កំពង់ធំៈ ប្រជាពលរដ្ឋក្នុងស្រុកកំពង់ស្វាយ ជួបនូវភាពរាំងស្ងួត ហួតហែងបង្ករឲ្យមានផលប៉ះពាល់យ៉ាងខ្លាំងចំពោះ ការបង្ករបង្កើនផលស្រូវក្នុងឆ្នាំនេះ ដោយសារតែគ្រោះធម្មជាតិ បណ្តាលឲ្យខ្សត់ទឹកមិនគ្រប់គ្រាន់ ក្នុងការដាំដំណាំស្រូវ ទាំងស្រូវប្រាំង និងស្រូវវស្សា ទើ
បានធ្វើឲ្យស្រែវស្សានិងស្រែប្រាំង ប្រឈមនិងវិប័ត្តខ្វះខាតទឹកមិនគ្រប់គ្រាន់ ក្នុងការបញ្ជូលទឹកចូលស្រែ ។
ទើបឯកឧត្តម អ៊ុត សំអន អភិបាលខេត្តកំពង់ធំ ព្រមទាំងប្រធានធនធានទឹក និងអាជ្ញាធរស្រុកកំពង់ស្វាយ បានចុះមក ពិនិត្យស្ថានីយ៍បូមទឹកស្ថិតនៅចំនួន ៣កន្លែង ទី១ ស្ថិតភូមិតាប៉ោង ទី២ ស្ថានីយ៍បូមទឹកនៅភូមិតាអាំ ស្ថិតនៅឃុំកំពង់ស្វាយ និងទី៣ ស្ថិនៅភូមិសំបួរ ឃុំព្រៃគុយ ស្រុកំពង់ស្វាយ ខេត្តកំពង់ធំ ដែលម៉ាស៊ីនទាំងនេះ កំពុងតែបូមទឹកស្ទឹងសែន មកដាក់ស្រែរបស់ប្រជាពលរដ្ឋ ដែលកំពង់តែរងគ្រោះដោយសារតែខ្វះខាតទឹក សរុបទាំង២ឃុំ ក្នុងស្រុកកំពង់ ស្វាយ ជាង២០០០ហិចតា ក្រោមការយកចិត្តទុកដាក់របស់ ឯកឧត្តម អ៊ុត សំអន អភិបាលខេត្តកំពង់ធំ បានផ្តាំផ្ញើរដល់ អាជ្ញាធរទាំងអស់ ជួយដល់ប្រជាពលរដ្ឋ ស្តាប់ពីបញ្ហារបស់ប្រជាពលរដ្ឋដែលមានការខ្វះខាត ដើម្បីរកដំណោះស្រាយ ជូនឲ្យបានទាន់ពេលវេលាកាលពីថ្ងៃទី ១០ ខែ វិច្ឆិកា ឆ្នាំ ២០១៥។
ប្រជាពលរដ្ឋ ក្នុងឃុំកំពង់ស្វាយ និងឃុំព្រៃគុយ បានសម្តែងនូវភាពកក់ក្តៅ និងអគុណចំពោះឯកឧត្តមអភិបាលខេត្ត ដែលបាននាំយកម៉ាស៊ីនបូមទឹក មកបូមទឹកចូលស្រែប្រជាពលរដ្ឋ ខណៈពេលដែលស្រូវរាប់រយហិចតា កំពុងតែប្រឈមនិងខ្វះខាតទឹក តែពេលនេះគឺបានរំដោះផុតពីទុក្ខកង្វល់នេះហើយ ដោយសារតែមានការយកចិត្តទុកដាក់ ជួយបានទាន់ពេលវេលា ចៀសផុតពីគ្រោះរាំងស្ងួត ។
ឯកឧត្តម អ៊ុត សំអន បានមានប្រសាសន៍ផ្តាំផ្ញើរ ដល់ប្រជាពលរដ្ឋថា នេះគឺជាគោលការណ៍របស់ ប្រមុខរាជរដ្ឋាភិបាល ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា យល់ពីទុក្ខលំបាករបស់ប្រជាពលរដ្ឋ ក្នុងឆ្នាំនេះដោយជួបនិងគ្រោះធម្មជាតិ បណ្តាយឲ្យមានការខ្សត់ខ្សោយទឹក ទាំងស្រូវវស្សា និងស្រូវប្រាំងរាប់ម៉ឺន រាប់សែនហិចតា កំពុងតែត្រូវការឲ្យជួយរំដោះឲ្យរួចផុតពីគ្រោះរាំងស្ងួតនេះ ទើបសម្តេចបានសម្រេចបង្វែរថាវិកាបុណ្យជាតិ ដែលជាបុណ្យអ៊ុំទូក ដើម្បីបង្វែរថវិកាទាំងនេះ មកទិញប្រេង ទិញម៉ាស៊ីនសម្រាប់បូមទឹកចូល ស្រែជូនប្រជាពលរដ្ឋទាំងនេះវិញ ចំណែកបណ្តែតប្រទីបសំព្រះខែគឺត្រូវបានប្រជាពលរដ្ឋប្រារព្វឡើងជាធម្មតា ដោយឡែកអាជ្ញាធរខេត្តកំពង់ធំ បានសហការជាមួយអង្គភាពជំនាញ ចុះជួយដល់ប្រជាពលរដ្ឋ ដែលកំពុងតែជួបនិង ភាពខ្វះខាតទឹកក្នុងការធ្វើស្រែប្រាំង ហើយនិងបន្តជួយដល់ស្រុកមួយចំនួនទៀត ដែលកំពុងតែមានបញ្ហារ ។
ដោយ ប៊ុន រិទ្ធី
