ខេត្តឧត្តរមានជ័យ៖ប្រទះឃើញសាកសពបុរសម្នាក់លង់ទឹកស្លាប់នៅចុងភូមិ ក្នុងស្រះទឹកមួយកន្លែងខាងកើតភូមិតាប៉ែន ឃុំពង្រ ស្រុកចុងកាល់ ខេត្តឧត្តរមានជ័យ គ្រាដែលជនរងគ្រោះទៅបង់សំណាញ់ងងិតមុខដួល កាលពីថ្ងៃទី០៦ ខែធ្នូ ឆ្នាំ២០១៥ វេលាម៉ោង៤ល្ងាច។សពជនរងគ្រោះត្រូវបានគេស្គាលថាឈ្មោះ គ្រឿម ប៉ុយ ភេទប្រុស អាយុ៣៦ឆ្នាំ រស់នៅភូមិតាបែន ឃុំពង្រ ស្រុកចុងកាល់ ខេត្តឧត្តរមានជ័យ មានមុខរបរជាអ្នកធ្វើស្រែ។
លោក បឿ អឿល អធិការស្រុកចុងកាល់បានឲ្យដឹងនៅថ្ងៃទី០៧ ខែធ្នូ ឆ្នាំ២០១៥នេះ បានឲ្យដឹងថា មុនពេលកើតហេតុ កាលពីរសៀលម៉ោង៣និង៣០នាទី ទី០៦ ធ្នូ ឆ្នាំ២០១៥ ជនរងគ្រោះបានយកសំណាញ់ទៅបង់ត្រីនៅចំនុចខាងលើ បានងងិតមុខដួលចូលក្នុងទឹកស្លាប់។ក្រោយកើតហេតុសមត្ថកិច្ចបានចុះធ្វើកោសល្យវិច្ច័យរកឃើញថា ជនរងគ្រោះពិតជាស្លាប់ ដោយសារលង់ទឹកមែន។
