ខេត្តបន្ទាយមានជ័យនៅព្រឹកថ្ងៃទី១៩ខែសីហាឆ្នាំ២០១៥នគបាលទូទាំងខេត្តបន្ទាយមាជ័យសរុបចំនួន១៦០នាក់បានបើកកិច្ចប្រជុំបូកសរុបការងារប្រចាំខែនិងលើកទិសដៅសម្រាប់ការអនុវត្តខែបន្តនៅស្នងការខេត្តបន្ទាយមានជ័យ។កិច្ចប្រជុំនេះមានការចូលរួមលោកឧត្តមសេនីយ៍ត្រីអាត់ខែមស្នងការនគបាលខេត្តបន្ទាយមានជ័យ ស្នងការង់។ក្នុងកិច្ចប្រជុំនោះលោកអាត់ខែមបានដាក់ផែនការដល់កម្លាំងនគរបាលទាំងអស់ចាប់ពីថ្នាក់ស្នងការដ្ឋាន ដល់នគរបាល តាមប៉ុស្តិ៍រដ្ឋបាលទូទាំងខេត្តធ្វើយ៉ាងណាពង្រឹងសន្តិសុខ សណ្តាប់ធ្នាប់ និងសុវត្ថិភាពជូនប្រជាពលរដ្ឋកាន់តែមានជំនឿលើនគរបាលឲ្យកាន់តែខ្លាំង ។កិច្ចប្រជុំបូកសរុបការងារប្រចាំខែនេះលោកអាត់ខែមបានលើកឡើងពីបទបញ្ជានិងផែនការពីអគ្គស្នងការនគរបាលជាតិនាយឧត្តមសេនីយ៏ នេតសវឿនលើការរក្សាសន្តិសុខនិងសណ្តាប់ធ្នាប់តាមមូលដ្ឋានជូនប្រជាពលរដ្ឋនោះគឺការទប់ស្កាត់បទល្មើសនិងបម្រើសេវាសាធារណ:ផ្សេងៗ ជូនពួកគាត់ឲ្យបានមានតម្លាភាព។លោកអាត់ខែមបានបន្តថាចំពោះផែនការនិងទិសដៅលើការពង្រឹងបញ្ហាទាំងនេះលោកបានផ្តោតទៅលើកត្តាមួយចំនួនដែលកងកម្លាំងនគរបាលទាំងអស់ ត្រូវអនុវត្តនោះគឺ បង្ក្រាប និងបង្កាទប់ស្កាត់ រាល់បទល្មើស ដែលអាច កើតមានឡើង ដូចជា លួច ប្លន់ គ្រឿងញៀន ព្រមទាំងជំរុញការផ្តល់អត្តសញ្ញាណប័ណ្ណ ជូនប្រជាពលរដ្ឋ តាមមូលដ្ឋានឲ្យបានគ្រប់គ្នាៗ។ចំពោះការទប់ស្កាត់បទល្មើសទាំងនេះ លោកបានដា ក់ផែនការឲ្យកម្លាំងនគរបាល ថ្នាក់អធិការ ក្រុងស្រុក និងនគរបាលមូលដ្ឋាន បង្កើនការចុះល្បាតទាំងយប់ ទាំងថ្ងៃ និងដាក់វេនយាមប្រចាំការឲ្យបាន ទៀងទាត់ តាមគោលដៅរបស់ខ្លួន ។នគរបាលតាមបណ្តាវរសេនាតូចការពារព្រំដែននោះ លោកបានជំរុញឲ្យចុះល្បាត ក្នុងភូមិសាស្ត្ររបស់ខ្លួនដើម្បីទប់ស្កាត់ការលួចឆ្លងដែនខុសច្បាប់ ការនាំចូលទំនិញខុសច្បាប់ សកម្មភាព ចរាចរគ្រឿងញៀន និងសហការឲ្យបានល្អជាមួយ អាជ្ញាធរដែនដី នៅតាមតំបន់នីមួយៗ និងភាគីថៃផងដែរ៕
