ខ្សែបម្រើក្លិបបិសាចក្រហម Manchester United កីឡាករ Juan Mata ជឿជាក់ថា ក្លិបនឹង នាំយកកីឡាករល្អៗនៅរដូវក្តៅនេះ ។
អ្នកចាត់ការក្លិបលោក David Moyes ដែលបានទិញ Mata ពីតោខៀវ Chelsea កាលពីខែមករាត្រូវបានគេដឹងថា ត្រូវបានក្លិបផ្តល់ប្រាក់ប្រមាណ
២០០ លានផោនដើម្បីចំណាយលើការទិញកីឡាករនៅរដូវក្តៅនេះ ។
ទោះបីជាយ៉ាងណាក៏ដោយ ខ្សែបម្រើសញ្ជាតិអេស្ប៉ាញរូបនេះបានលើកឡើងថា ហេតុផល ដែលធ្វើឲ្យគាត់ផ្លាស់មកកាន់ទឹកដី Old Trafford គឺព្រោះតែក្លិបបានសន្យាថា នឹងនាំយកកីឡាករថ្មីៗ បន្ថែមទៀតមកកាន់ក្លិបនៅរដូវក្តៅនេះ ។
Mata ប្រាប់សារព័ត៌មាន The Express ថា “ទម្រង់លេងរបស់បិសាចក្រហមនឹងបានល្អ ឡើងវិញ នៅរដូវកាលក្រោយហើយពួកគេពិតជាអាចនាំយកកីឡាករល្អៗមកកាន់ក្លិបបាន” ។
គួរបញ្ជាក់ថា បច្ចុប្បន្ន Manchester United កំពុងឈរនៅលំដាប់ទី ៧ នៃតារាង Premier League ដោយមានគម្លាត ១០ ពិន្ទុពីកន្លែងដែលត្រូវលេង Champions League ៕
