ខ្សែការពាររបស់ក្លិបបិសាចក្រហម Manchester United គឺកីឡាករ Rio Ferdinand បញ្ជាក់ថ គាត់ទំនងជាអាចនឹងធ្វើការចាកចេញ ពីក្លិបមួយនេះនៅបញ្ចប់រដូវកាល ដោយសារតែគាត់ មិនពេញចិត្តនឹងទម្រង់លេងរបស់ក្លិបក្រោមការដឹកនាំរបស់លោក David Moyes ។
Rio Ferdinand បន្ថែមថា គាត់មិនសូវបានចូលលេងជាជម្រើសដំបូងឡើយ ចាប់តាំងពី លោក David Moyes ចូលមកដឹកនាំ ហើយសូម្បីតែឈ្មោះនៅក្នុងបញ្ចីផ្លាស់ប្ដូរកីឡាករចូលលេងក៏គ្មានដែរ ដែលវាហាក់ដូចជាផ្ទុយស្រឡះពីពេលដែលលោក Sir Alex Ferguson នៅដឹកនាំហើយឥឡូវក្លិបក៏ កំពុងតែមានការប្រែប្រួលខុសពីមុនផងដែរ ។
ក្នុងនោះផងដែរ គ្រូបង្វឹករបស់ក្លិបបិសាចក្រហម Manchester United លោក David Moyes ក៏មិនមានគម្រោងបន្តកុងត្រាថ្មីឲ្យ Rio Ferdinand ដែលជាហេតុធ្វើឲ្យខ្សែការពាររូបនេះ មានបំណង ចង់ចាកចេញពីក្លិប Manchester United នោះ ។
គួរបញ្ជាក់ថា ក្លិប Manchester United បានបាត់បង់ក្តីសង្ឃឹមក្នុងការលេងនៅក្របខ័ណ្ឌ Champions League នៅរដូវកាលក្រោយស្របពេលក្លិបកំពុងតែស្ថិតនៅលេខរៀងទីប្រាំពីរក្នុងតារាង Baclays Premier League ៕
