករងកំពង់ធំ ឈានរកកិច្ចសហការជាមួយប្រទេសជិតខាង ក្នុងវិស័យ យោធា ដើម្បីពង្រឹកសន្តិសុខជាតិ 
និងការពារប្រទេសគឺ ចាំបាច់ត្រូវមានការទំនាក់ទំនងល្អជាមួយប្រទេសជិត ខាងដើម្បីផ្លាស់ប្តូរនូវបទពិសោធន៍នានា ក្នុងកិច្ចការយោធាទើបបណ្តាលឲ្យមានការឯកភាពគ្នារវាងយោធភូមិភាគទី៧ នៃកងទ័ពប្រជាជនវៀតណាម ទីក្រុងហូជីមិញ ចុះកិច្ចព្រមព្រៀងចងសម្ព័ន្ឋមេត្រីភាពក្នុងកិច្ចសហកប្រតិបត្តិការរួមគ្នា ។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានឲ្យដឹងថា ការចងសម្ព័ន្ឋមេត្រី ភាពរវាងកងទ័ពយោធាទីក្រុងហូជីមិញ ជាមួយនឹងយោធភូមិភាគទី៤ គឺមានតំលៃធំធេងណាស់ ក្នុងការជួយគ្នាទៅវិញទៅមក ក្នុងវិស័យយោធា ដើម្បីពង្រឹងនូវគុណភាពរបស់កងកម្លាំង ដូចជាការសាងសង់បន្ទាយ ការហ្វឹកហាត់ ការគ្រប់ គ្រងសន្តិសុខផ្ទៃក្នុង និងការពារចាំបាច់ក្នុងការត្រៀមប្រយុទ្ធ និងការត្រៀបទប់ទល់ក្នុងឳកាសមានពិធីបុណ្យធំៗរបស់ ជាតិ ទទឹមគ្នានោះដែរ លទ្ធផលដែលទទួលបាន គឺការឆ្លើយតាបរបស់ យោធភូមិភាគទី៧ បានសន្យានិងជួយសាងសង់អាគាររដ្ឋបាល ជូនដល់តំបន់សឹករងកំពង់ធំ ដោយកន្លងមកយោធាកងទ័ពប្រជាជនវៀតណាម បានសាងសង់ បន្ទាយជូនដល់ផ្នែកសឹករង បារាយណ៍ ចំណុះឲ្យប្រតិបត្តិការសឹករងកំពង់ធំ ។
ពិធីចុះហត្ថលេខាចងសម្ព័ន្ឋមេត្រីភាពរវាងកងទ័ពទាំងពីប្រទេស បានធ្វើឡើង នៅអាគារសាលប្រជុំរបស់បញ្ជាការរដ្ឋានយោធាទីក្រុងហូជីមិញ នៅព្រឹកថ្ងៃទី ២២ ខែ ឧសភា ឆ្នាំ ២០១៥ ក្រោមអធិបតីភាព ឯកឧត្តម គង់ វិមាន អភិបាល រងខេត្តកំពង់ធំ និងឯកឧត្តម ឧត្តមសេនីយ៍ទោ គង់ ផា មេបញ្ជាការងយោធភូមិភាគទី៤ ទទួលទិសកំពង់ធំ និងឯកឧត្តម ផាន់ តាន់តាយ មេបញ្ជាការងយោធភូមិភាគទី៧ នៃកងទ័ពប្រជាជនវៀតណាម ត្រូវបានព្រមព្រៀងគ្នា អនុវត្តតាមបទបញ្ញាតិ តាមលក្ខន្ធការងារក្នុងកិច្ចការកងទ័ព ដែលប្រកបដោយជោគជ័យ ។
ឯកឧត្តម ផាន់ តាន់តាយ មេបញ្ជាការងយោធភូមិភាគទី៧ បានមានប្រសាសន៍ ថ្លែងអំណរគុណ នូវការខិតខំប្រឹងប្រែង រួមសហការគ្នា រវាងយោធាទាំង២ប្រទេស ទើបបណ្តាលឲ្យមានថ្ងៃនេះ គឺជាថ្ងៃល្អនិងសម្រេចបានជោគជ័យយ៉ាងធំធេង និងមានការ ចូលរួមពីសំណាក់ថ្នាក់ដឹកនាំខេត្តទាំងពីជាសាក្សី នៃការផ្សាភ្ជាប់នូវចំណងសាមគ្គីភាពឲ្យកាន់តែជិតស្និទ្ធរវាង កងទ័ព ទាំង២ និងប្រជាជនទាំងប្រទេស ដើម្បីជម្រុញឲ្យប្រជាជនទាំងពីប្រទេសដែលកំពុងតែស្នាក់នៅក្នុងខេត្តកំពង់ធំ និង ទីក្រុងហូជីមិញ ឲ្យរស់នៅមានភាពសុខសាន្ត និងប្រកបមុខរបរស្របច្បាប់ ។
បន្ទាបមកប្រតិភូទាំង២ប្រទេសបានប្រគល់កាដូរវត្ថុអនុស្សាវរីយ៍ ទៅវិញទៅមក ព្រមទាំងបានជូនប្រតិភូកម្ពុជាទៅ ទស្សនានូវទីតាំងប្រវត្តិសាស្ត្រ ទីតាំងបញ្ជាការដ្ឋានយោធានិងការតស៊ូរបស់បុព្វបុរសនៃកងទ័ពវៀតណាម នាសម័យសង្គ្រាម ព្រមទាំងពិសារបាយសាមគ្គី។
ដោយ ប៊ុន រដ្ឋា
