អតីតខ្សែប្រយុទ្ធរបស់កាំភ្លើងធំ Arsenal កីឡាករ Gervinho កំពុងក្លាយជាគោលដៅដ៏ធំរបស់ក្លិបកំពូលតារាង Premier League គឺហង្សក្រហម Liverpool ។
កីឡាករវ័យ ២៦ ឆ្នាំដែលផ្លាស់មកក្លិបចចកខ្មៅ Roma កាលពីរដូវក្តៅមុនរូបនេះត្រូវបានគេ មើលឃើញថា មានសិទ្ធិអាចចាកចេញពីទឹកដី Stadio Olimpico បានទោះបីនៅជាប់កិច្ចសន្យាជាមួយ ក្លិបក៏ដោយប៉ុន្តែរូបគេនឹងត្រូវក្លិបកាត់តម្លៃពលកម្ម ។
យោងតាមគេហទំព័រ Football Direct News លោក Brendan Rodgers បានកោតសរសើរ ពីទម្រង់លេងរបស់កីឡាករសញ្ជាតិកូឌីវ័ររូបនេះជាយូរណាស់មកហើយ ហើយអាចនឹងឈានដល់កិច្ចព្រមព្រៀងទិញយករូបគេពេលទីផ្សារដោះដូរកីឡាករបើកទ្វារជាថ្មី ។
គួរបញ្ជាក់ថា Gervinho ចូលលេងបានចំនួន ២៩ លើកឲ្យ Roma នៅរដូវកាលនេះដោយ ស៊ុតបញ្ចូលទីបាន ៨ គ្រាប់ ៕
