ក្លិបតោខៀវ Chelsea ត្រូវបានគេរាយការណ៍ថា ជិតឈានដល់កិច្ចព្រមព្រៀងទិញយកខ្សែប្រយុទ្ធ Diego Costa របស់ក្លិប Atletico Madrid ហើយក្នុងតម្លៃពលកម្មប្រមាណ ៣៥ លានផោន ។
យោងតាមគេហទំព័រ Goal.com បានចុះផ្សាយថា កីឡាករអេស្ប៉ាញសញ្ជាតិដើមប្រេស៊ីលរូបនេះមានទំនាក់ ទំនងលើការផ្លាស់មកកាន់ទឹកដី Stamford Bridge នាប៉ុន្មានសប្តាហ៍ថ្មីៗនេះហើយកិច្ចព្រមព្រៀងនឹងត្រូវបានធ្វើឡើងក្នុងពេលឆាប់ៗ ។
ប្រភពដដែលបានបន្តទៀតថា តំណាងរបស់ក្លិប Chelsea បានជួបចរចារជាមួយ Costa ជាច្រើនលើក ច្រើនសារ ហើយកិច្ចពិភាក្សាចុងក្រោយនឹងគ្រោងធ្វើឡើងនៅចុងខែនេះពេលដែលក្លិបទាំង២ជួបគ្នាក្នុងក្របខណ្ឌ Champions League វគ្គ៤ក្រុមចុងក្រោយ ។
ស្របពេលជាមួយគ្នានោះ មានសេចក្តីរាយការណ៍មួយផ្សេងទៀតបានលើកឡើងថា ក្លិប Chelsea នឹងចំណាយប្រាក់លើតម្លៃខ្លួន Costa ចំនួន ៣៥ លានផោនជាមួយនឹងប្រាក់ពលកម្ម ៥០ ០០០ ផោន ក្នុងមួយសប្តាហ៍ ៕
