កំពង់ធំ=កាលពីយប់ម៉ោងប្រមាណ ៧និង៥០នាទីថ្ងៃទី២៨ ខែសីហាឆ្នាំ២០១៥មានហេតុ
ការគ្រោះថ្នាក់ចរាចរណ៍មួយបានកើតឡើងនៅចំនុច ចន្លោះគីឡូម៉ែត្រលេខ ១៨៩ និង១៩០ លើផ្លូវជាតិលេខ៦ ស្ថិតនៅក្នុងភូមិបល្ល័ង្គ ឃុំសានគរ ស្រុកកំពង់ស្វាយ ខេត្តកំពង់ធំរវាង ម៉ូតូ
បុកនិងម៉ូតូបង្កស្នាមរបួសធ្ងន់ទាំងសងខាង ហេតុការនេះធ្វើអោយមានការភ្ញាក់ផ្អើលយ៉ាងខ្លាំង ដល់ អ្នកដែលរស់នៅក្បែរនោះ។
តាមប្រភពពត័មានពីកន្លែងកើតហេតុប្រជាពលរដ្ន បានអោយដឹងថា ដំបូងលឺសំលេងប្រាវ ស្រាប់តែមកមើល ឃើញម៉ូតូម៉ាក សង សេ១២៥ ពណ៍ខ្មៅបុកគ្នាជាមួយម៉ូតូ C100កូរ៉េ ពេញទំហឹងបណ្ដាលអោយរបួសធ្ងន់ទាំងសងខាង ក្នុងហេតុការណ៍នេះគេពិនិត្យឃើញម៉ូតូសង C125ពាក់ផ្លាកលេខកំពង់ធំ 1E9096 បើកបរដោយបុរសម្នាក់ឈ្មោះ សុខ លៀង អាយុ ២៤ឆ្នាំ រស់នៅភូមិ ជីអាប ឃុំចំណារក្រោម ស្រុកស្ទោង ខេត្តកំពង់ធំ រងរបួសធ្ងន់ ចំណែកបុរសបើកបរម៉ូតូC100កូរ៉េ គ្មានផ្លាកលេខទេ ឈ្មោះ ហ៊ឹម ហ៊ូយ អាយុ២៩ឆ្នាំ រស់នៅភូមិ ព្រៃប្រស់ ឃុំត្បែង ស្រុកកំពង់ស្វាយ ខេត្តកំពង់ធំ រងរបួសធ្ងន់ មូលហេតុបណ្ដាលមកពីអ្នកបើ់កបរ ម៉ូតូសងមិនប្រកាន់ស្ដាំ មិនគោរពច្បាប់ចរាចរណ៍ រំលោប ចូលមកផ្លូវរបស់គេ ។
ក្រោយពីកើតហេតុ សមត្ថកិច្ចមកធ្វើការវាស់វែង ធ្វើកំណត់ហេតុ បញ្ចូនជនរងគ្រោះទាំង២ ទៅសង្គ្រោះនៅមន្ទីរពេទ្យ ចំណែកម៉ូតូទាំង២បញ្ចូនទៅអធិការដ្ឋាន នគរបាលស្រុកកំពង់ស្វាយ រងចាំភាគីសងខាងរកដំណោះស្រាយទៅតាមក្រោយ ៕ប៊ុនរិទ្ធី
