កំពង់ធំ = កាលពីរវេលាម៉ោង ១និង៣០នាទីថ្ងៃត្រង់ ថ្ងៃទី ០៧ ខែកញ្ញា ឆ្នាំ២០១៥ មានករណីគ្រោះថ្នាក់ចរាចរណ៍បានកើតឡើងនៅចំនុច ភូមិ បាគង (មុខវត្តបាគង )ឃុំត្បែង ស្រុកកំពង់ស្វាយ ខេត្តកំពង់ធំនៅលើកំណាត់ផ្លូវជាតិលេខ ០៦ ចន្លោះគីឡូម៉ែត្រ លេខ១៨៤ និង
១៨៥ រវាង រថយន្ដ ហៃឡិនឌ័រពណ៍ខ្មៅពាក់ផ្លាកលេខភ្នំពេញ 2Q 8171បុករថយន្ដកាមរីហើម សេរីឆ្នាំ១៩៩២ ពណ៍ខ្មៅចង្កូតស្ដាំ ពាក់ផ្លាក់លេខ ២F1781 ក្នុងទិសដៅបញ្ចាស់ទិសគ្នា។
បើយោងតាមប្រភពពត័មាន ពីកន្លែងកើតហេតុ បានអោយដឹងថាម្ចាស់រថយន្ដហៃឡិនឌ័រទំនងជាផឹកស្រារនៅក្នុងរថយន្ដ ព្រោះមានដប់ស្រានិងធុមខ្លិន ស្រវឹងជោគជាំ ដែលត្រូវបានគេស្គាល់ឈ្មោះនួន ស៊ីថា ភេទប្រុស អាយុ ៥៥ឆ្នាំ រស់នៅភូមិ លាបទង ឃុំកំពង់ចិនត្បូង ស្រុកស្ទោង ខេត្តកំពង់ធំ បើកបរពីកើតទៅលិច រងរបួសស្រាល ចំណែកអ្នកបើកបរ រថយន្ដកាមរីមានឈ្មោះ ហេង សុធា ភេទប្រុស អាយុ ២៩ឆ្នាំ រស់នៅភូមិក្បាលស្ពាន ឃុំប៉ោយប៉ែត ស្រុកអូរជ្រៅ ខេត្តបន្ទាយមានជ័យ សំណាងល្អមិនទទួលគ្រោះថ្នាក់អ្វីទេ។ 
រថយន្ដទាំង២ ទទួលការខូចខាតទាំងសងខាង ត្រូវបានសមត្ថកិច្ច ស្ទូចយកទៅ រក្សាទុកនៅអធិការដ្ឋាននគរបាលស្រុកកំពង់ស្វាយ រងចាំភាគីទាំងសងខាងចូលខ្លួនមកដោះស្រាយ ទៅតាមច្បាប់ មូលហេតុបណ្ដាលមកពីម្ចាស់រថយន្ដហៃឡិនឌ័រស្រវឹងធ្លាក់ភ្នែក បើកបរ មិនគោរពច្បាប់ចរាចរណ៍ មិនប្រកាន់ស្ដាំ ៕ប៊ុនរិទ្ធី
