ខេត្តសៀមរាប សេចក្តីព្រាងសន្ធិសញ្ញា ស្តីពីការជួយគ្នាទៅវិញទៅមក លើផ្នែកច្បាប់ក្នុងវិស័យព្រហ្មទណ្ឌ រវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម រួមមាន ២៣ មាត្រា ។ ការពិភាគ្សា លើសេចក្តីព្រាងសន្ធិសញ្ញានេះ គឺសំដៅឆ្ពោះទៅរកចំណុចឯកភាពគ្នា មុននឹងឈានទៅដល់ការចុះហត្ថលេខា អនុវត្តសន្ធិសញ្ញានោះដោយស្ថិតក្នុងគោលបំណងលើកកម្ពស់កិច្ចសហប្រតិបត្តិការ ប្រកបដោយប្រសិទ្ធភាពរវាងប្រទេសទាំង២(កម្ពុជា- វៀតណាម) ក្នុងការទប់ស្កាត់បទល្មើស ដោយឈរលើមូលដ្ឋាននៃការគោរពសិទ្ធិមនុស្ស នីតិរដ្ឋ គោរពអធិបតេយ្យភាពគ្នាទៅវិញទៅមក សមភាព និងមានផលប្រយោជន៍រួមទាំងសងខាង ហើយវិស័យនេះ ក៏ជាផ្នែកមួយនៃកិច្ចសហប្រតិបត្តិការអន្តរជាតិផងដែរ នៃភាព សកម្មចូលរួម ក្នុងក្របខ័ណ្ឌច្បាប់អន្តរជាតិ ដើម្បីប្រយុទ្ធប្រឆាំងឧក្រឹដ្ឋកម្មឆ្លងដែន ។
នេះ បើតាមការឆ្លុះបង្ហាញដោយ លោកហ៊ី សោភា រដ្ឋលេខាធិការក្រសួងយុត្តិធម៌ និងជាប្រធានដឹកនាំប្រតិភូភាគីកម្ពុជា ចូលរួមក្នុងកិច្ចប្រជុំនោះ ។ ចំណែកឯខាងភាគីវៀតណាមវិញ ដឹកនាំប្រតិភូចូលរួមក្នុងកិច្ចប្រជុំនោះ ដោយ លោកLe Tien អគ្គនាយក កិច្ចសហប្រតិបត្តិការអន្តរជាតិ និង ជំនួយទៅវិញទៅមក ក្នុងវិស័យព្រហ្មទណ្ឌ ព្រមជាមួយនឹងវត្តមាន សហការីជំនាញអម ចំនួន៩រូប ។
លោកហ៊ី សោភា រដ្ឋលេខាធិការក្រសួងយុត្តិធម៌ និងជាប្រធានប្រតិភូកម្ពុជា បានឲ្យដឹងថា ៖ នៅលើមាត្រាទាំង២៣ របស់សេចក្តីព្រាងសន្ធិសញ្ញានេះ គូភាគី (កម្ពុជា-វៀតណាម) បានសម្រេចលើការពិភាគ្សាគ្នា ដែលបានធ្វើឡើងកាលពីឆ្នាំ២០១៤កន្លងទៅ ចំនួន១២មាត្រារួចមកហើយ ចាប់ពីមាត្រាទី២ ដល់មាត្រាទី១៣ ដោយឡែកមាត្រាទី០១ ដែលមានភាពស្មុគ្រស្មាញច្រើននោះ ត្រូវបានទុករំលង មិនទាន់បានពិភាគ្សាគ្នានោះទេ ហើយលោក បានឲ្យដឹងថា ៖ ជំនួបគ្នារវាងគូភាគីនេះនៅក្រុងសៀមរាបលើកនេះ ! តាមកម្មវិធី គឺគ្រោងនឹងប្រើប្រាស់រយៈពេល០២ថ្ងៃ គឺថ្ងៃទី១៥ និង ថ្ងៃទី១៦ ខែធ្នូ ឆ្នាំ២០១៥ ដើម្បីពិភាគ្សាបន្ត រកចំណុចឯកភាពគ្នា លើមាត្រាទី១៤ ដល់មាត្រាទី២៣ នៃសេចក្តីព្រាងសន្ធិសញ្ញាស្តីពីការជួយគ្នាទៅវិញទៅមក ផ្នែកច្បាប់ក្នុងវិស័យព្រហ្មទណ្ឌ នៃប្រទេសទាំង២ ( កម្ពុជា វៀតណាម ) ។
នាព្រឹកថ្ងៃទី១៥ ខែធ្នូនេះ ប្រធានប្រតិភូកម្ពុជា (លោកហ៊ី សោភា ) ពុំទាន់បានវាយតម្លៃឲ្យបាន
ច្បាស់នោះទេ ថា រយៈពេល២ថ្ងៃនេះ ! ថាតើ ? ការពិភាគ្សាគ្នានេះ អាចនឹងបន្តការជជែកគ្នា ដើម្បីបញ្ចប់លើ២៣មាត្រានៃសន្ធិសញ្ញានោះ យ៉ាងណានោះនៅឡើយទេ ព្រោះថា ការពិភាគ្សាគ្នាវាត្រូវការពេលវេលា ដើម្បីភាពច្បាស់លាស់ ។ ក៏ប៉ុន្តែ ទោះជាយ៉ាងណា ឯកឧត្តម បានបញ្ជាក់ថា៖ ភាគីទាំង២ មានបំណងចង់បានការសម្រេចប្រើប្រាស់សន្ធិសញ្ញានេះ ឲ្យបានឆាប់បំផុត និងច្បាស់លាស់បំផុត តាមប្រការដែលអាចធ្វើទៅបាន ៕
