កំពត៖ ពិធីបុណ្យសមុទ្រឆ្នាំនេះប្រារព្ធធ្វើក្នុងខេត្តកំពតនៅថ្ងៃទី១១ ថ្ងៃទី១២ និងថ្ងៃទី១៣ ខែធ្នូ ដែលគេរំពឹងថា អាចធ្វើឲ្យកំណើនភ្ញៀវទេសចរចូលមកដើរកម្សាន្តនៅខេត្តនេះ រហូតដល់១លាន៥សែននាក់នៅឆ្នាំ២០១៥នេះ។នេះជាការថ្លែង របស់ឯកឧត្តមខូយ ឃុនហ៊ួរ អភិបាលខេត្តកំពត ក្នុងកិច្ចប្រជុំប្រជុំផ្សព្វផ្សាយ សេចក្តីសម្រេច ស្តីពីការ បង្កើតគណៈកម្មការ និងអនុគណៈកម្មការ រៀបចំពិធីបុណ្យសមុទ្រឆ្នាំ២០១៥ នៅខេត្តកំពត នារសៀលថ្ងៃទី៦ ខែសីហា ឆ្នាំ២០១៥ នៅសាលប្រជុំសាលា ខេត្តកំពត។បើតាមប្រសាសន៍របស់ឯកឧត្តមអភិបាលខេត្តកំពតបានឲ្យដឹងថា ចំនួនភ្ញៀវទេសចរចូលមកទស្សនា ខេត្តកំពតនៅឆ្នាំ២០១៤
មានចំនួនប្រមាណ១លាន៣សែននាក់។ ដោយឡែកនៅ៦ខែ ដើមឆ្នាំ មានចំនួនជាង៩០ម៉ឺននាក់ ។ ដូច្នេះ រហូតដល់ពិធិបុណ្យសមុទ្រសង្ឃឹមថា ភ្ញៀវទេសច រចូលមកទស្សនា ខេត្តកំពតអាចកើនដល់១លាន៥សែននាក់។ក្នុងកិច្ចប្រជុំនេះ ឯកឧត្តមអភិបាលខេត្តកំពតបានដាក់ចេញនូវផែនការជាច្រើន ជាពិសេសលើផ្នែកការកសាង កែលម្អហេដ្ឋារចនាក្នុងក្រុងកំពត ដូចជា ការដាក់ភ្លើងបំភ្លឺលម្អតាមផ្លូវ ការសង់បង្គន់សាធារណៈ បញ្ហាអនាម័យ និងសណ្តាប់នៅតាមផ្សារនានា កែលម្អរមណីយដ្ឋាននៅទូទាំងខេត្តកំពត។លើសពីនេះទៅទៀត ឯកឧត្តមអភិបាលខេត្តបានជំរុញឲ្យអាជ្ញាធរអប់រំប្រជាពលរដ្ឋការចូលរួមក្នុងការថែរក្សាអនាម័យ និងប្រែក្លាយលំនៅដ្ឋានរបស់ជាផ្ទះសំណាក់ ដើម្បីទទួលភ្ញៀវទេសចរ ដែលមកចូលរួមក្នុងពិធីបុណ្យសមុទ្រនេះ។ជាមួយគ្នានេះដែរ ឯកឧត្តមខូយ ឃុនហ៊ួរ បានជំរុញឲ្យកងកម្លាំងប្រដាប់អាវុធនានា ត្រូវសហការគ្នាធានាបាន សន្តិសុខ សណ្តាប់ធ្នាប់សាធារណៈ ជូនប្រជាពលរដ្ឋ និងភ្ញៀវទាំងអស់ឲ្យបានល្អ៕
