កំពង់ធំ=ដើម្បីឆ្លើយតបនិងការខិតខំប្រឹងប្រែងរបស់មន្ត្រីរាជការ ក្នុងក្រុងស្ទឹងសែន ទើបត្រូវបានតំឡើងឋានៈជូនដល់ មន្ត្រីរាជការ ក្នុងនោះមានអភិបាលរងក្រុងស្ទឹងសែន ក្រោមអធិបតីភាព ឯកឧត្តម ប្រាក់ សារ៉ាត់ អភិបាលរងខេត្តកំពង់ធំលោក ហុក រិន អភិបាលក្រុងស្ទឹងសែនព្រមទាំងបណ្ដាអង្គភាពមន្ទីរនានាជុំវិញខេត្ត សរុប ៩៥នាក់កាលពីព្រឹកថ្ងៃទី ១៧ ខែធ្នូឆ្នាំ២០១៥នៅក្នុងសាលប្រជុំសាលាក្រុងស្ទឹងសែន។
ពិធីប្រកាសចូលកាន់ដំណែងអភិបាលរងក្រុង នាយករដ្ឋបាល ប្រធានអនុប្រធាន ការិយាល័យច្រកចេញតែមួយនិងប្រធានការិយាល័យភូមិបាលក្រុងស្ទឹងសែន ទី១ តែងតាំង លោក ស៊ឹម ប៊ុន អ៊ាន់ ឋានន្ដរស័ក្កិ នាយក្រមការ ថ្នាក់លេខ ៦ មកកាន់មុខតំណែងជាអភិបាលរងក្រុង ស្ទឹងសែនខេត្តកំពង់ធំ ។ទី២ លោកស្រី ភិន កុសល ឋានន្ដរស័ក្កិក្រមការ ថ្នាក់លេខ៤ ពីស្មៀន សង្កាត់ស្រយ៉ូវ អោយមកបំរើការងារជាមន្ដ្រី នៅសាលាក្រុងស្ទឹងសែន ខេត្តកំពង់ធំ។ ទី៣ លោក គង់វុទ្ធី ឋានន្ដរស័ក្កិលេខាធិការរដ្ឋបាល ថ្នាក់លេខ ៩ អោយកាន់មុខតំណែងជានាយករដ្ឋបាលលសាលាក្រុងស្ទឹងសែន ។ទី៤ ត្រូវតែងតាំង លោកកែងសារឿន ឋានន្ដរស័ក្កិលេខាធិការរដ្នបាល ថ្នាក់លេខ៩ អោយកាន់មុខដំណែង ជាស្មៀនសង្កាត់ស្រយ៉ូវក្រុងស្ទឹងសែន ខេត្តកំពង់ធំ។
លោក ហុក រិន អភិបាលក្រុងស្ទឹងសែន ការអនុវត្តន៍ការងារក្នុងឆ្នាំ២០១៥កន្លងមក រួមទាំងការងារសាងសង់ ការបង្កបង្កើនផលស្រូវ ការទប់ស្កាត់រាល់សកម្មភាព អសន្ដិសុខ ដើម្បីរក្សារ សេចក្ដីសុខជូនប្រជាពលរដ្ន គោរពតាមគោលនយោបាលរបស់រាជរដ្ឋាភិបាល គឺភូមិឃុំមានសុវត្ថិភាពទាំង៩ចំនុច ។
លោក អ៊ុំ ឧទម្ពរ ប្រធានការិយាល័យធនធានមនុស្ស បានអានសេចក្ដីប្រកាសស្ដីពី ការផ្ទេរ ភារកិច្ចនិងតែងតាំងមន្ដ្រីរាជការ របស់ឧបនាយករដ្នមន្ដ្រី រដ្នមន្ដ្រីក្រសួងមហាផ្ទៃ ដែលបានសម្រេច ផ្ទេរភារកិច្ច បន្ទាប់មក លោក ស៊ឹម ប៊ុន អ៊ាន់ អភិបាលរងក្រុងបានឡើងប្ដេជ្ញាចិត្ត អគុណដល់ថ្នាក់ដឹកនាំខេត្តនិងប្រមុខរាជរដ្នាភិបាល គោរពដើរតាមគោលការណ៍របស់រាជរដ្ឋាភិបាលដែលបានដាក់ជូន និងខិតខំបំពេញភារកិច្ចជូនជាតិជូនប្រជាជន អនុវត្តន៍គោលនយោបាយ សាមគ្គីភាពផ្ទៃក្នុងអោយបានល្អ និងអនុវត្តន៍ផែនការក្នុងទិសដៅខាងមុខអោយបានល្អ អស់ពីកំលាំងកាយកំលាំងចិត្ត ។
ឯកឧត្តម ប្រាក់សារ៉ាត បានមានប្រសាសន៍សំណេះសំណាល កោតសសើរថ្នាក់ដឹកនាំក្រុងក្នុងការបំពេញរាល់ភារកិច្ចបំរើផលប្រយោជន៍ជូនជាតិ ជូនប្រជាជន ប្រកបដោយភាពជោគជ័យ ព្រមទាំងបានផ្ដាំផ្ញើរដល់មន្ដ្រីសាលាក្រុងទាំងអស់បន្ដសហការគ្នាអនុវត្តន៍ការងារបន្ដ និងសាមគ្គីភាពផ្ទៃក្នុងអោយបានល្អ ដើម្បីបំរើប្រយោជន៍ជូនប្រជាជនអោយទទួលបានជោគជ័យបន្ថែមទៀត ៕ ប៊ុន រដ្ឋា
