កំពង់ធំៈ សំណាងក្នុងមួយពាន់គ្រោះថ្នាក់ ក្នុងឧបិត្តទ្ទហេតុគ្រោះថ្នាក់ចរាចរណ៍ ដោយសារតែមានរថយន្តកូរ៉េ ២តោន កន្លះបើកបរក្នុងល្បឿនយឺតៗ លុះមកដល់ចំនុចឃុំ ចុងដូង ស្រុកបារាយណ៍ ខេត្តកំពង់ធំ រថយន្តកូរ៉េនេះបានដាច់ចង្កូតធ្លាក់ចូលទៅក្នុងទឹកដោយសុវត្តិភាព សំណាងល្អជាទីតាំងគ្មានមនុស្សរស់នៅ កុំអីការធ្វេសប្រហែលនិងមិនយក ចិត្តទុកដាក់ក្នុងការថែទាំរបស់ម្ចាស់យានយន្តនឹងក្លាយជាសោកវិនាសកម្មមិនខានឡើយ ។
ហេតុការថយន្តកូរ៉េ ពាក់ស្លាកលេខ កំពង់ចាម 3A-2603 ទ្រុងពណ៌សរ ក្បាលពណ៌ សរ បានខឹងម្ចាស់សប្បាយភ្លេចខ្លួន មិនយកចិត្តទុកដាក់បណ្តោយឲ្យធ្លាក់ចូលផឹកទឹកស្រះនេះ បានកើតឡើងនៅវេលាម៉ោង ២.៤៥នាទី ថ្ងៃទី ១៧ ខែតុលា ឆ្នាំ២០១៥ តែក្នុងហេតុការនេះ មិនបណ្តាលឲ្យមាននណាម្នាក់ ទទួលរងនូវគ្រោះថ្នាក់នោះទេ ដោយសារជាទីតាំងពុំមានមនុស្សនៅតាមចិញ្ចើមផ្លូវជាតិលេខ៦ ឆ្ពោះទៅភ្នំពេញ។
ក្នុងហេតុការណ៍គ្រោះថ្នាក់ចរាចរណ៍នេះ គេពុំឃើញមានការរំខានដល់សមត្ថកិច្ច ប៉ូលិសប៉ុស្តិ៍បាលឃុំចុងដូង នោះទេ ជាហេតុធ្វើឲ្យមានការងឿងឆ្ងល់យ៉ាងខ្លាំងចំពោះសមត្ថកិច្ច ដែលពុំមានការអើពើរ ធ្វើកំណត់ហេតុ និងធ្វើរបាយការណ៍ ស្តីពីសកម្មភាពនិងហេតុការណ៍ ដែលបានកើតឡើង ជាពិសេសនោះ សមត្ថកិច្ចពុំបានធ្វើការណែនាំ ដាស់ទឿនដល់ម្ចាស់យានយន្ត ក្នុងការប្រើប្រាស់រថយន្តឲ្យមានការថែទាំ ដើម្បីរួមគ្នាក្នុងការទប់ស្កាត់កាត់បន្ថយ អត្រាគ្រោះថ្នាក់ចរាចរណ៍ ។
តៃកុងរថយន្តកូរ៉េ បានព្យាយាមមិនឲ្យបញ្ជេញអត្តសញ្ញាណ របស់ខ្លួនដល់អ្នកសារព័ត៌មាន ទោះជាមានការសួរជាច្រើនលើកក៏ដោយ តែគ្រាន់តែបង្ហើបដោយសំដីកុហកថា លោករស់នៅសង្កាត់កំពង់រទេះ ក្រុងស្ទឹងសែន ខេត្តកំពង់ធំ មុនពេលកើតហេតុលោក បានយករថយន្តរបស់លោក មកកាត់កែច្នៃជារថយន្តបែនសម្រាប់ដឹកដី នៅស្រុកបារាយណ៍ ហើយក៏ជ្រុលធ្លាក់ចុះផឹកទឹកតែម្តងទៅ ។
ដោយ ប៊ុន រដ្ឋា
