កំពង់ធំ៖ ដើម្បីឲ្យការងារប្រកបដោយជោគជ័យ ចាំបាច់ត្រូវការជួបសំណេះសំណាល និងក្តាប់នូវសភាពការកើតឡើងថ្មី. នៅក្នុងស្រុក និងបញ្ហាថ្នាំងថ្នាក់ចិត្ត បញ្ហាការកដំណោះស្រាយ និងការ ផ្សះផ្សាសតិអារម្មណ៍របស់ប្រជាពលរដ្ឋនៅក្នុងមូលដ្ឋាន ។
ឯកឧត្តម សុខ លូ. ប្រធានក្រុមការងារបក្សខេត្ត ចុះជួយស្រុកសណ្តាន់ បានផ្តោតទៅលើការជម្រុញឲ្យសមត្ថកិច្ចនៃអធិការស្រុកសណ្តាន់ ធ្វើអត្តសញ្ញាណប័ណ្ណជូនដល់ប្រជាពលរដ្ឋ ចំណែកប្រធានក្រុមបក្ស និងកូនក្រុមត្រូវ មានការទំនាក់ទំនងគ្នា សហការគ្នា ដើម្បីឲ្យការងារបក្សប្រកបដោយរលូន និងជាការជៀសវាង ប្រធានមិនស្គាល់មេក្រុម ដើម្បីឲ្យទទួលបានជោគជ័យ ត្រូវមានការអូសទាញក្រុមយុវជន ដែលមានអាយុ១៥ និង១៦ ឡើងទៅតាមរយះឪពុកម្តាយ និងសមាគមន៍ ក្នុងការត្រៀមបោះឆ្នោតនាពេលខាងមុខ។
ឯកឧត្តម សុខ លូ. បានសំណូមពរឲ្យបងៗក្តាប់សភាពការឲ្យច្បាស់លាស់ និងមិនត្រូវជឿលើការញ៉ុះញ៉ង់ ឧបាលកល តាមការឃោសនានោះទេ ត្រូវមានការជឿជាក់ថ្នាក់ដឹកនាំ ដែលមានគោលជំហរដ៏រ៉ឹងមាំ មាននយោបាយច្បាស់លាស់ និងមានបទពិសោធន៍ក្នុងការដឹកនាំប្រទេស ឈានដល់ការីកចំរើនរហូតមកដល់បច្ចុប្បន្ន ពិធីនេះត្រូវបានលើកឡើងនៅព្រឹកថ្ងៃទី១៣ខែមិថុនាឆ្នាំ២០១៥ ក្នុងកិច្ចប្រជុំពង្រឹងការងារបក្សឃុំមានជ័យ ស្រុកសណ្តាន់ខេត្តកំពង់ធំ។
ក្នុងឱកាសនៃកិច្ចប្រជុំពង្រឹងក្រុមការងារបក្ស ត្រូវបានបើកឱកាសឲ្យប្រធានក្រុមការងារបក្សភូមិ បានឡើងមានមតិយោបល់ ដើម្បីលើកយកនូវបញ្ហាមកដាក់លើតុ ដើម្បីរួមគ្នាគិតរួមគ្នាធ្វើតែ បញ្ហាដែលធ្វើឲ្យមានការព្រួយបារម្ភណ៍ គឺកូនក្រុមបក្សមួយចំនួនមានវិបត្តិខាងហិរញ្ញវត្ថុ ទើបនាំគ្នាចាកចេញទៅធ្វើចំណាក់ស្រុកនៅប្រទេសជិតខាង ធ្វើអោយមានផលពិបាកក្នុងការរួបរួម សមាជិកបក្ស។
ក្នុងឱកាសនេះផងដែរ ឯកឧត្តម សុខ លូ បានផ្តាំផ្ញើរដល់មេភូមិ មេឃុំ ជួុយផ្សព្វផ្សាយដល់ប្រជាពលរដ្ឋ នៅក្នុងមូលដ្ឋាន សូមកុំឲ្យមានការជឿលើអង្កការមួយ ដែលបានដើរធ្វើសកម្មភាព ដើរខ្ចីលុយពីប្រជាពលរដ្ឋ ហើយសន្យាថានិងឲ្យការប្រាក់១០ភាគរយ និងត្រូវបានហាមឃាត់ ពីប្រមុខរដ្ឋាភិបាលថាជារឿងបោកប្រាស់ ដោយសារតែក្រុមហ៊ុនពុំមានច្បាប់អនុញ្ញតិនោះទេ តែនៅពេលដែលមានការបាត់បង់ដោយប្រកាណាមួយនាំឲ្យមានការសោក
ស្តាយ ម្យ៉ាងទៀតសំណូមពរឲ្យមេភូមិ មេឃុំ ត្រូវពិនិត្យឲ្យច្បាស់លាស់ ពីបញ្ហារប្រជាពលរដ្ឋដែលគាត់ សុំខ្ចីលុយ ពីអង្កការនេះអង្កការនោះ អ្នកខ្លះខ្ចីដល់ទៅ៥ស្ថាប័នក៏មាន តែការខ្ចីនោះដោយមិនបានយកថវិការ ទៅប្រកបមុខរបរត្រឹមត្រូវនោះទេ អ្នកខ្លះយកមកជប់លាង ខ្លះខ្ចីយកលុយមករៀបការ ខ្លះខ្ចីលុយ យកធ្វើដំណើរទៅធ្វើការនៅថៃ តែបើសិនមេឃុំ មេភូមិ ចេះតែស៊ីញ៉េរឲ្យខ្ចីលុយវាប្រៀបបានទៅនឹងសំលាប់គាត់។
ដោយ ប៊ុន រដ្ឋា.
