អ្នកចាំទី Tim Krul ត្រូវបានគេមើលឃើញថា កំពុងតែពិចារណាលើការចាកចេញពីក្លិបនៅពេលទីផ្សារដោះដូរកីឡាករបើកទ្វានៅរដូវក្តៅនេះ ។
អ្នកចាំទីសារិការព្រៃ Newcastle United រូបនេះបានក្លាយជាកីឡាករដ៏សំខាន់ម្នាក់របស់ក្លិប នៅប៉ុន្មានរដូវកាលថ្មីៗនេះប៉ុន្តែរូបគេត្រូវបានគេជឿថា
នឹងស្វែងរកក្លិបផ្សេងពេលចប់រដូវកាលនេះ ។
យោងតាមគេហទំព័រ Daily Star បានចុះផ្សាយថា កីឡាករវ័យ ២៦ ឆ្នាំរូបនេះក៏កំពុងមាន ក្តីបារម្ភផងដែរពីអនាគតក្រុមជម្រើសជាតិរបស់ខ្លួនបន្ទាប់ពីថ្មីៗនេះរូបគេត្រូវបានដកឈ្មោះចេញពី ក្រុមពណ៌ទឹកក្រូចហូឡង់ក្រោមការដឹកនាំរបស់គ្រូបង្វឹក Louis van Gaal ។
ទន្ទឹមជាមួយគ្នានោះ AC Milan ត្រូវបានគេមើលឃើញថា កំពុងមានចំណាប់អារម្មណ៍ចង់បាន Krul ប៉ុន្តែក្លិប Tottenham Hotspur ក៏អាចនឹងទិញយកអ្នកចាំទីរូបនេះផងដែរបើសិនជាពួកគេ បាត់បង់អ្នកចាំទី Hugo Lloris នៅរដូវក្តៅនេះ ។
គួរបញ្ជាក់ថា Krul នៅសល់កិច្ចសន្យា២ឆ្នាំទៀតជាមួយសារិការព្រៃ Newcastle ៕
