ខេត្តសៀមរាបៈ ដីព្រៃលិចទឹកចំនួន៣ហិចតា ត្រូវបានឈ្មួញកាយដីទាំងយប់ទាំងថ្ងៃ កាយជម្រៅដល់ក្បាលប្រែត តែពុំត្រូវបានសមត្ថកិច្ចពាក់ព័ន្ឋ យកចិត្តទុកដាក់ត្រួតពិនិត្យ ឲ្យបានច្បាស់លាស់ ជាហេតុធ្វើឲ្យឈ្មួញបានអែមអាង ក្នុងលេសកាយដីយកមកចាក់ នៅទីតាំងដើម្បីសាងសង់សាលាបឋមសិក្សារបស់កូរ៉េ តែផ្ទុយទៅវិញគឺកាយដីនេះរាប់ សិបឆ្នាំមកហើយ តែពុំត្រូវបានយកដីទាំងនេះទៅចាក់នៅទីតាំងសាលានោះទេ តែបែរជាយកដីទាំងនោះទៅលក់តាមផ្ទះទៅវិញ ។
សកម្មភាពដឹកដីចេញពីរណ្តៅ ក្នុងមួយថ្ងៃមិនតិចពី៣៥០ទៅ៤០០ឡាន ក្នុងមួយថ្ងៃ រថយន្តបែនដឹកដីបន្តកន្ទុយគ្នាចេញពីរណ្តៅយក្យស្ថិតនៅភូមិភ្នំក្រោម សង្កាត់សៀមរាប ក្រុងសៀមរាប ខេត្តសៀមរាប ជាក់ស្តែង ទិដ្ឋភាពកាយដីព្រៃលិចទឹក នៅតំបន់ហាមឃាត់នេះ រថយន្តមិនតិចព៥០គ្រឿង បានដឹកដីលក់នៅក្នុងក្រុង សៀមរាប សរបញ្ជាក់ថា កន្លងមកទូរទស្សន៍ កាសែត បានធ្វើការចុះផ្សាយម្តងរួចមកហើយ កាលនោះម្ចាស់ដី បានអះអាងថាកាយដីនេះដើម្បីធ្វើផ្លូវអភិវឌ្ឍន៍ឃុំ តែដីដែលបានដឹកចេញពីរណ្តៅទាំងប៉ុន្មាន ពុំត្រូវបានចាក់ ធ្វើផ្លូវនោះទេ ទើបអភិបាលក្រុងបញ្ជាឲ្យផ្អាកនិងហាមដាច់ខាតមិនឲ្យកាយដីនេះ បន្ទាប់មកម្ចាស់ដីបានកាយដីម្តងទៀត ដោយអែមអាងក្នុងគម្រោងចាក់ដីសាងសង់សាលារៀន ។
ប្រភពពីប្រជាពលរដ្ឋបានអះអាងថា នៅទីតាំងចាក់ដីសម្រាប់សាងសង់សាលារៀន ក្រោមការឧបត្ថម្ភរបស់ កូរ៉េនេះ មិនសូវមានការចាក់ដីនោះទេ ៥ថ្ងៃឃើញចាក់៣ឡាន ជួនថ្ងៃខ្លះអត់ឃើញមកចាក់សោះ កន្លះខែចាក់៥ឡាន ហើយឃើញចាក់ដីនេះអស់រយះពេល ៥ខែមកហើយ មិនទាន់បានពេញទៀត ហើយក៏មិនដឹងថាថ្ងៃណានិងបានចាក់ពេញអស់ទេបើចាក់ខានៗ ហើយក៏សូមសំណូមពរ ឲ្យមានការចាក់ដីឲ្យពេញឆាប់ៗ ដោយសារតែ ទទឹងរងចាំជាច្រើនឆ្នាំហើយ មិនឃើញពេញសោះ ហើយស្មើរណាទៅទើបបានសាងសង់សាលារៀន ។
លោក រ៉ានី រ៉ែថាមពលខេត្តសៀមរាប បាននិយាយថា លោកមិនបានដឹងទេ រឿងការកាយដីនៅតំបន់ភ្នំក្រោមនេះចាំឲ្យមន្ត្រីរ ចុះទៅមើល ព្រោះលោកមិនបានដឹងទាល់តែសោះ ព្រោះសាលាក្រុងពុំបានផ្តល់ដំណឹងហើយក៏ពុំមានច្បាប់ណាបញ្ជូនមកខ្ញុំទេ ។
លោក ស៊ូ ផ្លាតុង អភិបាលក្រុងសៀមរាប បានឲ្យដឹងថា ពាក់ព័ន្ឋទៅនឹងកាយដីនេះ គឺមានក្រុមហ៊ុនមួយ គាត់បានធ្វើកិច្ចសន្យាកាយដីដើម្បីចាក់ធ្វើសាលារវាង ក្រុងសៀមរាប និងក្រុងស៊ូវន់ របស់កូរ៉េ ដែលមានដីចំនួន ៥ម៉ឺនទៅ៦ម៉ឺនម៉ែត្រគូបទើបពេញ ចំណែកការដឹកដីយកមកចាក់នេះ គឺពុំបានជួលគាត់ទេ គឺគាត់បានដឹកយកទៅលក់ខ្លះ ហើយឆ្លៀតពេលដឹកមកចាក់ឲ្យសាលាខ្លះ ការដឹកនេះគឺគ្មានកំណត់ទេ តែទោះជាយ៉ាង ណាគឺជម្រុញឲ្យគាត់ចាក់ឲ្យពេញដើម្បីសាងសង់សាលារៀន តែការដឹកចេញទៅលក់នេះគឺលោក ត្រូវតែហៅមកណែនាំគឺមិនអោយដឹកទៅលក់ទាំងស្រុងនោះទេ គឺត្រូវអតិភាពដឹកដីចាក់សាលារៀន បើដឹកដីមកលក់ទាំងស្រុងអញ្ជឹងគឺមិនបានជាដាច់ខាត។
ដោយ ប៊ុន រដ្ឋា
