កំពង់ធំ៖ មានប្រតិកម្មយ៉ាងចាស់ដៃ ពីសំណាក់លោក ឈិន សុផល ខណៈពេលដែលត្រូវបាន សារពត៌មានសុំការបំភ្លឺ ជុំវិញករណី លោក ឈិន សុផល នាំយកគ្រឿងចក្រមកឈូសឆាយដី គ្មានប្លង គ្មានច្បាប់ និងត្រូវបានសមត្ថកិច្ចមេព្រៃ ដឹកនាំដោយលោក ឃិន វណ្ណៈ នាយរងផ្នែករដ្ឋបាលព្រៃឈើសណ្តាន់ រួមសហការជាមួយកម្លាំងតំបន់ប្រតិបត្តិការសឹក រងកំពង់ធំ ចុះចាប់គ្រឿងចក្រដែលកំពុងតែធ្វើសកម្មភាព ឈូសឆាយដីដោយខុសច្បាប់ នៅចំនុចជ្រៃក្រឹម ឃុំ មានរិទ្ធ ស្រុកសណ្តាន់ ខេត្តកំពង់ធំ រសៀលថ្ងៃទី ០១ ខែ សីហា ឆ្នាំ ២០១៥។
គ្រឿងចក្រធ្វើសកម្មភាពឈូសឆាយដី ដោយគ្មានច្បាប់អនុញ្ញាតិ លើផ្ទៃដីជាង២០ហិចតា ដោយសមត្ថកិច្ចមេព្រៃ និង ស្ថាប័នពាក់ព័ន្ឋពុំបានដឹងលឺពីការសុំច្បាប់នោះទេ តែលោក ឈិន សុផល ពុំស្គាល់ពីតួនាទី បានយកអំណាចឪពុក ដែលត្រូវបាន ប្រភពមិនច្បាស់ការ និយាយថា ធ្វើការនៅក្រសួងរៀបចំដែនដី នគររូបនីយកម្ម នឹងសំណង់ នាំគ្រឿង ច្រមកឈូសឆាយដោយមិនបាច់សុំច្បាប់ ។
កិច្ចសហប្រតិបត្តិការបង្ក្រាបគ្រឿងចក្រនេះ សមត្ថកិច្ចបានឃាត់គ្រឿងចក្រមួយគ្រឿង និងមនុស្ស២នាក់ ទី១ ឈ្មោះ សុខ គរ ភេទ ប្រុស រស់នៅខេត្តតាកែវ តៃកុង ទី២ នី សុភ័ក្ក ភេទ ប្រុស រស់នៅខេត្តកំពង់ចាម យកមករក្សាទុកនៅ ផ្នែករដ្ឋបាលព្រៃឈើសណ្តាន់ ។ លោកមិត្ត ម៉ាន ជាមេគ្រប់គ្រងគ្រឿងចក្រឲ្យលោក ឈិន សុផល បានអះអាងថា លោក មិនបានដឹងអ្វីទេ ពាក់ព័ន្ឋទៅនឹងគ្រឿងចក្រ និងច្បាប់អនុញ្ញាតិឈូសឆាយដីព្រៃ លោកគ្រាន់តែស៊ីឈ្នួលគេទេ។
អ្នកសារពត៌មាន បានសុំការបំភ្លឺពីលោក ឈិន សុផល ដែលជាម្ចាស់ដី ពាក់ព័ន្ឋទៅនឹងការឈូសឆាយដី និងប្រើប្រាស់ គ្រឿងចក្រដោយគ្មានច្បាប់អនុញ្ញាតិ តាមប្រព័ន្ឋទូរស័ព្ទ បែរជាលោក ឈិន សុផល តំឡើងសរសៃក ត្រដាងស្លាប ដោយយកអំណាចឪពុក មកគំរាមកំហែងអ្នកសារព័ត៌មាន ថាលោកឯងគ្រាន់តែជាអ្នកសារព័ត៌មាន គ្មានតួនាទីជា សមត្ថកិច្ច ហេតុអ្វីបានជាហ៊ានលូកដៃ សួរនាំរឿងផ្លូវច្បាប់ ពាក់ព័ន្ឋនិងច្បាប់អនុញ្ញាតិ លោកឯងមុននឹងសួរសូមឲ្យ មើលមេឃមើលផ្កាយផង ចំណែកទូរទស្សន៍ ចង់ចុះអីក៏ចុះទៅ ចុះឲ្យពេញមួយឆ្នាំទៀតក៏អត់ខ្វល់ទេ ហើយលោក ឈិន សុផល បានបញ្ជាក់សួរថា លោក មានតួនាទីភារៈកិច្ចអីបានជាទំនាក់ទំនងមកខ្ញុំ សួរនាំពីពត៌មានហ្នឹង ថាមានច្បាប់ ឬមិនមានច្បាប់នោះទេ។
តាមប្រភពពត៌មាន បានឲ្យដឹងថា ប្រហែលជាលោក ឈិន សុផល គាត់ឡើងកាន់តំណែងខ្ពស់ពេក ហើយភ្លេចពីតួនាទីរបស់អ្នកសារព័ត៌មាន ក្នុងការសុំធ្វើបទសម្ភាស និងសុំបំភ្លឺពីករណីដោយប្រការណាមួយ ដែលត្រូវបានគេចោទប្រកាន់ ម្យ៉ាងទៀតលោក ឈិន សុផល ជាម្ចាស់ដីផ្ទាល់ បើមិនឲ្យសួរនាំតែត្រូវទៅសួរនាំអ្នកណា? (ឧទាហរថា បើមាន គេចោទប្រកាន់ថា លោក ឈិន សុផល បានរំលោភដីធ្លីប្រជាពលរដ្ឋជាង២០ហិចតា ) តើអ្នកសារព័ត៌មាន ចុះដោយមិនបានសួរនាំលោក ដែលមិនមែនជាការពិតនោះ លោក ខឹងទេ ប្រាកដជាលោកឆ្លើយថា ចុះផ្សាយមិនសួរនាំ ផ្សាយមិនមានការពិត ។
ចំណែកលោក ប្រាក់ ធី ដែលជាម្ចាស់គ្រឿងចក្រ បានឲ្យដឹងថា លោកមិនខ្វល់ពីរឿងការចាប់គ្រឿងចក្ររបស់លោកនោះទេ លោកដឹងតែពីគិតពីអ្នកជួលពីលោកទៅ ហើយឲ្យដោះស្រាយយកកូនចៅលោកមកវិញ ហើយលោកមានកិច្ចសន្យា មានការផ្តិតមេដៃព្រមព្រៀងគ្នា ករណីប៉ះពាល់ចំពោះដីដែលខុសច្បាប់ ឬនាំគ្រឿងចក្រទៅឈូសឆាយដោយ ពុំបានសុំច្បាប់ ហើយលោកគិតថ្លៃជាធម្មតា។
ដោយផន សុជាតិ
