កំពង់ធំៈ ប្រជាពលរដ្ឋរស់នៅក្នុងភូមិប្រម៉ាត់ដី ជាង៨០% បានចាប់អាជីពដាំដំណាំជាលក្ខណៈគ្រួសារ ក្នុងការផ្គត់ផ្គង់ជីវភាពគ្រួសារ និងអាចរកចំណូលកាកកបសម្រាប់ដោះស្រាយជីវភាព ដែលកំពុងតែមានទីផ្សារល្អនៅក្នុងខេត្តក៏ដូចជាតាមភោជនីយ៍ដ្ឋាន និងអាហារដ្ឋាន ក្នុងខេត្តកំពង់ធំ។
ប្រជាពលរដ្ឋដែលរស់នៅ ក្នុងភូមិប្រម៉ាត់ដី ឃុំស្រយូវ ក្រុងស្ទឹងសែន ខេត្តកំពង់ធំ បានចាប់អាជីពដាំដំណាំមកជាយូរមកហើយ ភាគច្រើន ចាប់យកអាជីពដាំបន្លែដាំពោតលក់ដើម្បីរកប្រាក់កម្រៃសម្រាប់ជួយផ្គត់ផ្គង់ក្នុងជីវភាពគ្រួសារដែលមានទីផ្សារជាងឆ្នាំមុន និងមានឈ្មួញមកទិញដល់ចំការ អាចលក់បានជារៀងរាល់ ថ្ងៃ ក្នុងមួយផ្លូន២ម៉ឺនរៀល ដែលអាចប្រមូលម្តងលក់បានជាង៣លានរៀលក្នុងមួយលើក ក្នុងមួយឆ្នាំ អាចដាំបាន៣ដង។
អ្នកស្រីឈឹម ម៉ឺនណាក់ បានឲ្យដឹងនៅថ្ងៃទី២០ខែមករាឆ្នាំ២០១៦ ក្រោយពីពីរៀបការរួចមក ក្រុមគ្រួសាររបស់អ្នកស្រីក្រៅពីធ្វើស្រែបន្តិចបន្តួចក៏បានដាំពោតនៅក្នុងចំការដ៏តូចមួយដែលអាចបង្កលក្ខណៈងាយដល់ជីវភាពគ្រួសាររហូតដល់សព្វថ្ងៃ ពីព្រោះថាដំណាំពោតមានប្រយោជន៏ខ្លាំង វាអាចផ្តល់ផលបីដងក្នុងមួយឆ្នាំ អ្នកបានរៀបរាប់ថា ក្រោយពីអ្នកស្រី បានរៀបការួចមក នាំគ្រួសារប្រកបមុខរបរចិញ្ចឹមជីវិត ដោយការដាំបន្លែនិងដាំដំណាំ ជាច្រើនមុខសម្រាប់ទ្រងទ្រង់ជីវភាពគ្រួសារ ដោយសារតែមានជីវភាពខ្វះខាតអ្នកស្រីបាន ជួលដីអ្នកភូមិ សម្រាប់ដាំដំណាំ ហើយក៏បានបញ្ជូលឲ្យកូនចៅបានរៀនសូត្រផងដែរ ។
លោក ប៊ុនស៊ីណា ប្រធានភូមិប្រម៉ាត់ដីបានបញ្ជាក់ថា ប្រជាពលរដ្ឋជាង១០០គ្រួសាររស់នៅក្នុងភូមិនេះមានប្រជាជនជាង៨០%បាននាំគ្នាដាំបន្លែដាំពោតសម្រាប់លក់គ្រួសារខ្លះមានដីស្រែបន្តិចបន្តួចក៏បានដំណាំពោតវិញ ដែលកំពុងតែមានទីផ្សារ រស់រវ៉ើក ព្រោះអ្នកភូមិបានប្រើជីសរីរាង្គធម្មជាតិមិនប្រើជីគីមីឡើយ ដោយមាន មន្ត្រីជំនាញមកពីមន្ទីរកសិកម្មខេត្តកំពង់ធំ លោកបានបន្តថា ការប្រមូលផលពោត គឺចាប់តាំង ពីដាំរហូតដល់ប្រមូលផល មានរយះពេល២ខែ១០ថ្ងៃគឺដល់ថ្ងៃកំណត់កាប់ពោតដើម្បីទៅលក់នៅទីផ្សា ហើយក្នុងនោះមានអ្នកមកទទួលទិញដល់ចំការ ក្នុងតំលៃ២ម៉ឺនរៀលក្នុងមួយផ្លូន ក្នុងនោះអាចប្រមូលផលពីបន្លែ បង្ករផ្សេងៗផ្សំលក់ ដូចជាពីងប៉ោះ ត្រប់ សណ្តែក ស្ពៃ សម្រាប់លក់រកចំណូលប្រចាំថ្ងៃ ។
ក្នុងនោះក៏មានប្រជាពលរដ្ឋ ដែលមានអាជីពដាំបន្លែ បានសុំសំណូមពរ ដល់ឯកឧត្តម អ៊ុត សំអន អភិបាល ខេត្តកំពង់ធំ ជួយសម្របសម្រួលឲ្យពួកគាត់បានលក់ នៅក្នុងផ្សារកំពង់ធំនៅក្បែរផ្សារផង ដោយសារតែពួក គាត់ពុំមានទីតាំងលក់ពិតប្រកដ ត្រូវបានសន្តិសុខ និងប៉ូលិសប៉ុស្តិ៍ ដេញ ពីមុខពីក្រោយ ពិការក្នុងការលើកបន្លែរត់ ព្រោះ ជីវភាពពួកគាត់ពឹងផ្អែកទៅលើ ការលក់ដូរបន្តិចបន្តួចនេះឯង សម្រាប់ជីវភាពគ្រួសារ និងផ្តល់ថវិកាឲ្យកូន ប្រុសស្រីបានបន្តកាសិក្សា ។ដោយ ប៊ុន រដ្ឋា
