កំពង់ធំៈ ប្រជាពលរដ្ឋ៨០០គ្រួសារ រស់នៅក្រោមដែនគ្រប់គ្រង់ដោយអានាធិបតេយ្យ របស់ឧក្រិដ្ឋជន ដែល ជាប់អតីត ជាប់ពន្ឋនាគារ ជាច្រើនលើក បានតាំងខ្លួនជាប្រធានអបគមន៍ បង្កើតបក្សពួក បន្តគ្រប់គ្រង់បង្កើត ដែនអានាធិបតេយ្យ ប្លន់ គំរាម សំលាប់ និងធ្វើទារុណកម្ម ប្រជាពលរដ្ឋស្លូតត្រង់ តាំងខ្លួនជាអ្នកគ្រប់គ្រងដី របស់ប្រជាពលរដ្ឋ បានកំណត់ឲ្យប្រជាពលរដ្ឋ បង់លុយក្នុងមួយគ្រួសារ ចាប់ពី១០០ដុល្លា ដល់ទៅ១៧០០ ដុល្លា តាមទំហំដី ប្រជាពលរដ្ឋណាមិនបង់លុយ ឲ្យថ្លៃគ្រប់គ្រងទេ លោក វង់ វិន និងដកយកដីវិញ មិនឲ្យ ប្រជាពលរដ្ឋណាតវ៉ា ។
ភាពភ័យខ្លាចរបស់ប្រជាពលរដ្ឋ រស់ក្រោមការឈឺចាប់ និងសម្រក់ទឹកភ្នែក ព្រៀបបានទៅនឹងជំនាន់ ៣ឆ្នាំ ២០ ខែ ២០ថ្ងៃ ក្នុងរបបផ្តាច់ការខែ្មរក្រហម ខណៈពេលដែលឈានដល់ឆ្នាំ ២០១៥ទៅហើយនោះ ក៏នៅតែ បានប្រជាពលរដ្ឋ ៨០០គ្រួសាររងទុក្ខវេទនា ទាំងផ្លូវចិត្ត និងផ្លូវកាយ របស់ក្រុមបក្សពួកក្រុមរបស់លោក វង់ វិន បានបង្កើតដែនគ្រប់គ្រង បង្ខំឲ្យប្រជាពលរដ្ឋ ដែលរស់នៅក្នុងភូមិ អូរអង្គុញក្រោម ភូមិអូអង្គុញលើ ភូមិ អូញ៉ាច់ ភូមិ អូអំពិល ស្ថិតនៅក្នុងឃុំបឹងល្វា ស្រុកសន្ទុក ខេត្តកំពង់ធំ បង់លុយថ្លៃការពារ ឬក៏បង់ពន្ឋដីឲ្យពួកគេ ជារៀងរាល់ឆ្នាំ ប្រជាពលរដ្ឋណាមិនបង់លុយឲ្យពួកគេ គេនឹងវាយធ្វើបាបប្តី និងប្រពន្ឋ ព្រមទាំងដកយកដី មិនឲ្យប្រជាពលរដ្ឋអាស្រ័យផលបន្ត មិនតែប៉ុណ្ណោះដីប្រជាពលរដ្ឋរស់នៅសុខ ឧក្រិដ្ឋជន វង់ វិន រួមទាំង បក្សពួក បានដកយកដីលក់ឲ្យអ្នកដ៏ទៃ ថែមទាំងសាងសង់ផ្ទះលើដីរបស់ប្រជាពលរដ្ឋទៀតផង ។
ដោយមានការត្អូញត្អែ និងភ័យខ្លាច និងការគំរាមសំលាប់ ពុំមានប្រជាពលរដ្ឋណាម្នាក់ ហ៊ានចេញមុខតវ៉ានោះទេ ដោយសារតំបន់ខាងលើ នៅដាច់ស្រយាល ដែលជាអសន្តិសុខសម្រាប់ពួកគាត់ ទើបលោក មេភូមិ ព្រមទាំងប្រជាពលរដ្ឋ ប្រមាណជាង ១០នាក់ បានងើបឡើង ដើម្បីតស៊ូប្តូរស្លាប់ប្រសើរជាជាងការស្លាប់ដោយ ជនអន្ទពាលសំលាប់ បានសុខចិត្តដឹកជញ្ជូនអ្នកសារព័ត៌មាន ដែលមានចម្ងាយជាង២០០គីឡូម៉ែត្រ ដើម្បីចុះទៅថតរូបភាព តំបន់អានាធិបតេយ្យ នៅថ្ងៃទី ២ ខែ កញ្ញា ឆ្នាំ ២០១៥ ដែលផ្លូវសែនពិបាក ដែល ជនខិលខូចគិតថា គ្មានសត្ថកិច្ច ឬអ្នកសារព័ត៌មានណាទៅដល់ ទើបបានបក្សពួកជនខិខខូចបានធ្វើអ្វីតាំអំពើចិត្ត ។
