កំពង់ធំ=បុរសម្នាក់បានបាក់ជើងស្ដាំភ្លាមៗនៅក្នុងហេតុការណ៍គ្រោះថ្នាក់ចរាចរណ៍មួយដោយមិនដឹងមូលហេតុធ្វើអោយមានការភ្ញាក់ផ្អើលដល់អ្នករស់នៅតាមដងផ្លូវលុះពេលមកមើលឃើញម៉ូតូ១គ្រឿងនិងមនុស្សម្នាក់ដួលបាកជើងស្ដាំជាពី ចេញឆ្អឹងមកក្រៅគួរអោយប្រឺ
ប្រួចនៅលើស្ពាន់ស្ទឹង ក្នុងភូមិស្ទឹង ឃុំបាគង ស្រុកប្រាសាទបាគង ខេត្តសៀមរាប វេលាម៉ោង០៦ ព្រឹក ថ្ងៃទី១៤ ខែតុលា ឆ្នាំ២០១៥។
ប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេមិនបានឃើញមានអ្វីក្រៅពីបុរសម្នាក់ដួលនិងម៉ូតូមួយគ្រឿងម៉ាកសង់ សេរី២០១១ ពណ៍ខ្មៅ ពាក់ផ្លាកលេខ ប មានជ័យ 1E 9863 នោះឡើយ ជាហេតុធ្វើអោយមានការសង្ស័យថាប្រហែលជាជិះក្នុងល្បឿនលឿនពេកហើយរ៉េចង្កូតបុកបង្កាន់ដៃស្ពាន ហើយស្មងជើងខាងស្ដាំទៅប៉ះនិងបង្កាន់ដៃដែកធ្វើអោយដួលបាក់ជើងស្ដាំតែម្ដង ។ 
បើតាមសំដីជនរងគ្រោះនិយាយថាខ្ឡួនធ្វើដំណើរពីកើតទៅលិចស្រាប់តែហើយមានថយន្ដធុងធំ១គ្រឿងពណ៍សរ បើកមកបុកពីក្រោយ ធ្វើអោយខ្លួនរ៉េចង្កូតទៅបុកបង្កាន់ដៃស្ពានហើយដួលបាក់ជើងខាងស្ដាំ តែពុំបានបញ្ចាក់ថារថយន្ដនោះម៉ាកអ្វី ពាក់ផ្លាក់លេខប៉ុន្មាននោះទេធ្វើអោយសមត្ថកិច្ចពិបាកសនិដ្នាន ព្រោះម៉ូតូពុំមានស្លាកស្នាមខូចខាតអ្វីទាល់តែសោះ ក្រៅពីឆ្នាន់ខាងស្ដាំនិងហ្វាងដួលវៀចដោយសារតែដួលតែប៉ុណ្ណោះ ។
តាមប្រភពបន្ថែមថាជនរងគ្រោះ ឈ្មោះសុខ សាន្ដ ភេទប្រុសអាយុ៣២ឆ្នាំរស់នៅភូមិខ្នា ឃុំជ្រាវ ស្រុកស្រុកសៀមរាប ខេត្តសៀមរាបមានប្រពន្ធឈ្មោះ សាន ឡី មានកូន៣នាក់ មានមុខរបររត់ម៉ូតូឌុប បន្ទាប់មកជនរងគ្រោះត្រូវបានបញ្ចូនតាមរថយន្ដសាមម៉ុយទៅកាន់មន្ទីរពេទ្យខេត្តសៀមរាបដើម្បីជួយសង្គ្រោះអាយុជីវិត ដោយសារតែជនរងគ្រោះឈាមហូរខ្លាំងពេកធ្វើអោយ ជនរងគ្រោះសន្លប់ បន្ទាប់ពីកើតហេតុសមត្ថកិច្ចបានចុះមកធ្វើការវាស់វែង ព្រមទាំងប្រគល់ម៉ូតូអោយសាច់ញាតិបងប្អូន ព្រមទាំងបន្ដការសើបអង្កេតរករថយន្ដជាបន្ដ ។ ប៊ុន រិទ្ធី
