ខេត្តមុខដាហានៈប្រទេសថៃ សកម្មភាពរបស់អ្នកសារព័ត៌មានអាស៊ាន ត្រូវបានបើកកិច្ចប្រជុំមួយនៅក្នុងប្រទេសថៃ នៃសណ្ឋាគារ Ploy Palace នៃប្រទេសថៃ ដោយមានការចូលរួមពីអ្នកសារព័ត៌មាន ថៃ កម្ពុជា និងឡាវ វៀតណាម ជាង៥០នាក់ ក្នុងគោលបំណងបង្កើនចំណង់មេត្រីភាពរវាងអ្នកសារព័ត៌មាន អាស៊ាន និងផ្សព្វផ្សាយភាពរីកចំរើន ផ្នែក សេដ្ឋកិច្ច ការវិនិយោគ ទេសចរណ៍ និងវិស័យកសិកម្ម និងឧស្សាហកម្ម ដើម្បីជាការចែករំលែកនូវបទពិសោធន៍ដល់អ្នកសារព័ត៌មានអាស៊ាន សម្រាប់ធ្វើការផ្សព្វផ្សាយដើម្បីក្លាយខ្លួនឲ្យបានឈានចូលប្រទេសឥណ្ឌូចិន ។
ខេត្តមុខដាហានមានប្រជាពលដ្ឋចំនួន ៣៤០០០០នាក់ មានទន្លេមេគង់ជាព្រំចែកទឹកដីរវាង ថៃ និងប្រទេសឡាវចំនួន ៧២គីឡូម៉ែត្រ និងមានចម្ងាយពីទីក្រុងបាងកក ៦៤០គ.ម ខេត្តមុខដាហាន ជាខេត្តថ្មី និងកំពុងតែអភិវឌ្ឍន៍នាពេលបច្ចុប្បន្ននិងមានស្ពានមិត្តភាព ថៃ ឡាវ ជាច្រកអន្តរជាតិ សម្រាប់នាំចេញនូវផលិតផល និងដឹកជញ្ជូនទំនិញ។
កិច្ចប្រជុំអ្នកសារព័ត៌មាន ត្រូវបានចូលរួមពីសំណាក់ ឯកឧត្តម លី វ៉ាន់ហុង អនុរដ្ឋលេខាធិការក្រសួងព័ត៌មាន ទទួលបន្ទុកកិច្ចការអន្តរជាតិ និងឯកឧត្តម Mr.Sompetch Sroisraku ព្រមទាំងកាសែត វិទ្យុ ទូរទស្សន៍ និងទស្សនាវដ្តី ចូលរួមក្នុងពិធីសំណេះសំណាល ដែល រៀបចំឡើងនៅថ្ងៃទី ២៤ ខែ វិឆ្ឆិកា ឆ្នាំ ២០១៥ ឯកឧត្តម Mr.Sompetch Sroisraku បានមានប្រសាសន៍ថាចែករំលែកបទពិសោធន៍ បង្កើនចំណង់មេត្រីភាព រវាងអ្នកសារព័ត៌មានក្នុងសមាជិកអាស៊ាន ដើម្បីបើទ្វារអាស៊ាននៅឆ្នាំ២០១៦ក្នុងការផ្សព្វផ្សាយពីសេដ្ឋកិច្ចពិសេសនៅក្នុងប្រទេសរបស់ខ្លួន ដើម្បីពង្រឹងនូវគុណភាព ជាពិសេសចំពោះខេត្តជាប់ព្រំ ដែននិងប្រទេសជិតខាង គឺជាខេត្តដែលអាចនិងបង្កើតឲ្យក្លាយជាតំបន់សេដ្ឋកិច្ចពិសេស ដើម្បីឲ្យឳកាសអ្នកវិនិយោគ ទុនបណ្តាក់ទុន និងអភិវឌ្ឍន៍តំបន់ខេត្តជាប់ព្រំដែន និងរៀបចំផ្លូវឲ្យមានការងាយស្រួលក្នុងការដឹកជញ្ជូន ដើម្បីជាមូលដ្ឋានគ្រិះក្នុងការវិនិយោគ ហើយនេះជាតួនាទីសម្រាប់អ្នកសារព័ត៌មាន ធ្វើការផ្សព្វផ្សាយ ដោយមិនអាចមានស្ថាប័ន ណាអាចធ្វើការតៃម្នាក់ឯងនោះទេ គឺតួនាទីរបស់អ្នកសារព័ត៌មាន ត្រូវនាំដំណឹងសកម្មភាព និងភាពរីចម្រើន ទាំងទីផ្សា ទាំងការអភិវឌ្ឍន៍ដល់ប្រជាពលរដ្ឋនៅប្រទេសរៀងខ្លួនឲ្យជ្រាប់ពីព័ត៌មាន នេះគឺជាតួនាទីសំខាន់បំផុតរបស់អ្នកសារព័ត៌មាន គឺត្រូវគិតពីផលប្រយោជន៍របស់របស់សង្គម និងប្រជាពលរដ្ឋ មិនត្រូវផ្សព្វផ្សាយអ្វីមួយដែលបង្ករផលប៉ះពាល់ ដល់សង្គម និងបង្ករឲ្យអសន្តិសុខដល់ប្រទេស ។
Mr. Sangtong A-nantaphat ប្រធានមន្ទីរព័ត៌មាន ខេត្តមុខដាហាន បានមានប្រសាសន៍ថា ខណៈនេះប្រទេសឡាវ ចិន វៀតណាម និងថៃ រួមទាំងប្រទេសកម្ពុជា ឥណ្ឌា កំពុងតែបង្កើនការអភិវឌ្ឍន៍និងប្រទេសខ្លះកំពុងតែសាងសង់ រោងចក្រផលិតផល ផ្លូវទឹក ផ្លូវគោក ដើម្បីដឹកជញ្ជូនទំនិញនៅពេលចូលអាស៊ានខាងមុខនេះ ដូច្នេះប្រទេសថៃ កម្ពុជា ឡាវ វៀតណាម ត្រូវពង្រឹងគុណគុណទំនិញ របស់ខ្លួននិងរួមគ្នាឲ្យមានចំណាប់អារម្មណ៍របស់អ្នកវិនិយោគ គឺនៅសល់តែ ៣៦ថ្ងៃទៀតទេ និងចូលសហគមន៍អាស៊ាន។
ដោយ ប៊ុន រដ្ឋា
