កំពង់ធំ៖ ឯកឧត្តម សោម ស៊ុន សមាជិកអចិន្ត្រៃយ៍គណៈកម្មាធិការបក្សខេត្តកំពង់ធំ និងជាប្រធានក្រុមការងារបក្ស ចុះជួយស្រុកស្ទោង បានដឹកនាំក្រុមការងារបក្សចុះសួរសុខទុក្ខ និងប្រជុំពង្រឹងសមាជិកបក្សឃុំ ដើម្បីផ្សព្វផ្សាយសេចក្តីសម្រេចរបស់មហាសន្និបាតរបស់គណៈបក្សប្រជាជនកម្ពុជា ស្ថិតនៅវត្តបន្ទាយស្ទោង ឃុំបន្ទាយស្ទោង ស្រុកស្ទោង ខេត្តកំពង់ធំ ដោយមានសមាជិកបក្សការចូលរួម៧៦នាក់ កាលពីព្រឹកថ្ងៃទី ១៩ ខែ កក្កដា ឆ្នាំ ២០១៥។
លោក សូត្រ អ៊ល ប្រធានគណៈបក្សឃុំបានបញ្ជាក់ពីចំនុចខ្លាំង និងចំនុចខ្សោយ ព្រមទាំងសកម្មភាពចុះជួយ ដោះស្រាយនូវបញ្ហារផ្សេងៗ របស់ប្រជាពលរដ្ឋនៅក្នុងមូលដ្ឋាន ព្រមទាំងការអភិវឌ្ឍន៍នូវការរីកចំរើនរបស់គណៈឃុំ ដែល បានខិតខំប្រឹងប្រែងចុះជួយប្រជាពលរដ្ឋ រាល់ការលំបាក ដែលមានដូចជា គ្រោះមហន្តរាយ គ្រោះធម្មជាតិ ព្រមទាំង ការមើលថែរសមាជិកបក្ស ព្រមទាំងពង្រឹងនូវស្មារតី ទាំងចេតសាស្ត្រ ផ្សេងៗដើម្បីឲ្យមានការជឿជាក់មកលើថ្នាក់ដឹកនាំ ដែលមានគោលនយោបាយច្បាស់លាស់និងត្រឹមត្រូវ។
ឯកឧត្តម សោម ស៊ុន សមាជិកអចិន្ត្រៃយ៍គណៈកម្មាធិការបក្សខេត្ត បានណែនាំឲ្យក្រុមការងារគណៈបក្សឃុំ ទាំងអស់ ខិតខំប្រឹងប្រែងបន្តទៀត និងសាមគ្គីគ្នារួបរួមបង្កើនសមាជិក រក្សានូវចំណងមិត្តភាពផ្ទៃក្នុងបង្កើនការលើកទឹកចិត្តដល់ សមាជិក និងព្យាយាមណែនាំដល់ប្អូនយុវ័យ ដែលមានអាយុ ១៧ឆ្នាំឡើងឲ្យយល់ពីគោលនយោបាយដ៏ត្រឹមត្រូវរបស់ រាជរដ្ឋាភិបាល ដើម្បីបង្កើនភាពជឿជាក់លើថ្នាក់ដឹកនាំបក្ស ក្នុងនោះដែរឯកឧត្តម បានបញ្ជាក់ពីដំដោះស្រាយបញ្ហារ ព្រំដែនកម្ពុជា វៀតណាម របស់រាជរដ្ឋាភិបាល។
ក្នុងឳកាសនោះផងដែរ ឯកឧត្តម សោម ស៊ុន ព្រមទាំងគណៈប្រតិភូ ក្រុមការងារបក្សបាននាំយកនូវគ្រឿងសក្ការៈ បរិក្ខា ទៅប្រគេនព្រះសង្ឃគង់ចាំព្រះវស្សា ចំនួន ៥ វត្ត ក្នុងនោះមានវត្តបន្ទាយស្ទោង , វត្តពន្លាជ័យ , វត្តពរោង , វត្តចំបក់បញ្ញា ,និងវត្តស្រះ សរុបទាំងអស់ ថវិកា១លានរៀល ,ប្រេងម៉ាស៊ូត ១៥០លីត្រ ,ស្កសរ ៥០គ.ក អង្ករ ២៥០គ.ក, ទឹកសុទ្ធ៥កេស ,មី៥កេស ,កាហ្វេ៥ប្រអប់ ដល់វត្តទាំង៥ ។
ដោយ ប៊ុន រដ្ឋា
