កំពង់ឆ្នាំង៖ដើម្បីសម្តែងនូវមរណៈទុក្ខដ៏ក្រៀមក្រមចំពោះការបាត់បង់វិរៈជនដ៏ឧត្តុងឧត្តមរបស់ជាតិខ្មែរ សម្តេចអគ្គមហាពោធិសាល ជា ស៊ីម ប្រធានព្រឹទ្ធសភាជាតិ និងជាប្រធានគណៈបក្សប្រជាជនកម្ពុជា នៅព្រឹកថ្ងៃទី១៥ ខែមិថុនា ឆ្នាំ២០១៥ នៅក្នុងសាលានយោបាយខេត្ត
កំពង់ឆ្នាំង គណៈកម្មាធិការរៀបចំបុណ្យខេត្ត បានរៀបចំពិធីបុណ្យខួប៧ថ្ងៃ ឧទ្ទិសកុសល ដល់ដួងវិ ញ្ញាណក្ខន្ធ័សពសម្តេច ជាស៊ីម ដែលមានព្រះសង្ឃ ហាគឹម ទួន មន្ត្រីរាជការ ប្រជាពលរដ្ឋ និងថ្នាក់ដឹកនាំខេត្តកំពង់ឆ្នាំងចូលរួម សរុបចំនួន២០១៥នាក់។
ឯកឧត្តម ឈួរ ច័ន្ទឌឿន ប្រធានគណៈបក្សប្រជាជនកម្ពុជាខេត្តកំពង់ឆ្នាំង និងជាអភិបាលនៃគណៈអភិបាលខេត្ត បានថ្លែងថា៖ថ្នាក់ដឹកនាំជាតិ និងប្រជាពលរដ្ឋកម្ពុជាបានចាត់ទុក សម្តេចអគ្គមហាពោធិសាល ជា ស៊ីមជាវិរៈបុរសដែលមានវីរៈភាពដ៏ឆ្នើម ក្នុងការជួយរំដោះប្រជាជនកម្ពុជាអោយរស់រានមានជីវិតឡើងពីរបបឃាតករ ប៉ុល ពត ប្រល័យពូជសាសន៍ នៅថ្ងៃទី៧ ខែមករា ឆ្នាំ១៩៧៩។
សម្តេច ជាស៊ីម គឺជាវិរៈបុរសម្នាក់ក្នុងចលនាដឹកនាំរណសិរ្យសង្គ្រោះជាតិកម្ពុជា ក្នុងអំឡុងឆ្នាំចុងឆ្នាំ១៩៩៨ រំដោះទឹកដីកម្ពុជា។ជាង៣០ឆ្នាំនេះ ក្រោមការដឹកនាំរបស់ សម្តេច ជាប្រធានគណៈបក្សប្រជាជនកម្ពុជា និងជាប្រធានព្រឹទ្ធសភាជាតិ មន្ត្រីរបស់ គណៈប្រជាជនកម្ពុជាគ្រប់ជាន់ថ្នាក់ និងសម្តេចហ៊ុន សែន ប្រមុខរាជរដ្ឋាភិបាលកម្ពុជា បានឆ្លងកាត់វិបត្តិនយោ បាយជាច្រើនដំណាក់កាល នឹងទទួលបានការគាំទ្រពីសំណាក់ប្រជាពលរដ្ឋទូទាំងប្រទេស ដោយបានសាមគ្គីគ្នាកសាងមាតុភូមិកម្ពុជា អោយមានការអភិវឌ្ឍន៍លើគ្រប់វិស័យ។
ការបាត់បង់ សម្តេច ជា ស៊ីម គឺជាការបាត់បង់វីរៈកុលបុត្រ និងវីរៈបុរសខ្មែរដ៏ឆ្នើមនៅក្នុងប្រវត្តិសាស្ត្រដែលជាវីរៈបុរសគំរូគួរអោយគោរពនិងមិនអាចបំភ្លេចបាន។ក្នុងនាមថ្នាក់ដឹកនាំខេត្ត ព្រះសង្ឍ ហាគឹទួន មន្ត្រីរាជការ និងប្រជាពលរដ្ឋទាំងអស់ក្នុងខេត្តកំពង់ឆ្នាំង ចូលរួមមរណៈទុក្ខដ៏ក្រៀមក្រម និងសូមលំឱនកាយគោរពវិញ្ញាណក្ខន្ធ័ សម្តេច ដោយគោរពស្មោះស្ម័គ្រ និងសូមបួងសួងអោយវិញ្ញាក្ខន្ធ័សម្តេចបានសោយសុខក្នុងសុខគតិភពកុំបីឃ្លាងឃ្លាតឡើយ។
នៅក្នុងពិធីបុណ្យខួប៧ថ្ងៃនេះ ថ្នាក់ដឹកនាំខេត្ត មន្ត្រីរាជការជុំវិញខេត្ត អាជ្ញាធរគ្រប់លំដាប់ថ្នាក់ បានហែរការោនកម្រងផ្កាចូលរួមមរណៈទុក្ខ គោរពវិញ្ញាណក្ខន្ធ័ចំពោះរូបថតសម្តេចអគ្គមហាពោធិសាល ជា ស៊ីម គ្រប់ៗអង្គភាព និងបាននិមន្តព្រះសង្ឃ សូត្រមន្ត បង្ស័កូល តាមប្រពៃណីសាសនា និងរាប់បាតប្រគេនព្រះសង្ឃ៨៣អង្គ ឧទ្ទិសកុសលដល់ដួងវិញ្ញាណក្ខន្ធ័សម្តេច ជា ស៊ីម និងសូមបួងសួងដល់វិញ្ញាណក្ខន្ធ័សម្តេច មេត្តាជួយឃុំគ្រងថ្នាក់ដឹកនាំប្រមុខរាជរដ្ឋាភិបាលកម្ពុជា ប្រជាពលរដ្ឋ និងមន្ត្រីរាជការទាំងអស់ សូមជួបប្រទះតែសេចក្តីសុខ គ្រប់ប្រការ មានសុខសន្តិភាព និងមានការអភិវឌ្ឍន៍ ប្រទេសជាតិសំបូរសម្បាយរុងរឿងរហូតតទៅ៕
