ពិធីសំណេះសំណាលក្រុមគ្រួសារយោធិនពលី ចេញពីជួរកងទ័ព ទៅរស់នៅមូលដ្ឋាន តំបន់ប្រតិបត្តិការសឹករងកំពង់ធំ

ខេត្តកំពង់ធំ. ក្រុមគ្រួសារយោធិនពិការ និងយោធិនពលី ចំនួន ៣១នាក់   ដែលអតីតធ្លាប់បំរើការនៅអង្គភាពតំបន់ប្រតិបត្តិកាសឹករងកំពង់ធំ ត្រូវបានផ្ទេរចេញពីជួរកងទ័ព ទៅរស់នៅជាជនស៊ីវិល នៅតាមមូលដ្ឋាន  និងស្ថិតក្រោមការគ្រប់គ្រងរបស់ មន្ទីរសង្គមកិច្ចខេត្តកំពង់ធំ ។ឯកឧត្តម ឧត្តមសេនីយ៍ត្រី  សោម. ស៊ុន. មេបញ្ជការតំបន់ប្រតិបត្តិការសឹករងកំពង់ធំ បានកោតសរសើរ បងៗ និងក្រុមគ្រួសារពលី ដែលបានបន្សល់នូវស្នាដៃក្នុងកិច្ចការ ការពារជាតិមាតុ ភូមិ ទាំងសមរភូមិត្រជាក់ និងសមរភូមិក្តៅ ពុះពារដើម្បីដណ្តើមយកសន្តិភាពជូនប្រជាពលរដ្ឋ គឺជាគុណបំណាច់ដ៏ធំធេង សម្រាប់អង្គភាពតំបន់សឹករងកំពង់ធំ ក៏ដូចជាប្រជាពលរដ្ឋទូទាំងប្រទេសផងដែរ ពិធីនេះត្រូវបានរៀបចំឡើងនៅក្នុងសាលប្រជុំតំបន់សឹករងកំពង់ធំ នៅព្រឹកថ្ងៃទី ៣០ខែមិថុនាឆ្នាំ២០១៥។

នេះឱកាសជួបសំណេះសំណាល ឯកឧត្តម. ឧត្តសេនីយ័ត្រី  សោម ស៊ុន. បានផ្តាំផ្ញើរដល់ យោធិនពិការ និងគ្រួសារយោធិនពលី ដែលត្រូវបានចូលនិវត្តន៍. ទៅរស់នៅតាមមូលដ្ឋាន គោរពច្បាប់ ធ្វើអំពើល្អ និងជាលប្រយោជន៍ដល់សង្គម. ដោយឡែកនៅក្នុងអង្គភាព គឺមាន ច្បាប់យោធាគ្រប់គ្រងនូវវិន័យនឹងសេចក្តីថ្លៃថ្នូរ រស់ជាស៊ីវិលត្រូវគោរពច្បាប់របស់រដ្ឋ  តែទោះជាតំម្រូវឲ្យ មានការផ្លាស់ប្តូរតាមអាយុកាល ដែលច្បាប់បានកំណត់នោះ ក៏ដោយក៏ក្នុងនាមជាមិត្តជាបងប្អូន ធ្លាប់រួមការងារ នៅតែមានការសោកស្តាយ និងជាកំណត់ហេតុមួយដែលចារនូវប្រវត្តិសាស្រ្ត អំពីស្នាដៃ និងទង្វើល្អសម្រាប់ជាមេរៀនសម្រាប់ប្អូនជំនាន់ក្រោយ។

ឯកឧត្តម សោម ស៊ុន បានបញ្ជាក់ថា ក្រោយពេលដែលបងប្អូនយោធិនបាន កាត់ចូលទៅសង្គមកិច្ចហើយនោះក៏ក្នុងនាមថ្នាក់ដឹកនាំ. នៅតែរងចាំជួយតាមលទ្ធភាព និងជួយសម្រួលការងារជាមួយអង្គភាពសង្គមកិច្ច. ដើម្បីឲ្យបងប្អូនអាចបើកប្រាក់បៀតវត្តន៍  ប្រចាំខែនិងកិច្ចការមួយចំនួនទៀតផង។