គណៈកម្មការសិទ្ធិមនុស្ស ទទួលពាក្យបណ្តឹងអង្កេត និងទំនាក់ទំនងរដ្ឋសភា ព្រឹទ្ធសភា បានជម្រាបជូន ដល់អភិបាលខេត្តកំពង់ធំ លេខ ១៧២ រ.ស .គ១ តាមរយះសម្តេច អគ្គមហាពញាចក្រី ហេង សំរិន ប្រធាន រដ្ឋសភា ស្នើឲ្យចាត់វិធានការ ចំពោះជនគំរាមគំហែង រំលោភយកដី និងជំរិតទាប្រាក់ពីប្រជាពលរដ្ឋ ចំនួន ៨០០ គ្រួសារ នៅភូមិ អូញ៉ាច់ ឃុំបឹងល្វា ស្រុកសន្ទុក ខេត្តកំពង់ធំ និងធ្វើអន្តរាគមន៍ ចាត់វិធានការ លោក វង់ វិន និងលោក ខាត់ ឈុន ឈ្មោះ គ្រីម សៀត ឈ្មោះ ម៉ាត់ សេន លោកហាក់ សារ៉ាត់ ដែលជានាយប៉ុស្តិ៍រដ្ឋបាលឃុំបឹងល្វា លោក កែវ សុវណ្ណ ដោយបានបញ្ជាក់ថា ជនទាំង៦នាក់នេះ បានធ្វើសកម្មភាព ជំរិតទារ លុយ រំលោភដីធ្លី សំលាប់មនុស្ស ។
ប្រជាពលរដ្ឋ ដែលរស់នៅលើទឹកដីនេះ ភាគច្រើនគឺបងប្អូនខ្មែរឥស្លាម និងខ្មែរ ប្រាប់ឲ្យដឹងថា លោក វង់ វិន ធ្លាប់ជាប់គុគជាច្រើនដងហើយ បានតាំងខ្លួនជាអធិរាជ ចង់បង្កើតដែលគ្រប់គ្រង់ដោយខ្លួនឯង រួមទាំង បក្សពួក បានធ្វើសកម្មភាពព្រៃផ្សៃមកលើប្រជាពលរដ្ឋ សម្លាប់ប្តី យកប្រពន្ឋគេ ខ្លាចប្រពន្ឋរត់ទៅតាមប្តីគេ វិញសុខចិត្តបាញ់ចោល ជំរិតទារលុយ ប្រជាពលរដ្ឋមិនឲ្យវាយធ្វើបាប យកដីប្រជាពលរដ្ឋលក់ឲ្យអ្នកដ៏ទៃ នៅក្នុងភូមិ ពុំមានស្រីៗរស់នៅទេ ដោយសារតែកន្លងមកមានករណី ប្លន់រំលោភ ហើយពុំអាចប្តឹងសមត្ថកិច្ច ប៉ូលិសបានទេ ដោយសារតែលោក ហាក់ សារ៉ាត់ ជាមេប៉ុស្តិ៍ ជាបក្សពួកជនល្មើសទាំងនេះ ហើយពុំមាន អ្នកណារកខុសត្រូវអោយ ។
ពូកគាត់បានបន្តថា ប្រជាពលរដ្ឋ៨០០គ្រួសារ ត្រូវបានរស់នៅដោយគ្មាន លិខិតស្នាម ដោយក្លាយជាជន រស់នៅមិនស្របច្បាប់ ដោយសារតែគាត់បាន សុំផ្លាស់ទីលំនៅពីខេត្តកំពង់ចាម មករស់នៅក្នុងខេត្តកំពង់ធំ ព្រម ទាំងបានបង់លុយ ក្នុងមួយគ្រួសារ ១០ ម៉ឺនរៀលឲ្យលោក ហាក់ សារ៉ាត់ ដើម្បីចេញលិខិតស្នាក់នៅ ចំនួន ៣០០ គ្រួសារ តែលោក ហាក់ សារ៉ាត យកទាំងលុយ យកទាំងលិខិតផ្ទេរមក ហើយពុំបានចេញលិខិត ឲ្យ ស្នាក់នៅស្របច្បាប់នោះទេ ជាហេតុធ្វើឲ្យគាត់ពុំបានទៅបោះឆ្នោត ដោយសារតែ ខាងខេត្តកំពង់ចាម គេលុប ឈ្មោះ ខាងកំពង់ធំ មិនចុះបញ្ជីឲ្យ ទើបក្លាយជាមនុស្សរស់នៅមិនស្របច្បាប់។ ដោយ ប៊ុន រដ្ឋា 
![09_03_18_49_21.mpeg_snapshot_07.55_[2015.09.04_06.37.25]](https://i0.wp.com/khemaradaily.com/wp-content/uploads/2015/09/09_03_18_49_21.mpeg_snapshot_07.55_2015.09.04_06.37.25.jpg?resize=448%2C334&ssl=1)
