កំពង់ធំ= កាលពីរាត្រី ថ្ងៃទី ២៨ ខែកញ្ញា ឆ្នាំ២០១៥ អង្គការទ្រទ្រង់ស្ដ្រីខ្មែរបានសហការណ៍ជាមួយនិងខ័ណ្ឌ រដ្ឋបាលជលផលកំពង់ធំ គាំទ្រថវិការដោយ USAID ពលរដ្នអាមេរិច តាមរយះមជ្ឈមមណ្ឌលត្រីពិភពលោកWorldFish Center ដោយមានការចូលរួមពី ប្រធានក្រុមព្រឹក្សាឃុំ 
ប្រធានអង្គការទ្រទ្រង់ស្ដ្រីខ្មែរនិងសហការី តំណាងមន្ដ្រីជលផល អាជ្ញាធ័រដែនដី ប្រជាពលរដ្ន បានរៀបចំបង្កើតកម្មវិធីសិល្បះកំប្លែងអប់រំនៅក្នុងបរិវេណវត្តមន៉ីរស្សី ហៅវត្តថ្មី ស្ថិតនៅក្នុងភូមិរ៉ូង ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ។
យុទ្ធនាការផ្សព្វផ្សាយស្ដីពីការលើកំពស់ចំណេះដឹងរបស់សហគមន៍គ្រប់គ្រោង ធនធានជលផល តាមវាលស្រែ និងការអភិរក្សពូជត្រីនៅរដូវត្រីពងកូនក្នុងដែនសហគមន៍ទាំង៦ បានប្រព្រឹត្តទៅរយះពេល ៦យប់ ដែលមានទីកន្លែងខុសគ្នា គឺ ឃុំ ត្រពាងឬស្សី (វត្តថ្មី) ឃុំប្រឡាយ (វត្តកំពង់វាំង ) ឃុំចំណាក្រោម (វត្តព្រះនង្គ័ល )ឃុំត្បែង (វត្តបាគង) និងឃុំសំបូរ (វត្តចារ្យ )ដោយចាប់ពីថ្ងៃទី២៨ខែកញ្ញា រហូតដល់ថ្ងៃទី០៣ខែតុលា ឆ្នាំ២០១៥ក្នុងនោះដែរក៏មានសំណួរនិងចំលើយដើម្បីឈ្នះ រង្វាន់ផងដែរ។
លោក ផាងតូច ប្រធានក្រុមព្រឹក្សាឃុំបានមានប្រសាសន៍ពន្យល់ដាស់តឿនប្រជាពលរដ្ន អោយយល់ដឹងក្នុងគោលបំណង់របស់អង្គការដែលបានបង្កើតកម្មវិធីសិល្បះនេះដើម្បីអោយ ប្រជាពលរដ្នយល់ដឹងអោយបានច្បាស់ពីច្បាប់នេសាទ កុំនេសាទហួសហេតុនាំអោយបាត់បងពូជត្រី ចូរប្រើប្រាស់ឧបករណ៍នេសាទណាដែលស្របច្បាប់ ការចូលរួមអភិរក្សពូជត្រីក្នុងដែនសហគមន៍និងការចូលរួមសហការគ្នាថែរក្សាពូជមច្ឆាធម្មជាតិដើម្បីប្រជាពលរដ្នយើងទាំងអស់គ្នា ត្រូវជៀសវាងកុំប្រើ ស្បែមុង ការឆក់ត្រី អួនក្រឡាញឹកនិងឧបករណ៍ផ្សេងទៀត ដែលខុសច្បាប់ ធ្វើអោយដោយកូនត្រីទាំងតូចធំប្រឈមមុខនិងការរលាយផុតពូជ និង មានទោសទន់ដល់ខ្លួនទៀតផង ។
អ្នកស្រី ជុំ ច័ន្ទពុទ្ធាវី ប្រធានអង្គការទ្រទ្រង់ស្ដ្រីខ្មែរ បានអានសុន្ទរះកថា លើកឡើងថាអង្គការទ្រទ្រង់ស្ដីខ្មែរជាអង្គការក្នុងស្រុកមួយ ែករាជ្យ មិនរកប្រាក់កំរៃមិនបំរើគណះបក្យនយោបាយ ទទូលជំនួយពីដៃគូរអភីវឌ្ឈន៍នានាហើយអនុវត្តន៍ក្នុងស្រុកទាំង៨ ក្នុងខេត្តកំពង់ធំនិង១ស្រុកក្នុងខេត្តព្រះវិហារ ក្នុងនោះដែរគម្រោងបង្កើនធនធានជលផលតាមវាលស្រែប្រតិបត្តិការចំនួន១១សហគមន៍ក្នុងឃុំ៩ បីស្រុក ប្រាសាទសំបូរ កំពង់ស្វាយ ស្ទោង ដោយឡែក ស្រុកកំពងស្វាយនេះមានគំរោង ជ្រើសយក ៦សហគមន៍ គឺ ឥន្ទះកុមា បឹងកំហែងសារ អូរបុស្សម្កាក់ បឹងធា បាគង ក្រសាំងឬទ្ធី ក្នុងគោលបំណង់ដើម្បីអភិវឌ្ឈន៍និងបង្កើន ការអនុវត្តន៍គ្រប់គ្រោង ជលផល តាមវាលស្រែ ប្រកបដោយនិរន្ដភាពជាពិសេសធនធានដែលប្រជាពលរដ្នត្រូវការបំផុត ។
លោក ញឹម ធៀន មានប្រសាសន៍ថាក្នុងនាមខ្ញុំតំណាំងអោយមន្ដ្រីជលផលកំពង់ធំខ្ញុំសុំជំរាបថាកម្មវិធីរៀបចំឡើងដោយខ័ណ្ឌរដ្មបាលជលផលកំពង់ធំរួមសហការណ៍ជាមួយអង្គការដៃគូរដែលគាំទ្រ ដើម្បីលើកកំពស់ចំណេះដឹងដល់សហគមន៍ស្ដីពីការគ្រប់គ្រោងធនធានជលផលតាមវាលស្រែ ក្នុងនោះដែរខេត្តកំពង់ធំមានសហគមន៍នេសាទ៤០និងមានស្រះជំរកត្រីមាន៤៤ ដោយឡែកអង្គការទ្រទ្រង់ស្ដ្រីខ្មែរ សហការជាមួយជលផលកំពង់ធំមាន១១សហគមន៍ ដើម្បីរៀបចំការពារធនធានជលផល ក្នុងនោះខ្លឹមសារនៃស្រះជំរកត្រីមាន គឺថែរក្សាពូជត្រីនៅរដូវប្រាំងសំរាប់ផលប្រយោជន៍នៅរដូវវស្សា នៅពេលដែលទឹកឡើងលិចសាយភាយពូជត្រីទៅគ្រប់ទីកន្លែង ដូច្នេះដោយសារតែធនធានជលផលខ្សត់ខ្សោយពូជត្រីទើបយើងបង្កើនស្រះចិញ្ចឹមត្រីនិងសហគមន៍ដើម្បីអភិរក្សពូជត្រី។ ប៊ុន រិទ្ធី
