ខេត្តកំពង់ឆ្នាំង ៖ “ គ្រោះថ្នាក់ចរាចរណ៍បណ្តាលអោយកម្មកររងរបួស៤៧នាក់ នៅស្រុកសាមគ្គីមានជ័យ កាលពីចុងខែវិច្ឆិកា កន្លងទៅ គឺដោយសារតែការធ្វេសប្រហេសរបស់ម្ចាស់រថយន្ត ដែលប្រើរថយន្តចាស់ ខ្វះការត្រួតពិនិត្យបច្ចេកទេសរថយន្ត បណ្តាលអោយដាច់កាឡេចង្កូតរថយន្តធ្លាក់ផ្លូវពេលដឹកកម្មករទៅផ្ទះ ទើបធ្វើអោយមានគ្រោះថ្នាក់នេះ កើតឡើង ” ។ ឯកឧត្តម អ៊ុក រ៉ាប៊ុន ប្រធានក្រុមការងារថ្នាក់ជាតិចុះជួយខេត្តកំពង់ឆ្នាំង បាមានប្រសាសន៍បែបនេះ នៅព្រឹកថ្ងៃទី០៦ ខែធ្នូ ឆ្នាំ២០១៥ ក្នុងពីធីប្រារព្វខួបកំណើតថ្ងៃបង្កើតរណៈសិរ្ស សាមគ្គីសង្គ្រោះមាតភូមិកម្ពុជា ថ្ងៃ២ធ្នូ និងប្រារព្វពីធីបញ្ចុះបឋមសិលាកសាងស្នាក់ការគណៈបក្សប្រជាជនកម្ពុជាឃុំធ្លកវៀន ស្រុកសាមគ្គីមានជ័យ ។
ឯកឧត្តមបានបន្តថា៖ កត្តាគ្រោះថ្នាក់ខាងលើ គឺជារឿងកំហុស និងការធ្វេសប្រហេសរបស់ម្ចាស់រថយន្ត តែម្តងដែលគេដឹងថាគេគ្មានទាំងបណ្ណ័បកបរទៀតផងឥឡូវនេះរូបគេត្រូវតុលាការឃុំខ្លួនទៅហើយ។ ចំណែកកម្មករខ្លួនឯងក៏គួរតែប្រុងប្រយ័ត្នកុំជិៈរថយន្តចាស់ៗ ដែលនាំអោយមានគ្រោះថ្នាក់ដូចករណីខាងលើនេះ ។ ចំ ពោះសមត្ថកិច្ចក៏ត្រូវតែរឹតបន្តឹតច្បាប់ចរាចរណ៍ចំពោះអ្នកបើកបររថយន្តដឹកកម្មករច្រើនហួសកំណត់ និងត្រូវផាកពិន័យចំពោះអ្នកបើកបរយានយន្តគ្មានបណ្ណ័បើកបរ គ្មានលិខិតត្រួតពិនិត្យលក្ខណៈបច្ចេកទេសត្រឹមត្រូវ។
ការកសាងស្នាក់ការគណៈបក្សប្រជាជនឃុំ សម្រាប់ស្រុកសាមគ្គីមានជ័យមានចំនួន៩ឃុំ កន្លងមកយើ ងកសាងស្នាក់ការគណៈបក្ស បានចំនួន៦ឃុំរួចហើយដែលមានស្តង់ដាដូចៗគ្នា ហើយថ្ងៃនៅនេះយើងបានប ញ្ចុះបថមសីលាកសាងស្នាក់ការគណៈបក្សឃុំធ្លកវៀនថ្មីមួយទៀត ដោយធ្វើតាមស្តង់ដាដូចគ្នា ដែលមាន២ខ្នង ធ្វើពីបេតុងប្រក់ក្បឿងមានទំហំ៨គុណ១២ម៉ែត្រដូចមានប្លង់គំរូនេះ ។ ចំណែកមូលហេតុដែលនាំអោយមា នការយឺតយ៉ាវកន្លងមក គឺដោយសារ ឃុំនេះ និងឃុំ២ទៀតគឺឃុំខ្នារឆ្មា និងឃុំត្បែងខ្ពស់ ពុំទាន់រកដីសាងសង់បាន តែពេលនេះមានដីសម្រាប់សាងសង់គ្រប់ឃុំហើយ យងនិងបន្តសាងសង់ជាបន្តបន្ទាប់ទៀត ។
នៅក្នុងឱកាសនោះដែរ ឯកឧត្តមរដ្ឋមន្ត្រី ក៏បានលើកឡើងពីរបបដឹកនាំ របស់កម្ពុជាប្រជាធិបតេយ្យ ប៉ុលពត ដែលកាប់សម្លាប់ប្រជាពលរដ្ឋស្លូតត្រង់មិនរើសមុខ ដោយបង្អត់បាយ ធ្វើទារុណកម្មអោយស្លាប់ ទោះបី
ដាំដំឡូងបានខ្លួនឯងក៏មិនអាចហូបបានដែរគឺត្រូវដាក់រួម ទោះបីធ្វើស្រែបានផលក៏នៅតែហូបបបរ បើក្បត់និងអង្គការគឺស្លាប់ ។ ដោយសារតែហេតុនេះហើយទើប ថ្នាក់ដឹកនាំយើងបានបង្កើតរណៈសិរ្ស សាមគ្កីសង្គ្រោះមាតុភូមិកម្ពុជា ថ្ងៃ២ធ្នូ ១៩៧៨ នៅស្រុកឆ្លូងខេត្តក្រចេះ បានចលនាកងទ័ព និងប្រជាពលរដ្ឋ សាមគ្គីគ្នាវាយរំលំ របបប្រល័យពូជសាសប៉ុលពត រហូតទទួលបានជ័យជំនះនៅថ្ងៃទី៧មករា ឆ្នាំ១៩៧៩ ហើយពេលនេះបានប្តូរ ឈ្មោះមកជារណៈសិរ្សសាមគ្គីអភិវឌ្ឍន៍មាតុភូមិកម្ពុជា និងបានកសាងប្រទេសជាតិមានការរីកចំរើនលើគ្រប់វិស័យដល់ពេលនេះ។
ចុងបញ្ចប់នៃកម្មវិធីនេះ ឯកឧត្តម បានផ្តាំផ្ញើដល់អាជ្ញាធរ អោយផ្សព្វផ្សាយ និងជុំរុញដល់ប្រជាពលរដ្ឋ ក្នុងមូលដ្ឋានទាំងអស់ ដែលគ្រប់អាយុត្រូវទៅធ្វើអត្តសញ្ញាណបណ្ឌ័ សញ្ជាតិខ្មែរ អោយបានរួសរាន់ដើម្បី បំពេ ញកាតព្វកិច្ច ជាពលរដ្ឋខ្មែរ ក្នុងការជ្រើសរើសក្រុមប្រឹក្សាឃុំសង្កាត់ និងការបោះឆ្នោតជ្រើរើសតំណាងរាស្ត្រដែលជាតំណាងស្របច្បាប់របស់ខ្លួន ក្នុងឆ្នាំ២០១៧ និង២០១៨ ក្នុងពេលខាងមុខនេះ៕ 
