ខេត្តបន្ទាយមានជ័យ៖ នៅព្រឹកថ្ងៃទី២ខែសីហាឆ្នាំ២០១៥នៅទីលានបាល់ទាត់ដុនបូស្កូស្ថិតនៅក្នុងភូមិ មិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យបានរៀបចំកម្មវិធីបិទការការប្រកួតបាល់ទាត់ដណ្តើមពានរង្វាន់ជ័យលាភីចំណាត់ថ្នាក់លេខ ១ លេខ២
និងលេខ៣ យុវជនចាប់ពីអាយុក្រោម១៥។ការប្រកួនដណ្តើមពានរង្វាន់បាល់ទាត់ក្រុមយុវជនចាប់ពីអាយុក្រោម១៥ឆ្នាំនេះមានការចូលរួម លោកឧត្តមសេនីយ៍ ត្រីឨបូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យ លោកឈើយចាន់ណាប្រធានមន្ទីរអប់រំខេត្តបន្ទាយមានជ័យនិងមន្ត្រីកងរាជអាវុធហត្ថជាច្រើននាក់ទៀត។លោកឨបូរិន្ទបានមានប្រសាសន៍ក្នុងពិធីបិតការប្រកួតបាល់ទាត់នេះថាការប្រកួតដណ្តើមពានរង្វាន់យុវជនអាយុក្រោម១៥ឆ្នាំនេះមានការប្រកួតមានរយះពេល៥៧ថ្ងៃចាប់ពីថ្ងៃទី៧ខែមិថុនារហូតដល់២ខែសីហាឆ្នាំ២០១៥។លោកឨបូរិន្ទបាននិយាយបន្តថាដើម្បីចូលរួមចំណែកលើកស្ទួយវិស័យកីឡាបាល់ទាត់របស់ព្រះរាជណាចក្រកម្ពុជាកងរាជអាវុធហត្ថខេត្តបន្ទាយមានជ័យតែងតែសហការជាមួយសហព័ន្ធកីឡាបាល់ទាត់កម្ពុជាដែលមានឯកឧត្តមនាយឧត្តមសេនីយ៍ សៅសុខាជាប្រធានសហព័ន្ធ។លោកឨបូរិន្ទបានបន្តទៀតថាឯកឧត្តមសៅសុខាតែងតែបំផុសដល់ស្រទាប់យុវជនគ្រប់មូលដ្ឋានដើម្បីបណ្តុះបណ្តាលធនធានមនុស្សឲ្យងាកមកចាប់អារម្មណ៍យកពេលទំនេរពីការសិក្សាចូលហ្វឹកហាត់បច្ចេកទេសកីឡាបាល់ទាត់ឲ្យបានគ្រប់ៗគ្នា។លោកឨបូរិន្ទបានធ្វើការផ្តាំផ្ញើដល់ក្មួយៗយុវសិស្សទាំងអស់សូមជាសចេញឲ្យឆ្ងាយពីគ្រឿងញៀនហើយងាកមកចាប់អារម្មណ៍ចូលរួមជាមួយវិស័យកីឡាជាពិសេសគឺកីឡាបាល់ទាត់តែម្តងឲ្យបានគ្រប់ៗគ្នាព្រោះកីឡានាំមកនូវមិត្តភាព សាមគ្គីភាព កេរ្ត៍ឈ្មោះកិត្តិយសខ្លួន ក្រុមគ្រួសារនិងប្រទេសជាតិមាតុភូមិជាដើម។
ដូច្នេះក្មួយទាំងអស់អាចបញ្ចេញសមិត្តភាពតាមរយះវិស័យកីឡាដើម្បីចូលរួមចំណែកលើកស្ទួយកិត្តិយសជាតិទាំងនៅក្នុងប្រទេសនិងនៅលើឆាកអន្តរជាតិ។លោកឨបូរិន្ទបាននិយាយបន្តថាការប្រកួតនេះត្រូវបានបែងចែកជាបីប្រភេទនៃពានរង្វាន់ដោយមានពានរង្វាន់ដោយមានពានរង្វាន់កុមារអាយុក្រោម១៣ឆ្នាំនិង១៥ឆ្នាំក្រុមស្ថាប័ន្ត។ចំពោះការប្រកួតពានរង្វាន់បាល់ទាត់កុមារអាយុក្រោម១៣ឆ្នាំ. ចំណាត់ថ្នាក់លេខ១ក្រុមវិទ្យាល័យអូរជ្រៅ លេខ២ក្រុមឥន្ទ្រី ស លេខ៣ក្រុមពន្លឺខ្មែរពានរង្វាន់បាល់ទាត់កុមារអាអាយុ១៥ ចំណាត់ថ្នាក់លេខ ១ក្រុមAPPលេខ២ ប៉ោយប៉ែត F C លេខ៣វិទ្យាល័យអូរជ្រៅចំពោះពានរង្វាន់បាល់ទាត់ស្ថាប័ន្តសាលាចំណាត់ថ្នាក់លេខ១ក្រុមដុនបូស្កូ ចំណាត់ថ្នាក់លេខ២ក្រុមគ្រូស្ម័គ្រនិងចំណាត់ថ្នាក់លេខ៣ក្រុមសុវណ្ណភូមិ៕
