បន្ទាយមានជ័យ:លោកវីលៀម ប៊ីល ឡុងហឺស(Mr William Bill Longhurst)ឯកអគ្គរាជទូតវិសាមញ្ញានិងពេញសមត្ថភាពនៃចក្រភពអង់គ្លេសប្រចាំកម្ពុជាបានចូលរួមដាំកូនឈើ,លែងកូនត្រីនៅអាងជើងគ្រួសឃុំបន្ទាយឆ្មារស្រុកថ្មពួកខេត្តបន្ទាយមានជ័កាលពីថ្ងៃទី១៤កញ្ញាឆ្នាំ
២០១៥។ការចូលរួមដាំកូនឈើ,លែងកូនត្រីនេះធ្វើទ្បើងបន្ទាប់ពីជំនួបរវាងលោកជាមួយលោកគោស៊ុំ សារឿត អភិបាលខេត្តបន្ទាយមានជ័យនៅសាលាខេត្តហើយ លោកអគ្គរាជទូតបាទៅទស្សនាប្រាសាទបន្ទាយឆ្មាថ។ក្នុងពិធីដាំកូនឈើ,លែងកូនត្រីក៍មានការចូលរួមពីសំណាក់លោកប្លែក វ៉ារី អភិបាលស្រុកថ្មពួកលោកជា ផល្លី នាយខ័ណ្ឌរដ្ឋបាលព្រៃឈើបន្ទាយមានជ័យនិងមន្ត្រី លោកយឹម លី ប្រធានមន្ទីរបរិស្ថានខេត្ត មន្ត្រីនិងបរិស្ថានុរក្សតំបន់ការពារទេសភាពបន្ទាយឆ្មារ ពលរដ្ឋ សិស្សនុសិស្សជាច្រើន។
លោកញ៉ូវ ញ៉ាន នាយកគ្រប់គ្រងអង្គការអូខិនដិន កម្ពុជា( OKENDEN ,Cambodia) អោយដឹងថា:កូនឈើចម្រុះត្រូវដាំមានចំនួន១០.០០០(មួយមឺុនដើម)ដើមនៅលើជម្រាលខ្នងទំនប់ ខ្នងប្រឡាយ ភ្លឺស្រែ ព្រំចម្ការ សហគមន៍នោះ។
ត្រីដែលត្រូវព្រលែងរួមមានត្រីឆ្ពិននិងអណ្តែងចំនួន៥.០០០ក្បាល(ប្រាំពាន់ក្បាល)ក្នុងអាងជើងគ្រួសជាអាងដែលទទួលមូលនិធីចក្រភពអង់គ្លេសតាមរយ:ស្ថានទូតប្រចាំក្រុងភ្នំពេញនិងអនុវត្តដោយអង្គការអូដូរី អង្គការអូខិនដិននិងចូលរួមគាំទ្រ ឧបត្ថម្ភមានអង្គការ HEIFER ,ក្រុមហ៊ុនCrystalGroup ស្ថានទូតចក្រភពអង់គ្លេស,ភ្នំពេញ។
ពិធីនេះជាពីធីដាំកូនឈើ សុខភាពនិងអនាម័យក្នុងបំណងបង្កើនប្រាក់ចំណូលនិងអាហាររូបត្ថម្ភតាមរយ:ការពង្រឹងសិទ្ធិជាម្ចាស់ដល់សហគមន៍ដើម្បីសហគមន៍យល់ដឹងពីប្រយោជន៍នៃសុខភាព អានាម័យខ្លួនប្រាណ ផ្ទះ និងចំណីអាហារ។ជម្រុញលើកទឹកចិត្តអោយសហគមន៍អនុវត្តវិធានខាងលើដែលវាជួយកាត់បន្ថយចំណាយលើការព្យាបាលជម្ងឺ សុខភាព។ជម្រុញការប្រើប្រាសសេវាសុខភាពនិងដាំកូនឈើឡើងវិញនៅអាងជើងគ្រួសក្នុងតំបន់ការពារទេសភាពបន្ទាយឆ្មារឃុំបន្ទាយឆ្មារស្រុកថ្មពួក។
លោកវីលៀម ប៊ីល ឡុងហឺស(Mr William Bill Longhurst)ចាប់អារម្មណ៍យ៉ាងខ្លាំងនឹងការអនុវត្តគម្រោងនេះ ហើយមានពលរដ្ឋក្នុងសហគមន៍ចូលរួម ហើយសង្ឃឹមថា វានឹងធ្វើអោយប្រសើរឡើងនូវបរិស្ថាន ព្រែឈើ សុខភាព អនាម័យ ការកាត់បន្ថយភាពក្រីក្រ។
ក្រោយពីចប់កម្មវិធីទាំង លោកទូតនិងមន្ត្រីអាជ្ញាធរសមត្ថកិច្ច មន្ត្រីអង្គការនិងពលរដ្ឋ សិស្សានុសិស្សបានប្រាស្រ័យទាក់ទងគ្នានិងហូបអាហារក្រោមម្លប់ឈើរួមគ្នាយ៉ាងសាមញ្ញ ស្និតស្នាល៕Bun rithy
