កំពង់ធំ៖ ដោយព្រះទ័យព្រះអង្គព្រះមហាក្សត្រនៃព្រះរាជណាចក្រកម្ពុជា បានសព្វព្រះទ័យទៅលើព្រៃឈើ និងធនធានធម្មជាតិ ដែលអាចធ្វើឲ្យប្រជារស្ត្រ ព្រះអង្គទទួលផល អនុផល ពីព្រៃឈើ ទើបមានព្រះរាជបន្ទូលដល់ រាស្ត្រ របស់ព្រះអង្គឲ្យជួយគ្នាថែរក្សាព្រៃឈើ រួមគ្នាដាំដើមឈើឡើងវិញ ក្នុងម្នាក់ឲ្យបានមួយដើម ១លាននាក់ មួយលានដើម និងធ្វើឲ្យព្រៃឈើមានការកើនឡើង។
ព្រះកុរណាជីវិតតម្កល់លើត្បូង ព្រះមហាក្សត្រខ្មែរ បានយាងជាអធិបតី ក្នុងឳកាសបុណ្យរុក្ខទិវា ៩ កក្កដា ឆ្នាំ ២០១៥ ដែលបានចាត់ធ្វើឡើង ដោយខណ្ទរដ្ឋបាលព្រៃឈើកំពង់ធំ ស្ថិតនៅភូមិថ្មសំលាង ឃុំ ក្រយៀ ស្រុកសន្ទុក ខេត្តកំពង់ធំ ដោយមានការចូលរួមសម្តេចទាំង៣ មានសម្តេច វិបុលសេនាភក្កី ប្រធានព្រឹទ្ធសភា សម្តេចអគ្គមហាពញាចក្រី ហេង សំរិន ប្រធានរដ្ឋសភា សម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងថ្នាក់ដឹកនាំមន្ត្រីរាជការ ខេត្តកំពង់ធំ និងមន្ត្រីរាជការមកពីបណ្តាលខេត្តនៃព្រះអាជាណាចក្រម្ពុជាចូលរួមផងដែរ ។
លោក តិប ញាតា នាយខណ្ទរដ្ឋបាលព្រៃឈើកំពង់ធំ បញ្ជាក់ថា ការដាំកូនឈើជាក់ស្តែងក្នុងពិធីបុណ្យរុក្ខទិវានេះមានផ្ទៃដី១០ ហិចតា ក្នុងមានឈើគ្រញូង កូនឈើធ្នង់ និងឈើកកោះ ហើយនិងដាំជាចំការរហូតដល់ទៅ១០០ហិចតា តែពេលនេះបានឈូសឆាយដីក្នុងការត្រៀមដាំបាន៧០ហិចតាហើយ កូនឈើទាំងនេះជាឈើព្រះរាជទានរបស់ព្រះមហាក្សត្រ ។
ព្រះកុរណា ព្រះបាទសម្តេច នរោត្តម សី ហមុនី ជីវិតតម្កល់លើត្បូង បានកោតសរសើរចំពោះអភិបាលខេត្តកំពង់ធំ ដែលបានបង្ហាញពីភាពរីកចំរើនលើគ្រប់វិស័យនៅក្នុងខេត្ត ដែលបានមកពីការខិតខំប្រឹងប្រែង របស់ឯកឧត្តម លោក ជំទាវ សហការីនៃរាជរដ្ឋាភិបាលកម្ពុជា ក្រោមការដឹកនាំដ៏ត្រឹមត្រូវ ឈ្លាសវៃសម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានធ្វើឲ្យខេត្តកំពង់ធំ សម្រេចបានជោគជ័យ ក្នុងការបង្ករបង្កើនផល ក្នុងវិស័យកសិកម្ម បានទទួលលទ្ធផលល្អប្រសើរ ។
ព្រះកុរណា ព្រះបាទសម្តេច នរោត្តម សី ហមុនី ជីវិតតម្កល់លើត្បូង បានមានព្រះរាជបន្ទូលថា ការប្រារព្វបុណ្យរុក្ខទិវា នេះគឺជាការឆ្លុះបញ្ជាំងឲ្យឃើញនៅការ ខិតខំប្រឹងប្រែងរបស់ប្រជាជាតិកម្ពុជាយើង រួបរួមគ្នាទប់ស្កាត់គ្រោះមហន្តរាយ នៃការបាត់បង់ សម្បត្តិព្រៃឈើនិងការពង្រឹងស្មារតីម្ចាស់ការ ទទួលខុសត្រូវលើជោគវាសនាអានាគត់ នៃមាតុភូមិរបស់ ខ្លួន ដូច្នេះយើងទាំងអស់គ្នាត្រូវចូលរួមដាំដើមឈើឡើងវិញ នៅគ្រប់ទិសទី ដើម្បីរក្សាលំនឹងបរិស្ថានធម្មជាតិ ក្នុងការរក្សានិយ័តភាពនៃប្រភពទឹកសម្រួលអាកាសធាតុឲ្យមានប្រក្រតីភាព
អនុគ្រោះ ដល់ជីវិតរស់នៅរបស់មនុស្សសត្វ និង អំណោយផល ដ៏ប្រសើរដល់ការដាំដុះដំណាំសព្វសារពើរ របស់ប្រជាកិសករ ពិធីបុណ្យរុក្ខទិវា ជាវប្បធម៌ដ៏ឧត្តុង្គឧត្តម របស់ប្រជាជាតិយើងតាំងពីសម័យសង្គមរាស្ត្រនិយមមកម្លេះ ក្នុងពេលបច្ចុប្បន្ននេះពិធីបុណ្យរុក្ខទិវា ដែលមានចែងក្នុង ច្បាប់ស្តីពីព្រៃឈើ ជាទិវាពលកម្មដាំដើមឈើជាតិ ដែលត្រូវបានប្ររព្វឡើង នៅថ្ងៃទី ៩ ខែកក្កដា ជារៀងរាល់ឆ្នាំ យើងត្រូវចូលរួមចំនែករក្សាការពារ ភពផែនដីជាទីជម្រកដ៏សុខសាន្តរបស់មនុស្សនិងសត្វ បើបងប្អូនជនរួមជាតិដាំដើមឈើ បានម្នាក់មួយដើម ក្នុងមួយឆ្នាំ យើងនិងមានកូនឈើថ្មី ចំនួនច្រើនលានដើម ដែលអាចនិងដុះលូតលាស់ផ្តល់ប្រយោជន៍ជនយ៉ាងច្រើន នៅថ្ងៃអានាគត់ ។ ដោយ ប៊ុន រដ្ឋា
