ក្លិបមាន់ខ្នាយមាស Tottenham Hotspur ត្រូវបានគេមើលឃើញថា កំពុងតែរៀបចំសំណើរដើម្បីទិញ ខ្សែ ប្រយុទ្ធរបស់បិសាចក្រហម Manchester United គឺកីឡាករ Danny Welbeck នៅរដូវក្តៅនេះ ។
Spurs កំពុងបង្ហាញពីចំណាប់អារម្មណ៍ចង់បានខ្សែប្រយុទ្ធមួយចំនួនដែលកំពុងលេងក្នុងក្របខណ្ឌ Premier League ហើយក្លិបមួយនេះត្រូវបានគេជឿថា នឹងអាចបញ្ចុះបញ្ចូលកីឡាករវ័យ ២៣ ឆ្នាំរូបនេះឲ្យចាកចេញពីទឹកដី Old Trafford បាន ។
យោងតាមគេហទំព័រ The Mirror បានចុះផ្សាយថា Welbeck នៅសល់កិច្ចសន្យា ២ ឆ្នាំទៀតជាមួយ Manchester United ហើយក្លិបមាន់ ខ្នាយមាសជឿថា ការដាក់ដេញថ្លៃក្នុងចំនួនទឹកប្រាក់ប្រមាណ ២០ លានផោនគឺគ្រប់គ្រាន់ហើយដើម្បីនាំយកខ្សែប្រយុទ្ធសញ្ជាតិអង់គ្លេសរូបនេះ ។
គួរបញ្ជាក់ថា ខ្សែប្រយុទ្ធរូបនេះស៊ុតបញ្ចូលទីបាន ៩ គ្រាប់ក្នុងក្របខណ្ឌ Premier League ឲ្យក្លិបបិសាច ក្រហមនៅរដូវកាលនេះ ៕
