អត្ថបទ ប៊ុនរិទ្ធី កំពង់ធំ= កាលពីព្រឹកថ្ងៃទី ២៨ ខែ ឧសភា ឆ្នាំ២០១៥ នៅតំបន់ប្រតិបត្តិការសឹករង កំពង់ធំបានរៀបចំពិធីសំណេះសំណាលសួរសុខទុក្ខ ចំពោះបងប្អូនអតីតះយុវជន និងគ្រួសារយោធិន ជួបការលំបាក ក្រោមអធិតីភាព ឧត្តម អ៊ុត សំអន អភិបាលខេត្តកំពង់ធំ 
មន្ដ្រីរាជការមកពីមន្ទីរជុំវិញខេត្ត ព្រមទាំង អតីតះយុវជននិងគ្រួសារយោធិនជួបការលំបាកមកពីបណ្ដារស្រុកជុំវិញខេត្តកំពង់ធំ។
ឧត្តម សោម ស៊ុន មេបញ្ចាការតំបន់សឹករងកំពង់ធំ បានអានសុន្ទរកថា បើកកម្មវិធី ដោយបានលើកឡើងពីអតីតះយុវជន ដែលជានាយទាហាន ធ្លាប់បានបំរើក្នុងបញ្ចាការដ្ឋានតំបន់ប្រតិបត្តិការសឹករងកំពង់ធំដែលមានវត្តមាននៅពេលនេះ ចំនួន១៤៦នាក់ និងគ្រួសារទ័ព ជួបការលំបាក ១១៩នាក់ ដូច្នេះក្នុងនាមយើងខ្ញុំ ដែលកំពុងបំពេញតួនាទីនិងបំពេញភារកិច្ចជួនជាតិមាតុភូមិនាពេលនេះពិតជាមានការរំភើបនិងសោមនស្សរីករាយជាពន់ពេក ចំពោះ
កាយវិការ យកចិត្តទុកដាក់របស់ថ្នាក់ដឹកនាំខេត្ត ខ្ញុំសង្ឃឹម ជឿរជាក់ថា បងប្អូនអតីតះយុវជនក៏ដូចគ្រួសារជួបការលំបាកពិតជាមានភាពកក់ក្ដៅក្នុងចិត្ត ព្រោះថាថ្វីត្បិតតែបងប្អូនអស់តួនាទីជាកងទ័ព តែរដ្នអំណាចនិងអាជ្ញាធ័រដែនដី នៅតែគិតគូរនិងគោរពស្រលាញស្វែងយល់ពីសុខទុក្ខរបស់បងប្អូន ខ្ញុំក៏សុំបញ្ចាក់ថាបងប្អូនអតីតះយុវជនដែលរស់នៅតាមមូលដ្ឋានជាជនស៊ីវិលមែន តែរដ្ឋាភិបាលនៅតែចាត់ទុកបងប្អូនជាអ្នកមានគុណបំណាច់ចំពោះប្រទេសជាតិយើង ចំណែករូបខ្ញុំក៏ដូចជាមិត្តទៀតៗដែលនិងត្រូវចូលនិវត្តន៍បញ្ចប់កាតព្វកិច្ចទៅរស់នៅតាមមូលដ្ឋានដូចអស់លោកដែរ ហើយយើងសង្ឃឹមថាយើងនិងទទួលការគឹតគូរយកចិត្តទុកដាក់ពីសំណាក់អាជ្ញាធ័រមូលដ្ឋានដូចពេលនេះជាមិនខាន។
បន្ទាប់មក ឧត្តម អ៊ុត សំអន បានប្រគល់ អំណោយ ដែលមានក្រម៉ាចំនួន ២៦៥និងថវិការសរុប១០៦០០០០០០រៀល ដោយ អតីតះនាយទាហាន១៤៦នាក់និងគ្រួសារទ័ព១១៩នាក់សរុប ២៦៥នាក់ក្នុង១នាក់ទទួលបានក្រម៉ា១ និងថវិការ៤០០០០រៀល ។
ឧត្តម អ៊ុត សំអន អភិបាលខេត្តកំពង់ធំបានមាប្រសាសន៍សំណេះសំណាលសួរសុខទុក្ខដល់បងប្អូនអតីតះយុវជនជានាយទាហាន និងគ្រួសារទ័ពជួបការលំបាកដែលធ្លាប់មានគុណបំណាច់ ជាអ្នកការពារជាតិ ការពារបូរណះភាពទឹកដី ប្រយុទ្ធប្រឆាំង ដាច់ខាតចំពោះការឈ្លានពាន ពីសំណាក់បរទេស និងខ្មាំងសត្រូវ ព្រមទាំងសោកស្ដាយស្រណោះជាពន្ធពេកចំពោះយុវជនយើងដែល បាតបង់កាយសម្បាទា ដោយសារការការពារជាតិមាតុភូមិ រហូតមកដល់ពេលនេះ ប្រទេសជាតិមានការរីកចំរើន ក្រោមការដឹកនាំដ៏ឆ្លាតវៃ របស់ប្រមុខរាជរដ្ឋាភិបាល ក៏មិនភ្លេចពីគុណបំណាច់របស់យុវជន យើងដែលបានបូជាសាច់ស្រស់ ឈាម ស្រស់ ក្នុងកាតកិច្ចការពារជាតិមាតុភូមិ បន្ទាប់មក ឧត្តមក៏បានផ្ដាំផ្ញើរ ដល់ យុវជនក៏ដូចគ្រួសារទ័ពជួបការលំបាក ថាប្រមុខរាជរដ្ឋាភិបាលមិន ប្រងើយកន្តើយចំពោះអតីតះយុវជននិងគ្រួសារទ័ពជួបការលំបាកនេះឡើយ គឺតែងតែយកចិត្តទុកដាក់ផ្ដល់និងផ្គត់ផ្គង់ជានិច្ចទោះជាពុំបានច្រើនក៏ដោយក៏ស្ថិតនៅក្នុងការមើលថែក្នុងបន្ទុករាជរដ្ឋាភិបាលជាការដឹងគុណ អតីតះយុវជននិងគ្រួសារទ័ពចូលនិវត្តន៍នេះជារៀងរហូត៕
ប៊ុន រិទ្ធី
