បន្ទាយមានជ័យ៖ដើម្បីអោយយុវជនបានយល់ដឹងពីប្រព័ន្ធការងាររបស់ក្រុមប្រឹក្សាខេត្តនិងបានយល់ដឹងអំពីគោលនយោបាយនិងយុទ្ធសាស្ត្រសម្រាបអភិវឌ្ឍន៍ខេត្តបន្ទាយមានជ័យកាលពីព្រឹកថ្ងៃទី23ឧសភា2015នៅសាលប្រជុំសាលាខេត្តបន្ទាយមានជ័យបានរៀបចំសឹក្ខា
សាលាមួយ ស្តីពី “ការកសាងភាពជាពលរដ្ឋប្រជាធិបតេយ្យសកម្ម ក្នុងគោលនយោបាយ និងយុទ្ធសាស្ត្រនានារបស់រាជរដ្ឋាភិបាល”រៀបចំដោយអង្គការពុទ្ធសាសនាដើម្បីអភិវឌ្ឍន៍ ក្រោមជំនួយពីមូនិធិខុនរ៉ាដអាឌិនណៅអ៊ារ ហើយមានការចូលរួមជាវាគ្មិនពីតំណាងក្រុប្រឹក្សាខេត្តមកពីគ្រប់គណបក្សនយោបាយចំនួនបីនិងនិស្សិតពីសកលវិទ្យាល័យឯកជននិងរដ្ឋ500នាក់។
លោក ហេង មណីចិន្តា នាយកអង្គការពុទ្ធសាសនាដើម្បីអភិវឌ្ឍន៍ បានលើកទ្បើងថាដោយសារតែប្រទេសកម្ពូជាកំពុងដើរលើផ្លូវប្រជាធិបតេយ្យទើបអង្គការពុទ្ធសាសនាដើម្បីអភិវឌ្ឍន៍ដែលជាអង្គការមួយធ្វើការលើ វិមជ្ឈការនិងវិសហមជ្ឈការនិងកម្មវិធីសហករបានលើកយកកម្មវិធីនេះទ្បើងមក។
លោក សួន សុធី សមាជិកក្រុមប្រឹក្សាខេត្តបន្ទាយមានជ័យពីគណបក្សប្រជាជនកម្ពុជាបានធ្វើការបកស្រាយពីតួនាទីនិងសិទ្ធិរបស់ក្រុមប្រឹក្សាខេត្តគឺធ្វើការលើសេចក្តីសម្រេចខាងនីតិបញ្ញាត្តិនិងប្រតិបត្តិនិយាយជារួមត្រួតពិនិត្យតាមដានលើកការងាររបស់មន្ទីស្ថាប័ណជុំវិញខេត្តហើយយកការស្នើសុំរបស់របស់ពលរដ្ឋមកពិភាក្សាក្នុងកិច្ចប្រជុំកហរុមប្រឹក្សានិងលទ្ធផលដែលរដ្ឋាភិបាលកម្ពុជាដឹកនាំដោយប្រមុខរដ្ឋាភិបាលពីគណបក្សប្រជាជនកម្ពុជាបានប្រែក្លាយប្រទេសកម្ពុជាទៅជាប្រទេប្រជាធិបតេយ្យពីការប្រើប្រាស់អាវុធដណ្តើមអំណាចមកជាការបោះឆ្នោតដោយអោយប្រជាពលរដ្ឋមានសិទ្ធិជ្រើសរើស។ហើយការអនុវត្តតាមប្រជាធិបតេយ្យនេះបានដំណើរការបោះឆ្នោតទាំងសកលនិងអសកលបានចំនួន12លើកមកហើយ។
គោលបំណង នៃសឹក្ខាសាលានេះគឺ១ផ្តល់ឱកាសដល់និស្សិត អោយបានជួបជាមួយសមាជិកក្រុមប្រឹក្សាខេត្តបន្ទាយមានជ័យ ដែលមកពីគ្រប់គណ:បក្សទាំងអស់ ដើម្បីបានស្វែងយល់ ដឹងពីប្រពន្ធការងាររបស់ក្រុមប្រឹក្សាខេត្ត និងបានយល់ដឹងអំពី គោនយោបាយនិងយុទ្ធសាស្ត្រ សម្រាប់អភិវឌ្ឍន៍ខេត្ត។ ២លើកទឹកចិត្តយុវជនអោយចូលរួមក្នុងកិច្ចការអភិវឌ្ឍន៍ខេត្ត ក៍ដូចជាការទទួលខុសត្រូវរបស់ពួកគេក្នុងសង្គមប្រជាធិបតេយ្យ៕
