កំពង់ធំ=បុរសម្នាក់បានស្លាប់ភ្លាមៗនៅក្នុងហេតុការណ៍គ្រោះថ្នាក់ចរាចរណ៍មួយបង្កឡើងដោយរថយន្តមួយគ្រឿងម៉ាក FUSO ពណ៍ស ពាក់ផ្លាកលេខភ្នំពេញ ៣អា ៣១០១ ចតចោលក្បែរផ្លូវគ្មានភ្លើងសញ្ញា ហើយត្រូវបានបុរសម្នាក់ឈ្មោះ ហ៊ុន ខេងទាត់ ភេទប្រុស បើកម៉ូតូម៉ាក
សានយ៉ានសេ១៥០ បើកមកបុកពីក្រោយរថយន្ដ ស្លាប់ភ្លាមៗនៅនិងកន្លែងកើតហេតុត្រង់ចំនុចភូមិកូនត្នោត ឃុំជ័យ ស្រុកកំពង់ស្វាយ លើកំណាត់ផ្លូវជាតិលេខ៦២ ព្រះវិហារ កំពង់ធំ ត្រង់គឺឡូម៉ែត្រលេខ ១០ និង១១ ជនរងគ្រោះរូបនេះ រស់នៅភូមិ ឆ្មាស់ថ្មី ឃុំសាលាវិស័យស្រុកប្រាសាទបល្ល័ង្គ ខេត្តកំពង់ធំ ចំណែក អ្នកបើកបររថយន្ដឈ្មោះគ្រឿនគ្រីន ភេទប្រុស អាយុ ៣៥ឆ្នាំរស់នៅភូមិអាតស៊ូថ្មី ឃុំសំបូរ ស្រុកប្រាសាទសំបូរ ខេត្តកំពង់ធំ ត្រូវបានរត់កិច្ចខ្លួន បន្សល់តែរថយន្ដទុកនៅកន្លែងកើតហេតុ។
ប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេឃើញរថយន្ដFUSO មួយគ្រឿងពណ៌ស ពាក់ស្លាកលេខភ្នំពេញ៣អា ៣១០១ ដឹកដើមអាកាសស្យា ពេញ១រថយន្ដបានធ្វើដំណើរពីជើងទៅត្បូង លុះពេលទៅចំណុចកើតហេតុរថយន្តនេះចតចោលនៅក្បែរផ្លូវលុះជនរងគ្រោះបើកបរម៉ូតូមកដល់ក្នុងទិសដៅស្របគ្នាមកបុកពីក្រោយរថយន្ដពេញទំហឹង បណ្តាឲ្យអ្នកជិះម៉ូតូស្លាប់ភ្លាមៗនៅនឹងកន្លែងកើតហេតុតែម្តង គ្រោះថ្នាក់ចរាចរណ៍នេះនៅវេលាម៉ោង ៥និង ៤៥នាទីល្ងាចថ្ងៃទី១៥ខែសីហា ឆ្នាំ២០១៥។
បន្ទាប់ពីកើតហេតុសមត្ថកិច្ចបានចុះមកធ្វើការវាស់វែងរួចអូសយករថយន្តនិងម៉ូតូជនរងគ្រោះទៅរក្សាទុក ដើម្បីរងចាំការដោះស្រាយតាមផ្លូវច្បាប់។រីឯសាកសពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី។ ប៊ុនរិទ្ធី
