ខេត្តកំពង់ឆ្នាំ:រថយន្តរាប់សិបគ្រឿងដែលសមត្ថកិច្ចរិបអូសយកមករក្សាទុកនៅក្នុងខណ្ឌរដ្ឋបាលព្រៃឈើខេត្តកំពង់ឆ្នាំង ត្រូវបានគេមើលឃើញមានការខូចខាត ច្រេះពុក រថយន្តមួយចំនួនទៀត ត្រូវបានបាត់អស់កញ្ចក់មើលក្រោយ កង់ អាគុយ ម៉ាញ៉េដោយសារតែការគ្រប់គ្រងមិនបានល្អ រថយន្តទាំងនេះបានធ្វើសកម្មភាពបន្លំដឹកឈើប្រណិតឆ្លងកាត់ទឹកដីខេត្តកំពង់ឆ្នាំង ដែលភាគច្រើនដឹកចេញពីខេត្ត ពោធិសាត់ និង ខេត្តបាត់ដំបង មិនមានច្បាប់អនុញ្ញាតិ ហើយក៍ត្រូវកម្លាំងសមត្ថកិច្ចចាប់បានយកមករក្សាទុករហូតមកដល់បច្ចុប្បន្ននេះ នៅហាលក្តៅហាលភ្លៀង។
ករណីនេះ ត្រូវបានមជ្ឈដ្ឋានទូទៅដែលឃើញនូវទំហំនៃការបាត់បង់ទៅៗ ហើយរដ្ឋ និងត្រូវខាតបង់ថវិកាដោយសារតែការខូចខាតរថយន្តមិនបានយកទៅប្រើប្រាស់ដើម្បីប្រយោជន៍ជាតិ ពួកគាត់បានសូមសំណូមពររដ្ឋាភិបាលមានវិធានការណ៍អាចវាយតម្លៃលក់យកលុយចូល ថវិកាជាតិ ទើបចំណេញ បើមិនដូច្នោះទេ រថយន្តខាងលើទាំងអស់នេះ ថ្ងៃអនាគតនៅសល់តែគ្រោងឆ្អឹងថ្លឹងលក់អេតចាយតែប៉ុណ្ណោះ ។
ពាក់ព័ន្ធនិងពត៌មានខាងលើ នាយខណ្ឌរដ្ឋបាលព្រៃឈើ លោក ស៊ិន កុសល បានប្រាប់អោយដឹងថា លោកមិនមានសិទ្ធិចាត់ចែងទ្រព្យសម្បត្តិទាំងអស់នេះ ប៉ុន្តែបើយោងឆ្លងការប្រជុំ កាលពីអំឡុងមុនបុណ្យចូលឆ្នាំ គណៈបញ្ជាការឯកភាព ក៍ដូចជាមន្ទីរអង្គភាពជុំវិញខេត្ត ក៍បានលើករឿងនេះមកជជែកដោយខណ្ឌរដ្ឋបាលព្រៃឈើរៀបចំចងក្រងសំណុំរឿងបញ្ជូនទៅកាន់សាលាដំបូង រួចបញ្ជូនទៅក្រសួងកសិម្មរុក្ខាប្រមាញ់ និងនេសាទ និងក្រសួងសេដ្ឋកិច្ចហិរញ្ញវត្ថុ ដើម្បីរៀបចំ
គណៈកម្មាធិការចុះវាយតម្លៃលក់ឡៃឡុង ទាំងវត្ថុតាងឈើ និងរថយន្តដើម្បីយកថវិកាចូល ជាតិ ហើយការងារនេះរដ្ឋបាលព្រៃឈើធ្លាប់បានធ្វើម្តងរួចទៅហើយ ប៉ុន្តែយើងពុំទាន់ធ្វើរបាយការណ៍អោយបានចប់សព្វគ្រប់ហើយនៅប៉ុន្មានថ្ងៃខាងមុខនេះនឹងដាក់គណៈកម្មាធិការវាយតម្លៃអោយមានការចូលដេញថ្លៃផងដែរ ។ ដោយលោកសុខ គឹមសៀន
