ខេត្តសៀមរាប នៅថ្ងៃទី០៩ ខែ ធ្នូ ឆ្នាំ២០១៥នេះ នៅបរិវេណសាលាស្រុកប្រាសាទបាគង ខេត្តសៀមរាប មានប្រារព្វ ធ្វើទិវាយុទ្ធជនពិការកម្ពុជាលើកទី១៧និងទិវាជនពិការអន្តរជាតិលើកទី៣៣ ក្រោមប្រធានបទ ( រួមគ្នាបង្កលក្ខណៈ ងាយស្រួលដល់ជនពិការដើម្បីបរិស្ថានគ្មានពិការភាព ) ។ ពិធីនេះប្រព្រឹត្តទៅក្រោមអធិបតីភាពឯកឧត្តមគឹម ឆៃហៀងអភិបាលរងនៃគណៈអភិបាលខេត្ត និង លោកភា សុផាតទីប្រឹក្សាក្រសូងសង្គមកិច្ចអតីតយុទ្ធជន និង យុវនីតិសម្បទា ដោយមានការចូលរួមពីអស់លោក លោកស្រីជាថ្នាក់ដឹកនាំមន្ទីរអាជ្ញាធរក្រុង ស្រុក អង្គការដៃគូរ និង បងប្អូនជាជនពិការប្រមាណជាង៣០០នាក់ចូលរួម ។
តាមសេចក្តីរាយការណ៍របស់លោកអោ ម៉ៅប្រធានស្តីទីនៃមន្ទីរសង្គមកិច្ចអតីតយុទ្ធជន និង យុវនីតិ សម្បទាខេត្តសៀមរាប បានបញ្ជាក់ឲ្យដឹងថា ជនពិការនៅទូទាំងខេត្តសៀមរាបមានចំនួនសរុប ៦ពាន់៨៨២នាក់ ក្នុងនោះ កុមារពិការ ចំនួន ១ពាន់៣៩៩នាក់ ហើយជនពិការដែលកំពុងទទួលរបបគោលនយោបាយពីរាជរដ្ឋាភិបាល សរុបចំនួន ២ពាន់២៥៨នាក់ ។ នៅឆ្នាំ២០១៥នេះ បានផ្តល់សេវាស្តារលទ្ធភាពពលកម្ម កាយសម្បទាដោយឥតគិតថ្លៃជូនដល់ជនពិការ សរុប ចំនួន ៤ពាន់៤៦នាក់ និង ដោយមានកិច្ចរួបសហការជាមួយស្ថាប័នពាក់ព័ន្ធ អង្គការដៃគូ ព្រមទាំងការបញ្ជូនជនពិការទៅបណ្តុះបណ្តាលវិជ្ជាជីវៈ ឲ្យមានសមត្ថភាពចូលរួមប្រកួតប្រជែងក្នុងទីផ្សារពលកម្ម ដែលអាចរកប្រាក់ចំណូល ដើម្បីធានានិរន្តរភាព ជីវភាព និង សេចក្តីថ្លៃថ្នូរ។
មានប្រសាសន៍សំណេះសំណាលជាមួយបងប្អូនជនពិការនាឱកាសទិវាជនពិការនោះលោកគឹម ឆៃហៀងក្នុងនាមលោកឃឹមប៊ុនសុងអភិបាលនៃគណៈអភិបាលខេត្តក៏បានសម្តែងនូវការអាណិត អាសូរដល់បងប្អូនជនពិការគ្រប់រូបដែលបានបូជាសាច់ស្រស់ឈាមស្រស់ក្នុងបុព្វហេតុរំដោះជាតិមាតុភូមិ និងការពារបូរណភាពទឹកដីរបស់ខ្លួននឹងបានធ្លាក់ខ្លួនជាជនពិការ។ ដោយគុណបំណាច់ទាំងនេះហើយប្រមុខរាជរដ្ឋាភិបាលកម្ពុជាក្រោម ការដឹកនាំដ៏ឈ្លាសវៃប្រកបដោយគត្តិបណ្ឌិតដ៏ខ្ពង់ខ្ពស់របស់សម្តេចតេជោហ៊ុន សែន នាយករដ្ឋមន្ត្រី និង សម្តេច គត្តិព្រឹទ្ធបណ្ឌិប ប៊ុន រ៉ានី ហ៊ុនសែន បានយកចិត្តទុកដាក់ខ្ពស់ក្នុងការរៀបចំនូវមជ្ឈមណ្ឌលជនពិការ ៣១៧ គូលែន ស្ថិតនៅក្នុងភូមិសាស្ត្រស្រុកប្រាសាទបាគងដោយបានផ្តល់នូវលំនៅដ្ឋាន និង ដីបង្កបងើ្កនផលទៀតផង ។ ក្នុងនោះឯកឧត្តមក៏បានធ្វើការបកស្រាយពន្យល់នូវខ្លឹមសារអត្ថន័យ នៃប្រធានបទ ក្នុងឱកាសទិវាជនពិការកម្ពុជា លើកទី១៧ ដើម្បីឲ្យបានយល់ច្បាស់កុំឲ្យជឿតាមការបកស្រាយរបស់ជនអកតិមួយចំនួន ដែលមួលបង្កាច់ដល់រាជ រដ្ឋាភិបាល ។ក្នុងនោះដែរលោកគឹម ឆៃហៀងក៏បានអាននូវសារលិខិតរបស់សម្តេចតេជោហ៊ុន សែន នាយក រដ្ឋមន្ត្រី ប្រធាន កិត្តិយសក្រុមប្រឹក្សាសកម្មភាពជនពិការ ក្នុងឱកាសទិវាជនពិការកម្ពុជាលើកទី១៧និង ទិវាជន ពិការអន្តរជាតិលើកទី៣៣ដោយបានលើកឡើងនូវចំណុចមួយចំនួនពាក់ព័ន្ធនិង កម្មវិធីបង្កាពិការភាពប្រជាពលរដ្ឋគ្រប់រូបការផ្តល់ថ្នាំការពារជម្ងឺពិការភាពនិងវិធីព្យាបាលជម្ងឺពិការរភាព ដែលធ្វើឲ្យបងប្អូនដែលពិការភាពត្រូវបានកាត់បន្ថយហើយសុខមាលភាពជនពិការត្រូវបានកែលំអរ ឲ្យមានភាពប្រសើរជាជំហានៗស្របតាមដំណើរនៃការអភិវឌ្ឍន៍ប្រទេសចាតិ។ក្នុងសារលិខិតនោះក៏បានបញ្ជាក់ផងដែរថា ជនពិការត្រូវបានផ្តល់ជាអាទិភាពនូវការជ្រើសរើសឲ្យចូលបម្រើការងារ តាមក្រសួងស្ថាប័នរដ្ឋ។ទាំងនេះក៏បង្ហាញចំពោះបងប្អុនជនពិការកាន់តែមានសមត្ថភាពក្នុងការចូលរួមប្រកួតប្រជែងនៅក្នុងទីផ្សារពលកម្មហើយរដ្ឋាភិបាលបានបន្តយកចិត្តទុកដាក់ដល់បងប្អូនជនពិការ ដែលបានចាត់ទុកវិស័យពិការភាពជាសំខាន់ ក្នុងចំណោមអាទិភាពវិស័យផ្សេងៗទៀត ។ម្យ៉ាងទៀត ក៏ជាការទប់ស្កាត់ កាត់បន្ថយ និង លុបបំបាត់នូវការរើសអើងជនពិការ ដើម្បីសំដៅធានាលទ្ធភាព ក្នុងការចូលរួមដ៏ពេញលេញ និង ស្មើភាពនៃជនពិការក្នុងគ្រប់សកម្មភាពស្របតាមច្បាប់ស្តីពីការលើកកម្ពស់សិទ្ធិជនពិការ នៃអនុសញ្ញាស្តីពីសិទ្ធិជនពិការ ទសវត្សរ៍ជនពិការឆ្នាំ២០១៣.២០២២ និង យុទ្ធសាស្ត្រអ៊ីនឈាន់ (ធ្វើឲ្យសិទ្ធិ ក្លាយជាការពិត ) ដូចជាផែនការយុទ្ធសាស្ត្រជាតិ ស្តីពីពិការភាព ២០១៤.២០១៨ ។ បងប្អូនជនពិការ ដែលបាន ចូលរួមចំណែកយ៉ាងសកម្ម ជម្រុញឲ្យការដាក់បញ្ចូលជនពិការ ក្នុងការអភិវឌ្ឍន៍ និង មានការទទួលស្គាល់តម្លៃ និង សមត្ថភាព ព្រមទាំងឆ្លើយតបទៅនឹងសេចក្តីត្រូវការរបស់បងប្អូន ក្មួយៗជនពិការផងដែរ ៕
