ក្លិបហង្សក្រហម Liverpool ត្រូវបានគេមើលឃើញថា កំពុងតែរៀបចំសំណើរប្រមាណ ២០ លានផោន លើការចង់បានខ្សែបម្រើ Adam Lallana របស់ក្លិប Southampton ។ Lallana មានជាប់ទាក់ទងលើការផ្លាស់ទៅកាន់ទឹកដី Anfield ជាយូរមកហើយ ហើយថ្មីៗនេះ រូបគេក៏ជាប់ឈ្មោះក្នុងក្រុមជម្រើសជាតិតោកំណាចអង់គ្លេសសម្រាប់យុទ្ធនាការប្រកួត World Cup ផងដែរ ។ យោងតាមសារព័ត៌មាន Liverpool Echo
បានចុះផ្សាយថា ក្លិបហង្សក្រហមកំពុងតែត្រៀមសំណើរដើម្បីទិញកីឡាករវ័យ២៦ឆ្នាំរូបនេះស្របពេលដែលក្លិប Southampton បានអះអាងថា ពួកគេនឹងយល់ព្រមលក់ Lallana បើសិនណាជា Liverpool ហ៊ានឲ្យតម្លៃខ្លួនចំនួន២៥លានផោន ។ គួរបញ្ជាក់ថា Lallana ស៊ុតបញ្ចូលទីបាន ៩ គ្រាប់ឲ្យ Southampton នៅរដូវកាលនេះហើយរូបគេក៏ជាប់ឈ្មោះជាកីឡាករលេងល្អប្រចាំរដូវកាលរបស់ក្លិបផងដែរ ៕
