បន្ទាយមានជ័យះយ៉ាងហោចណាស់មានពលករខ្មែរប្រុសស្រីចំនួន៣នាក់ត្រូវបានគេរាយការណ៍មកថាបានស្លាប់នៅក្នុងអគ្គីភយ័ឆេះរោងចក្រផលិតជីគីមីកសិកម្មមួយកន្លែងដែលស្ថិតនៅភូមិនិងឃុំថាប់ឆាងស្រុកសយដាវខេត្តចាន់បូរីប្រទេសថៃ។
ហេតុការណ៍ឆេះនោះ កើតឡើងនៅវេលាម៉ោងប្រមាណជាង៣ល្ងាច ថ្ងៃទី៣ខែកក្កដាឆ្នាំ២០១៥។
ប្រភពបានបញ្ជាក់ថាអគ្គីភ័យបានឆាបឆេះឡើង បន្ទាប់ពីមានសំលេងផ្ទុះយ៉ាងខ្លាំងនៅក្នុងរោងចក្រនោះ ។កម្មករជាច្រើននាក់មានខ្មែរនិងថៃបានស្លាប់ ភ្លាមៗនៅនឹងកន្លែងដែលខ្លះក៏ដាច់ខ្លួនជាបំណែកៗហើយឆេះរោលឡើងខ្លោច។សំលេងផ្ទុះដែលបង្កជាអគ្គីភ័យហើយសំលាប់ពលករខ្មែរបីនាក់នោះត្រូវបានគេអះអាងថាបង្កឡើងពីបំពង់លាយគីមី។
ជនរងគ្រោះជាពលករខ្មែរស្លាប់ទាំងបីនោះមាន ១- ឈ្មោះ យោន សា ភេទប្រុស អាយុ ២៨ ឆ្នាំ ២- ឈ្មោះ យោន សៅ ភេទស្រី អាយុ ២០ ឆ្នាំ សពទាំង២នេះជាបងប្អូនបង្កើតនិងគ្នាហើយទី ៣-ឈ្មោះស្រី សៀក ភេទប្រុស អាយុជាង40ឆ្នាំ។ សពទាំង ៣នាក់នេះគេមិនទាន់ដឹងទេថាមានស្រុក កំណើតនៅភូមិ-ឃុំ ស្រុក ខេត្តណានៅឡើយទេ។
យើងមិនអាចទាក់ទងសុំការបំភ្លឺបានទេពីលោកអគ្គកុងស៊ុលកម្ពុជាប្រចាំនៅប្រទេសថៃពាក់ពន្ធ័និងការស្លាប់នេះ៕ដោយ:ឃិន គន្ធា 
